ബോബ് മെറ്റ്കാഫ്
ബോബ് മെറ്റ്കാഫ് | |
|---|---|
.jpg) 2004-ൽ റോബർട്ട് മെറ്റ്കാഫ് | |
| ജനനം | Robert Melancton Metcalfe ഏപ്രിൽ 7, 1946 Brooklyn, New York, United States |
| പൗരത്വം | American |
| കലാലയം | MIT - B.S. Electrical Engineering, B.S. Industrial Management, 1969 Harvard University - M.S. Applied Mathematics, 1970; Ph.D. Computer Science (Applied Mathematics), 1973 |
| അറിയപ്പെടുന്നത് | Internet pioneer, Ethernet inventor, 3Com founder, Metcalfe's Law |
| ജീവിതപങ്കാളി(കൾ) | Robyn |
| കുട്ടികൾ | 2 |
| പുരസ്കാരങ്ങൾ | |
| ശാസ്ത്രീയ ജീവിതം | |
| പ്രവർത്തനതലം | Computer networking Computer science Innovation and Entrepreneurship |
| സ്ഥാപനങ്ങൾ | MIT, Xerox PARC, 3Com, IDG/InfoWord, Polaris Venture Partners, The University of Texas at Austin. |
| പ്രബന്ധം | Packet Communication (1973) |
| ഡോക്ടർ ബിരുദ ഉപദേശകൻ | Jeffrey P. Buzen |
ബോബ് മെറ്റ്കാഫ് (1946 ഏപ്രിൽ 7 ന് ജനനം)[2][3]1970 മുതൽ ഇന്റർനെറ്റിന്റെ തുടക്കകാലത്ത് മികച്ച സംഭാവനകൾ നൽകി സഹായിച്ച യുണൈറ്റഡ് സ്റ്റേറ്റ്സിൽ നിന്നുള്ള ഒരു എഞ്ചിനീയറും സംരംഭകനുമാണ്. ഈഥർനെറ്റിന്റെ (Ethernet)പിതാവായാണ് ബോബ് മെറ്റ്കാഫ് അറിയപ്പെടുന്നത്. ഈഥർനെറ്റ് ഇന്ന് വളരെ വ്യാപകമായി ഉപയോഗിക്കപ്പെടുന്ന ലോക്കൽ ഏരിയ നെറ്റ്വർക്ക് സ്റ്റാൻഡേർഡാണ്. ഈഥർനെറ്റ് അധിഷ്ടിതമായ നെറ്റ്വർക്കുകൾ ഇൻറർനെറ്റിലേക്ക് ഘടിപ്പിക്കപ്പെടുകയും അങ്ങനെ ഇൻറർനെറ്റിന്റെയും അഭിവാജ്യ ഘടകമായി തീരുകയും ചെയ്തു. നെറ്റ്വർക്കിംഗ്, ഇൻറർനെറ്റ് എന്നിവയുടെ ചരിത്രത്തിൽ വിലമതിക്കാനാവാത്ത സംഭാവനയാണ് ബോബ് മെറ്റ് കാഫ് നൽകിയത്. ഒരു ടെലികമ്മ്യൂണിക്കേഷൻ ശൃംഖലയുടെ പ്രഭാവം വിവരിക്കുന്ന 3കോം(3Com), മെറ്റ്കാൾഫ് നിയമം രൂപീകരിച്ചു. 2011 ജനുവരി മുതൽ, ഓസ്റ്റിനിലെ ടെക്സസ് യൂണിവേഴ്സിറ്റിയിൽ ഇന്നൊവേഷൻ ആൻഡ് എന്റർപ്രണർഷിപ്പ് പ്രൊഫസറാണ്. ഫ്രീ എന്റർപ്രൈസസിന്റെ മർച്ചിസൺ ഫെല്ലോ കൂടിയാണ് അദ്ദേഹം.[4]
ഇഥർനെറ്റ് സാങ്കേതികവിദ്യ വികസിപ്പിക്കുന്നതിനുള്ള തന്റെ പ്രവർത്തനത്തിന് ഐഇഇഇ(IEEE) മെഡൽ ഓഫ് ഓണർ, നാഷണൽ മെഡൽ ഓഫ് ടെക്‌നോളജി ആൻഡ് ഇന്നൊവേഷൻ എന്നിവയുൾപ്പെടെ വിവിധ അവാർഡുകൾ മെറ്റ്കാഫിന് ലഭിച്ചിട്ടുണ്ട്.
തന്റെ നേട്ടങ്ങൾക്ക് പുറമേ, മെറ്റ്കാൾഫ് നിരവധി പ്രവചനങ്ങൾ നടത്തിയിട്ടുണ്ട്, പക്ഷേ ആ പ്രവചനങ്ങൾ പരാജയപ്പെട്ടു, 1990 കളിൽ ഇന്റർനെറ്റ്, വയർലെസ് നെറ്റ്വർക്കുകൾ, ഓപ്പൺ സോഴ്സ് സോഫ്റ്റ്‌വെയർ ഇവ ഇല്ലാതാകുമെന്നായിരുന്നു ആ പ്രവചനങ്ങൾ.
മുൻകാലജീവിതം
[തിരുത്തുക]1946-ൽ ന്യൂയോർക്കിലെ ബ്രൂക്ലിനിലാണ് റോബർട്ട് മെറ്റ്കാൾഫ് ജനിച്ചത്. ഗൈറോസ്കോപ്പിൽ വിദഗ്ധനായ ഒരു ടെസ്റ്റ് ടെക്നീഷ്യനായിരുന്നു അദ്ദേഹത്തിന്റെ പിതാവ്. അമ്മ ഒരു വീട്ടമ്മയായിരുന്നു, എന്നാൽ അവർ പിന്നീട് ബേ ഷോർ ഹൈസ്കൂളിൽ സെക്രട്ടറിയായി. 1964-ൽ, ബേ ഷോർ ഹൈസ്കൂളിൽ നിന്ന് മെറ്റ്കാഫ് ബിരുദം നേടി, 1968-ലെ എംഐടി ക്ലാസിൽ ചേർന്നു. ഒടുവിൽ 1969-ൽ എംഐടിയിൽ നിന്ന് രണ്ട് എസ്.ബി. ബിരുദം, ഒന്ന് ഇലക്ട്രിക്കൽ എഞ്ചിനീയറിംഗിലും മറ്റൊന്ന് എംഐടി സ്ലോൺ സ്കൂൾ ഓഫ് മാനേജ്‌മെന്റിൽ നിന്ന് വ്യവസായ മാനേജ്‌മെന്റിലും. തുടർന്ന് ബിരുദ പഠനത്തിനായി ഹാർവാർഡിലേക്ക് പോയി, എം.എസ്. 1970-ൽ അപ്ലൈഡ് മാത്തമാറ്റിക്സിലും 1973-ൽ കമ്പ്യൂട്ടർ സയൻസിൽ പിഎച്ച്ഡിയും (അപ്ലൈഡ് മാത്തമാറ്റിക്സ്) നേടി.
കരിയർ
[തിരുത്തുക]കമ്പ്യൂട്ടർ സയൻസിൽ ഡോക്ടറേറ്റ് നേടുന്നതിനിടയിൽ, സ്കൂളിനെ പുതിയ ആർപാനെറ്റി (ARPAnet)-ലേക്ക് ബന്ധിപ്പിക്കുന്നതിനുള്ള ഉത്തരവാദിത്തം ഹാർവാർഡ് അനുവദിക്കാത്തതിനെത്തുടർന്ന് മെറ്റ്കാൾഫ് എംഐടിയുടെ പ്രൊജക്റ്റ് മാകി(MAC)-ൽ ജോലി ഏറ്റെടുത്തു. മാകിൽ, എംഐടിയുടെ മിനികമ്പ്യൂട്ടറുകളെ ആർപാനെറ്റുമായി ബന്ധിപ്പിക്കുന്ന ചില ഹാർഡ്‌വെയറുകൾ നിർമ്മിക്കുന്നതിന്റെ ഉത്തരവാദിത്തം മെറ്റ്‌കാൾഫിനായിരുന്നു. ആർപാനെറ്റിനെക്കുറിച്ചായിരുന്നു അദ്ദേഹത്തിന്റെ ഡോക്ടറൽ പ്രബന്ധത്തിന്റെ വിഷയം, എന്നാൽ ആദ്യ പതിപ്പ് അംഗീകരിക്കപ്പെട്ടില്ല.[5]സെറോക്സ് പാർകി(PARC)-ൽ ജോലി ചെയ്യുന്ന സമയത്താണ് ഒരു പുതിയ പ്രബന്ധത്തിനുള്ള പ്രചോദനം ലഭിച്ചത്, അവിടെ അദ്ദേഹം ഹവായ് സർവകലാശാലയിലെ അലോഹ നെറ്റ്‌വർക്കിനെക്കുറിച്ചുള്ള ഒരു പേപ്പർ വായിച്ചു. അലോഹാനെറ്റ് മോഡലിലെ ചില ബഗുകൾ അദ്ദേഹം കണ്ടെത്തി പരിഹരിക്കുകയും തന്റെ വിശകലനം ഒരു പരിഷ്കരിച്ച തീസിസിന്റെ ഭാഗമാക്കുകയും ചെയ്തു, അത് മൂലം 1973-ൽ അദ്ദേഹത്തിന് ഹാർവാർഡിൽ നിന്ന് പിഎച്ച്ഡി നേടാൻ സഹായിച്ചു.[6]
ഇവയും കാണുക
[തിരുത്തുക]
|
കമ്പ്യൂട്ടർ ശാസ്ത്രജ്ഞരുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക. |
അവലംബം
[തിരുത്തുക]- ↑ "Computer History Museum 2008 Fellow Awards". Archived from the original on October 3, 2008. Retrieved 2008-10-21.
- ↑ "Robert Metcalfe, Inventor Profile". National Inventors Hall of Fame. Archived from the original on 2008-01-04. Retrieved 2007-10-19.
- ↑ "Robert M. Metcalfe | IEEE Computer Society" (in അമേരിക്കൻ ഇംഗ്ലീഷ്). Retrieved 2021-12-06.
- ↑ "Inventor of Ethernet and Venture Capital Executive Bob Metcalfe to Lead Innovation Initiatives at UT ECE". Archived from the original on 2011-07-22. Retrieved 2011-01-20.
- ↑ "Entrepreneurial Capitalism & Innovation: A History of Computer Communications from the Development of the Modem to the Early Years of the Internet, by James Pelkey, interview conducted by the author in 1988" Archived 2020-08-06 at the Wayback Machine. "Only one small hitch, which is, when I showed up in June of '72 to defend my PhD thesis at Harvard, it was rejected, and I was thrown out on my ass."
- ↑ "Internet Pioneers - Bob Metcalfe". Ibiblio. Retrieved 2007-12-07.