വിക്കിപീഡിയ:തിരഞ്ഞെടുത്ത ചിത്രങ്ങൾ/10-11-2022
കുർദിഷ് ചലച്ചിത്രകാരിയായ ലിസ ചലാൻ കേരളത്തിന്റെ 26-ാമത് രാജ്യാന്തര ചലച്ചിത്രമേളയിലെ സ്പിരിറ്റ് ഓഫ് സിനിമ അവാർഡ് ജേതാവാണ്. 2015ൽ തുർക്കിയിൽ ഐ.എസ്. തീവ്രവാദികൾ നടത്തിയ ഭീകരാക്രമണത്തിൽ അവർക്ക് ഇരുകാലുകളും നഷ്ടപ്പെട്ടു. കുർദിഷ് ഭാഷയുടെ സ്വാംശീകരണത്തിന് ഊന്നൽ നൽകുന്ന സിമാന സിയ (പർവതങ്ങളുടെ ഭാഷ) എന്ന സിനിമ അവർ സംവിധാനം ചെയ്തു. വെസാർട്ടി (രഹസ്യം) എന്ന സിനിമയിലെ നടിയും കലാസംവിധായികയും കൂടിയായിരുന്നു ലിസ.
ഛായാഗ്രഹണം: ഷഗിൽ കണ്ണൂർ