നളനുണ്ണി

982-1040. 'നളനുണ്ണി('982-1040). എന്ന അപരനാമധേയത്താൽ അറിയപ്പെട്ടിരുന്ന രാമൻ ഏറ്റുമാനൂർ എന്ന സ്ഥലത്ത് മന്നത്തൂർ തറവാട്ടിലാണു ജനിച്ചത്. ഇദ്ദേഹം സുപ്രസിദ്ധനായ ഒരു ഗുരുനാഥനും പ്രാമാണികനായ ഒരു ആദ്യവസാനവേഷക്കാരനുമായിരുന്നു. ഉത്രം തിരുനാൾ തിരുമനസ്സുകൊണ്ട് ഇളയതമ്പുരാനായിരുന്ന കാലത്തും, മഹാരാജാവായശേഷവും തിരുമനസ്സിലെ കളിയോഗത്തിലെ പ്രധാനഅംഗമായി നളനുണ്ണി സേവനമനുഷ്ഠിച്ചു. മഹാരാജാവിന്റെ കല്പനപ്രകാരം ഉണ്ണിയുടെ കുടുംബത്തിന് ഏറ്റുമാനൂർ ദേവസ്വത്തിൽനിന്നും ഉള്ള വർഷാശനം ഇന്നും ലഭിച്ചുവന്നു. നളചരിതം ഒന്നാം ദിവസത്തെ നളൻ,ഹംസം, രണ്ടാംദിവസത്തെ നളൻ, സൗഗന്ധികത്തിൽ ഹനുമാൻ ആദിയായവ ഉണ്ണിയുടെ പ്രസിദ്ധ വേഷങ്ങളാണു്. ഈശ്വരപിള്ള വിചാരിപ്പുകാർ ആദ്യവസാനക്കാരനാകുന്നതിനു മുൻപ് കൊട്ടാരം കളിയോഗത്തിൽ മറ്റ് ആദ്യവസാനക്കാരുടെ പച്ച അത്ര നന്നായിരുന്നില്ല.അതുകൊണ്ടു നളനുണ്ണി പച്ചയാണു കെട്ടുക പതിവ്.ഇദ്ദേഹത്തിന്റെ സിതാസ്വയംവരത്തിൽ പരശുരാമനുംപ്രസിദ്ധമാണ്.