പൂർണ്ണസംഖ്യ
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
പൂജ്യം, ധനസംഖ്യകൾ, ഋണസംഖ്യകൾ എന്നിവ അടങ്ങുന്ന സംഖ്യാ ഗണത്തിലെ അംഗങ്ങളാണ് പൂർണ്ണ സംഖ്യകൾ (Integer) . ഇന്റീജർ എന്ന ലാറ്റിൻ വാക്കിന്റെ അർത്ഥം സ്പർശിക്കപ്പെടാത്തത് അല്ലെങ്കിൽ പൂർണ്ണമായത് എന്നാണ്.
ഭിന്ന ഘടകമോ ദശാംശ ഘടകമോ ഇല്ലാത്ത സംഖ്യകളാണിവ. {... −2, −1, 0, 1, 2, ...} എന്ന ഗണത്തിൽ ഇവയെല്ലാം ഉൾപ്പെടുന്നു. ഉദാഹരണമായി 65, 7, −756 എന്നിവ പൂർണ്ണ സംഖ്യകളാണ്; അതേസമയം 1.6 and 1½ എന്നിവ പൂർണ സംഖ്യകളല്ല.
പ്രത്യേകതകൾ
[തിരുത്തുക]സങ്കലനം, ഗുണനം എന്നിവ ഈ ഗണത്തിൽ അടങ്ങിയിരിയ്ക്കുന്നു. അതായത് ഈ ഗണത്തിൽ നിന്നും രണ്ട് സംഖ്യകൾ കൂട്ടിയാലോ ഗുണിച്ചാലോ കിട്ടുന്ന സംഖ്യ ഈ ഗണത്തിലെ തന്നെ അംഗമായിരിയ്ക്കും. വ്യവകലനവും ഈ നിയമം പാലിക്കുന്നു. സാഹചര്യ നിയമം, ക്രമനിയമം, വിതരണനിയമം എന്നിവയും ഈ ഗണിതക്രിയകൾ പാലിക്കുന്നു.
ഈ ഗണത്തിലെ അംഗങ്ങളെല്ലാം പൂർണ്ണമായും ക്രമത്തിലാണ് ക്രമീകരിച്ചിരിക്കുന്നത്. പൂജ്യത്തിന് ഇടതുഭാഗത്ത് ഋണസംഖ്യകളും വലതുഭാഗത്ത് ധനസംഖ്യകളും ആയാണ് സംഖ്യാരേഖയിൽ അടയാളപ്പെടുത്തുന്നത്.
അവലംബം
[തിരുത്തുക]|
|
സംഖ്യയെക്കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |