ഡ്യൂറണ്ട് രേഖ
പാകിസ്താനും അഫ്ഗാനിസ്താനും തമ്മിലുള്ള അന്താരാഷ്ട്രഅതിർത്തിരേഖയാണ് ഡ്യൂറണ്ട് രേഖ എന്നറിയപ്പെടുന്നത്. അത്ര കൃത്യമായി തിട്ടപ്പെടുത്താത്ത ഈ അതിർത്തി ഏതാണ്ട് 2,640 കിലോമീറ്റർ (1,610 മൈൽ) നീളമുള്ളതാണ്. 1893-ൽ ബ്രിട്ടീഷ് ഇന്ത്യ ഭരണകൂടവും അഫ്ഗാനിസ്താനിലെ അന്നത്തെ അമീർ ആയിരുന്ന അബ്ദുർ‌റഹ്മാൻ ഖാനും തമ്മിൽ, ഇരുകൂട്ടരുടേയും സ്വാധീനമേഖലക്ക് പരിധി നിശ്ചയിക്കുന്നതിനായി ഒപ്പുവക്കപ്പെട്ട ഡ്യൂറണ്ട് രേഖ കരാർ പ്രകാരമാണ് ഈ അതിർത്തിരേഖ നിലവിൽ വന്നത്. ബ്രിട്ടീഷ് ഇന്ത്യയിലെ അന്നത്തെ വിദേശകാര്യസെക്രട്ടറി ആയിരുന്ന ഹെന്രി മോർട്ടൈമർ ഡ്യൂറണ്ടിന്റെ പേരിലാണ് ഈ രേഖ അറിയപ്പെടുന്നത്. വിവിധ പഷ്തൂൺ ജനവിഭാഗങ്ങളുടെ ആവാസമേഖലകളെ രണ്ടായി വിഭജിച്ച ഈ രേഖ അഫ്ഗാനിസ്താൻ പാകിസ്താൻ ബന്ധത്തിനിടയിലുള്ള ഒരു പ്രധാന പ്രശ്നസ്രോതസ്സാണ്.[1] മാത്രമല്ല, ലോകത്തെ ഏറ്റവും അപകടകരമായ മേഖലകളിലൊന്നിലൂടെയാണ് ഈ രേഖ കടന്നുപോകുന്നത്[2][3][4]
ഈ രേഖക്ക് അന്താരാഷ്ട്രഅതിർത്തി എന്ന നിലയിലുള്ള സ്ഥാനം ഇന്നുവരെ പൂർണ്ണമായി കൈവന്നിട്ടില്ല[1]. വിവിധ അന്താരാഷ്ട്രഭൂപടങ്ങളിൽ പാക് അഫ്ഗാൻ അതിർത്തിയായി ഡ്യൂറണ്ട് രേഖയെ കാണിക്കുന്നുണ്ടെങ്കിലും അഫ്ഗാനിസ്താൻ ഈ രേഖയെ അംഗീകരിച്ചിട്ടില്ല.[5][6][7][8][9] രേഖക്ക് കിഴക്കുള്ള പല പ്രദേശങ്ങളുടെ മേലും, പണ്ട് ബ്രിട്ടീഷുകാർക്കോ, ഇന്ന് പാകിസ്താൻ അധികൃതർക്കോ പൂർണമായി ആധിപത്യം സ്ഥാപിക്കാൻ സാധിച്ചിട്ടില്ല. പല പ്രദേശങ്ങളും രാഷ്ട്രീയസ്വയംഭരണമുള്ള ഗോത്രമേഖലയായി ഇന്നും തുടരുന്നു.[1]
ഡ്യൂറണ്ട് രേഖ കരാർ
[തിരുത്തുക]ഡ്യൂറണ്ട് രേഖക്ക് ആസ്പദമായ കരാറാണ് ഡ്യൂറണ്ട് രേഖ കരാർ. ഒറ്റ താളുള്ള ഈ കരാർ, ഏഴ് ചെറിയ ഖണ്ഡികകൾ അടങ്ങിയതായിരുന്നു. ബ്രിട്ടീഷ് ഇന്ത്യക്ക് വേണ്ടി ഹെന്രി മോർട്ടൈമർ ഡ്യൂറണ്ടും അഫ്ഗാനികൾക്കായി അമീർ അബ്ദുർ റഹ്മാൻ ഖാനുമാണ് 1893 നവംബർ 12-ന് ഈ കരാറിൽ ഒപ്പുവച്ചത്.[10] ഇതിനെത്തുടർന്ന് അതിർത്തി നിർണ്ണയിക്കുന്നതിന് ബ്രിട്ടീഷ് അഫ്ഗാൻ സം‌യുക്തസംഘം 1894-ൽ സർവേ ആരംഭിക്കുകയും ചെയ്തു.
അവലംബം
[തിരുത്തുക]- ↑ 1.0 1.1 1.2 Vogelsang, Willem (2002). "17-The dynasty of Amir Abd al Rahman Khan". The Afghans. LONDON: Willey-Blackwell, John Willey & SOns, Ltd, UK. p. 270. ISBN 978-1-4051-8243-0.
{{cite book}}: Cite has empty unknown parameter:|coauthors=(help) - ↑ Newsweek, No Man's Land - Where the imperialists' Great Game once unfolded, tribal allegiances have made for a "soft border" between Afghanistan and Pakistan--and a safe haven for smugglers, militants and terrorists Archived 2008-04-08 at the Wayback Machine.
- ↑ Council on Foreign Relations - The Troubled Afghan-Pakistani Border Archived 2010-05-25 at the Wayback Machine.
- ↑ Dawn News - Japanese nationals not killed in Pakistan: FO
- ↑ Dawn News, Fazl urges Afghanistan to recognise Durand Line
- ↑ Carnegie Papers - Pakistan-Afghanistan Relations in the Post-9/11 Era Archived 2017-08-08 at the Wayback Machine. by Frédéric Grare. October 2006.
- ↑ End of Imaginary Durrand Line: North Pakistan belongs to Afghanistan Archived 2009-12-16 at the Wayback Machine. by Wahid Momand
- ↑ Government & Politics: Overview Of Current Political Situation In Afghanistan Archived 2017-01-16 at the Wayback Machine."(3) The Durand line is an unofficial porous border between Afghanistan and Pakistan. In 1893, the British and the Afghan Amir (Abdur Rahman Khan) agreed to set up the Durand line (named after the foreign Secretary of the Indian government, Sir Mortimer Durand) to divide Afghanistan and what was then British India. Many experts believe that the Afghan Amir regarded the Durand Line as only a separation of areas of political responsibility, not a permanent international border. In addition, some sources claim that the agreement was only for 100 years and that it expired in 1993. Moreover as early as 1949, Afghanistan's Loya Jirga declared the Durand Line invalid.
- ↑ "Durand Line". Archived from the original on 2009-04-29. Retrieved 2010-03-10.
- ↑ Nystrop, Richard F. And Donald M. Seekins, eds. Afghanistan a Country Study. Washington: Library of Congress, 1986. 38. http://www.loc.gov/rr/geogmap/pub/afghanistan.html