അടമ്പ്

ഇംഗ്ലീഷ് വിലാസം

https://ml.wikipedia.org/wiki/Goat%27s_foot

അടമ്പ്
അടമ്പിന്റെ പൂവും രണ്ടായി പിളർന്ന ഇലകളും. ആലപ്പുഴ ജില്ല.
ശാസ്ത്രീയ വർഗ്ഗീകരണം
കിങ്ഡം:	സസ്യലോകം
ക്ലാഡ്:	ട്രക്കിയോഫൈറ്റ്
ക്ലാഡ്:	സപുഷ്പി
ക്ലാഡ്:	യൂഡികോട്സ്
ക്ലാഡ്:	Asterids
Order:	Solanales
Family:	Convolvulaceae
Genus:	Ipomoea
Species:	I. pes-caprae
Binomial name
Ipomoea pes-caprae (L.) R.Br.
Synonyms
Convolvulus pes-caprae L. Ipomoea biloba Forssk.

ഐപ്പോമിയ പെസ്കാർപെ (ഇംഗ്ലീഷ്: Ipomoea pes-caprae) അഥവാ ഐപ്പോമീയ ബൈലോബ (ഇംഗ്ലീഷ്: Ipomoea biloba) എന്ന സസ്യം. ഇംഗ്ലീഷ് പേര് : beach morning glory അഥവാ goat's foot. ഇത് നിലത്തു പടർന്ന് തറ അടഞ്ഞു കിടക്കുന്നതു കൊണ്ട് അടമ്പ് എന്ന പേര് അനുയോജ്യമാണ്. സമുദ്രതീരങ്ങളിലും നദീതീരങ്ങളിലും ധാരാളം പൂഴിമണ്ണുള്ള സ്ഥലത്ത് ഇവ തഴച്ചു വളരുന്നു. മണലിലെ ഉപ്പുരസം ഇവയെ ബാധിക്കുകയില്ല. ഇതിൻറെ ഇലകൾക്ക് ആട്ടിൻകുളമ്പിന്റെയും, പൂവിന് കോളാമ്പിയുടേയും ആകൃതിയാണുള്ളത്. പൂക്കൾ ചുവപ്പുനിറത്തോടുകൂടിയവയാണ്. കടൽത്തീരങ്ങളിൽ ഒരു മണൽ‌‌-ബന്ധക (Soil binding) സസ്യമായി ഇതിനെ ഉപയോഗിക്കാം.

വിതരണം

ലോകത്തിൽ ഏറ്റവും വ്യാപകമായി കാണുന്ന ഉപ്പുരസത്തെ അതിജീവിക്കാൻ ശേഷിയുള്ള സസ്യങ്ങളിലൊന്നാണ് അടമ്പ്. വിത്തുകൾ കടൽമാർഗ്ഗം മറ്റിടങ്ങളിലേയ്ക്ക് പോകുന്നതാണ് ഇതിനുകാരണം. കാൾ ലിനേയസ് ആണ് ഈ സസ്യത്തെ ആദ്യമായി വർഗ്ഗീകരിച്ചത്. നിലവിലുള്ള ജനുസ്സിൽ പെടുത്തിയത് റോബർട്ട് ബ്രൗൺ ആണ് (1818)‌.

അറ്റ്ലാന്റിക് മഹാസമുദ്രം, പസിഫിക് മഹാസമുദ്രം, ഇന്ത്യൻ മഹാസമുദ്രം എന്നീ സമുദ്രങ്ങളുടെ തീരങ്ങളിൽ ഇത് വ്യാപകമായി കാണപ്പെടുന്നുണ്ട്. തീരത്തെ മണൽത്തിട്ടകളിൽ കടലിലേയ്ക്കുള്ള ചരിവിലാണ് ഇവയെ കൂടുതലായി കാണപ്പെടുക. സ്പിനിഫെക്സ് എന്ന തരം പുല്ലിനോടൊപ്പം ഈ സസ്യം കാണപ്പെടാറുണ്ട്.

ഔഷധഗുണം

പ്രമേഹചികിത്സയ്ക്ക് ഇത് ഉപയോഗിക്കപ്പെട്ടുവരുന്നു. ബ്രസീലിൽ വീക്കത്തിനും (കോശജ്വലനം), ആമാശയസംബന്ധിയായ അസുഖങ്ങൾക്കും ചികിത്സയായി ഈ സസ്യം ഉപയോഗിക്കപ്പെടുന്നുണ്ട്.

ചിത്രശാല

• 
  കടൽ ഭിത്തിയുടെ ചരിവിൽ പടർന്നു കിടക്കുന്ന അടമ്പ് (അന്ധകാരനഴി)
• 
  ബീച്ചിലെ അടമ്പ് മലേഷ്യയിലെ കാഴ്ച്ച
• 
  അടമ്പ്, മുഴപ്പിലങ്ങാട്‌ കടപ്പുറത്തുനിന്നും
• 
  അടമ്പ്, മുഴപ്പിലങ്ങാട്‌ കടപ്പുറത്തുനിന്നും
• 
  അടമ്പ്, മുഴപ്പിലങ്ങാട്‌ കടപ്പുറത്തുനിന്നും
• 
  അടമ്പ്, മുഴപ്പിലങ്ങാട്‌ കടപ്പുറത്തുനിന്നും
• 
  അടമ്പ്, മുഴപ്പിലങ്ങാട്‌ കടപ്പുറത്തുനിന്നും

പുറത്തേയ്ക്കുള്ള കണ്ണികൾ

• അടമ്പ് എന്ന ജീവവർഗ്ഗവുമായി ബന്ധപ്പെട്ട വിവരങ്ങൾ വിക്കിസ്പീഷിസിൽ കാണുക.
• അടമ്പ് എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)