മഞ്ഞച്ചുവപ്പൻ പഴവവ്വാൽ

ഇംഗ്ലീഷ് വിലാസം

https://ml.wikipedia.org/wiki/Rousettus_leschenaultii

മഞ്ഞച്ചുവപ്പൻ പഴവവ്വാൽ
പരിപാലന സ്ഥിതി
ഒട്ടും ആശങ്കാജനകമല്ല  (IUCN 3.1)
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Mammalia
Order:	Chiroptera
Family:	Pteropodidae
Genus:	Rousettus
Species:	R. leschenaultii
Binomial name
Rousettus leschenaultii Desmarest, 1820
Leschenault's rousette range

മഞ്ഞച്ചുവപ്പൻ പഴവവ്വാൽ അല്ലെങ്കിൽ Fulvous Fruit Bat എന്ന് അറിയപ്പെടുന്ന ഇവയുടെ ശാസ്ത്രനാമം Rousettus leschenaulti എന്നാണ്.

വിവരണം

മഞ്ഞയും ചുവപ്പും തവിട്ടും നിറങ്ങൾ കൂടിച്ചേർന്ന പുറവും ചാരനിറവുമുള്ള വയറുമുള്ള വാവലാണ്‌ മഞ്ഞച്ചുവപ്പൻ പഴവവ്വാലുകൾ. . പ്രായമുള്ള വാവലുകളുടെ വശങ്ങളും ചാരനിറമായിരിക്കും. മിനുമിനുസമുള്ളതും മൃദുലവുമായ രോമങ്ങളുള്ള ഇവയിലെ ആണിന്റെ തൊണ്ടയിൽ മഞ്ഞനിറം കലർന്ന രോമങ്ങളും ചെറിയ വാലുമുണ്ടാവും.

പെരുമാറ്റം

വളരെ ശബ്ദമുണ്ടാക്കുന്നതും അഴുകിയ പഴങ്ങളുടെ മണമുള്ളതുമായ ഈ വാവലുകൾ ആണുംപെണ്ണും ഇടകലർന്ന സംഘങ്ങളായാണ് കാണുന്നത്. പ്രായപൂർത്തിയായവ ഒരുമിച്ച് ഉറങ്ങുമ്പോൾ കുഞ്ഞുങ്ങൾ മറ്റൊരു സംഗമായിരിക്കും വിശ്രമിക്കുന്നത്. പെട്ടെന്ന് അലോസരപ്പെടുന്ന ഇവ ശല്യപെടുത്തിയാൽ കൂട്ടത്തോടെ പറന്നുപോകുന്നൂ.

വലിപ്പം

കൈകളുടേതടക്കം തോളിന്റെ നീളം 7.5-8.6 സെ.മീ. ശരീരത്തിന്റെ മൊത്തം നീളം 11.1-14.7 സെ.മീ.

ആവാസം /കാണപ്പെടുന്നത്

മരുഭൂമിയും ഉയർന്ന പർവ്വതങ്ങളുമൊഴിച്ച് ഇന്ത്യയിലെല്ലായിടവും കാണപ്പെടുന്നൂ. ഗുഹകളിലും തുരങ്കങ്ങളിലും പഴയ ഉപയോഗശൂന്യമായ കെട്ടിടങ്ങൾക്കുള്ളിലും അപൂർവ്വമായി മരത്തിലും ഉറങ്ങുന്നു.

ഏറ്റവും നന്നായി കാണാവുന്നത്

സിജു ഗുഹകൾ, മേഘാലയ

കാഞ്ഞേരി ഗുഹകൾ, മുംബൈ.

ഇതും കാണുക

• കേരളത്തിലെ സസ്തനികൾ