പട്രീഷ്യ വെറ്റിഗ്
പട്രീഷ്യ വെറ്റിഗ് | |
|---|---|
.jpg) 1989-ലെ 41-ാമത്തെ പ്രൈംടൈം എമ്മി അവാർഡ് വേളയിൽ വെറ്റിഗ്. | |
| ജനനം | പട്രീഷ്യ ആൻ വെറ്റിഗ് ഡിസംബർ 4, 1951 മിൽഫോർഡ്, ഒഹായോ, യു.എസ്. |
| കലാലയം | ടെമ്പിൾ യൂണിവേഴ്സിറ്റി |
| തൊഴിൽ | നടി, നാടകകൃത്ത് |
| സജീവ കാലം | 1982–ഇതുവരെ |
| ജീവിതപങ്കാളി(കൾ) | |
| കുട്ടികൾ | 2 |
പട്രീഷ്യ ആൻ വെറ്റിഗ് (ജനനം: ഡിസംബർ 4, 1951) ഒരു അമേരിക്കൻ നടിയും നാടകകൃത്തുമാണ്. ഒരു ഗോൾഡൻ ഗ്ലോബ് അവാർഡും മൂന്ന് പ്രൈംടൈം എമ്മി അവാർഡുകളും ലഭിച്ചിട്ടുള്ള അവർ തേർട്ടിസംതിംഗ് (1987-1991) എന്ന പരമ്പരയിലെ നാൻസി വെസ്റ്റൺ എന്ന കഥാപാത്രത്തിലൂടെയാണ് കലാരംഗത്ത് കൂടുതൽ അറിയപ്പെടുന്നത്.
തേർട്ടിസംതിംഗ് എന്ന പരമ്പരയിലെ തകർപ്പൻ വേഷത്തിന് ശേഷം, വെറ്റിഗ് ഗിൽറ്റി ബൈ സസ്പെഷ്യൻ (1991), സിറ്റി സ്ലിക്കേഴ്സ് (1991), സിറ്റി സ്ലിക്കേഴ്സ് II: ദി ലെജൻഡ് ഓഫ് കർലിസ് ഗോൾഡ് (1994), ദി ലാംഗോലിയേഴ്സ് (1995) എന്നിവയുൾപ്പെടെ നിരവധി സിനിമകളിൽ പ്രത്യക്ഷപ്പെട്ടു. 1995-ലെ ഹ്രസ്വകാല പരമ്പരയായ കോർട്ട്‌ഹൗസിൽ ഒരു പ്രധാന വേഷം ചെയ്തുകൊണ്ട് ടെലിവിഷൻ രംഗത്തേയ്ക്ക് മടങ്ങിയെത്തിയ അവർ പിന്നീട് ഫോക്‌സ് ടി.വി. പരമ്പരയായ പ്രിസൺ ബ്രേക്കിൽ (2005-2007) കരോലിൻ റെയ്‌നോൾഡ്‌സിനേയും എബിസി കുടുംബ പരമ്പരയായ ബ്രദേഴ്‌സ് & സിസ്റ്റേഴ്‌സിൽ (2006-2011) ഹോളി ഹാർപ്പർ എന്ന കഥാപാത്രത്തേയും അവതരിപ്പിച്ചു.
ആദ്യകാല ജീവിതം
[തിരുത്തുക]ഒഹായോയിലെ മിൽഫോർഡ് നഗരത്തിൽ ഫ്ലോറൻസ് (മുമ്പ്, മോർലോക്ക്) ഹൈസ്കൂൾ ബാസ്കറ്റ്ബോൾ പരിശീലകനായ ക്ലിഫോർഡ് നീൽ വെറ്റിഗ് എന്നിവരുടെ മകളായി വെറ്റിഗ് ജനിച്ചു. പാം, ഫിലിസ്, പെഗ്ഗി എന്നിങ്ങനെ അവൾക്ക് മൂന്ന് സഹോദരിമാരുണ്ട്. പെൻസിൽവാനിയയിലെ ഗ്രോവ് സിറ്റിയിൽ ബാല്യകാലം ചെലവഴിച്ച അവർ 1970-ൽ ബിരുദം നേടി.[1] ഒഹായോ വെസ്ലിയൻ യൂണിവേഴ്സിറ്റിയിൽ ചേർന്ന് പഠിച്ച അവർ 1975-ൽ ടെമ്പിൾ യൂണിവേഴ്സിറ്റിയിൽ നിന്ന് ബിരുദം നേടി. പിൽക്കാല ജീവിതത്തിൽ പഠനത്തിലേക്ക് മടങ്ങിയെത്തിയ വെറ്റിഗ്, 2001-ൽ സ്മിത്ത് കോളേജിൽ നിന്ന് നാടകരചനയിൽ മാസ്റ്റർ ഓഫ് ഫൈൻ ആർട്സ് നേടി.[2] അവൾ രചിച്ച F2M എന്ന നാടകം, ന്യൂയോർക്ക് നാടക, സിനിമാ വേദിയുടേയും വാസ്സർ കോളേജിന്റെ 2011 പവർഹൗസ് തിയേറ്റർ സീസണിന്റെയും ഭാഗമായി 2011-ൽ അവതരിപ്പിച്ചിരുന്നു.[3][4]
സ്വകാര്യ ജീവിതം
[തിരുത്തുക]നടനും നിർമ്മാതാവുമായ കെൻ ഒലിനെ വിവാഹം കഴിച്ച പട്രീഷ്യ വെറ്റിഗിന് ക്ലിഫോർഡ് (ജനനം 1983) എന്ന മകനും റോക്സി (ജനനം 1985) എന്ന ഒരു മകളുമുണ്ട്.[5]
അവലംബം
[തിരുത്തുക]- ↑ "GHC417.html". Wettig.org. Archived from the original on 2013-10-04. Retrieved 2013-06-18.
- ↑ "Patricia Wettig- Biography". Yahoo!. Retrieved 2013-06-18.
- ↑ Wettig, Patricia. F2M. Dramatist Playservice. 2012. ISBN 9780822226338
- ↑ Hetrick, Adam. “Patricia Wettig's F2M, With Keira Keeley, Ken Olin, Begins Powerhouse Run June 29”. Playbill. 29 June 2011 [1]
- ↑ "Patricia Wettig biography". TV Guide. Retrieved June 18, 2013.