എസ്. രാജശേഖരൻ
 | വിക്കിപീഡിയയുടെ ഗുണനിലവാരത്തിലും, മാനദണ്ഡത്തിലും എത്തിച്ചേരാൻ ഈ ലേഖനം വൃത്തിയാക്കി എടുക്കേണ്ടതുണ്ട്. ഈ ലേഖനത്തെക്കുറിച്ച് കൂടുതൽ വിശദീകരണങ്ങൾ നൽകാനാഗ്രഹിക്കുന്നെങ്കിൽ ദയവായി സംവാദം താൾ കാണുക. ലേഖനങ്ങളിൽ ഈ ഫലകം ചേർക്കുന്നവർ, ഈ താൾ വൃത്തിയാക്കാനുള്ള നിർദ്ദേശങ്ങൾ കൂടി ലേഖനത്തിന്റെ സംവാദത്താളിൽ പങ്കുവെക്കാൻ അഭ്യർത്ഥിക്കുന്നു. |
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
ഡോ.എസ്.രാജശേഖരൻ | |
|---|---|
 ഡോ.എസ്.രാജശേഖരൻ | |
| ജനനം | ജനുവരി 4, 1946 |
| വിദ്യാഭ്യാസം | എം.എ , പി.എച്ച്.ഡി |
| തൊഴിൽ | കവി , സാഹിത്യനിരൂപകൻ , പ്രഫസ്സർ, മുൻ പ്രോ-വൈസ്-ചൻസിലർ. |
| ജീവിതപങ്കാളി(കൾ) | വി.സീതമ്മാൾ ( സംസ്ഥാനപ്രസിഡന്റ് വനിതാസാഹിതി, മുൻ സെക്രട്ടറി, പുരോഗമന കലാസാഹിത്യ സംഘം; സ്ഥാപക ജനറൽ സെക്രട്ടറി, വനിതാസാഹിതി) |
| മാതാപിതാക്ക(ൾ) | റ്റി.കെ.ശങ്കുണ്ണി ആചാരി എൻ.ലക്ഷ്മി അമ്മ |
മലയാളത്തിലെ ഒരു എഴുത്തുകാരനും സാഹിത്യവിമർശകനുമാണ്‌ ഡോ.എസ്.രാജശേഖരൻ . കേരളത്തിലെ നിരവധി സാമൂഹിക സാംസ്കാരിക സംഘടനകളുടെ മുന്നണിപ്രവർത്തകനാണ് ഇദ്ദേഹം. മലയാളത്തിൽ അറുപതോളം പുസ്തകങ്ങളും വിവിധ ആനുകാലികങ്ങളിലായി നിരൂപണം , സാംസ്കാരികവുമർശനം, കവിത തുടങ്ങിയ വിഭാഗങ്ങളിൽ എണ്ണൂറോളം രചനകളും പ്രസിദ്ധീകരിച്ചിട്ടുണ്ട്.
ജീവിതരേഖ
[തിരുത്തുക]1946-ൽ ചേർത്തലയിൽ ജനിച്ചു. തിരുവനന്തപുരം യൂണിവേഴ്സിറ്റി കോളേജിൽ നിന്ന് 1970-ൽ ഒന്നാമനായി എം. എ.(മലയാളം) ബിരുദം. ‘വൈലോപ്പിള്ളിയുടെ കാവ്യ-ജീവിതദർശനം‘ എന്ന പ്രബന്ധത്തിന് 1991-ൽ കേരള സർവകലാശാലയിൽ നിന്ന് പി.എഛ്. ഡി. ബിരുദം.
ലക്ചറർ, റീഡർ, പ്രൊഫസർ എന്നീ നിലകളിൽ വിവിധ ഗവണ്മെന്റ് കോളെജുകളിലും കാലടി ശ്രീ ശങ്കരാചാര്യ സംസ്കൃത സർവകലാശാലയിലും മുപ്പത് വർഷത്തിലേറെക്കാലം പ്രവർത്തിച്ചു. ശ്രീ ശങ്കരാചാര്യ സംസ്കൃത സർവകലാശാലയുടെ തിരുവനന്തപുരം പ്രാദേശികകേന്ദ്രം ഡയറക്ടറായിരുന്നു. 2006-ൽ വിരമിച്ചു. കാലടി ശ്രീ ശങ്കരാചാര്യ സംസ്കൃത സർവകലാശാലയിൽ പ്രോ-വൈസ്-ചാൻസിലറായിരുന്നു(2008 - 2012).
കേരള സർവകലാശാലയുടെ ഓറിയന്റൽ സ്റ്റഡീസ് ഫാക്കൽറ്റി, ബോർഡ് ഓഫ് സ്റ്റ്ഡീസ് എന്നിവയിലും, ശ്രീ ശങ്കരാചാര്യ സംസ്കൃത സർവകലാശാല, കേരള കലാമണ്ഡലം എന്നിവിടങ്ങളിലെ ബോർഡ് ഓഫ് സ്റ്റഡീസിലും അംഗമായിരുന്നു.
കേരള സർവകലാശാല, ശ്രീ ശങ്കരാചാര്യ സംസ്കൃത സർവകലാശാല,കാലിക്കറ്റ് സർവകലാശാല എന്നിവിടങ്ങളിലെ അംഗീകൃത റിസർച്ച് ഗൈഡ്. കേരള സർവകലാശാല, ശ്രീ ശങ്കരാചാര്യ സംസ്കൃത സർവകലാശാല, മഹാത്മാ ഗാന്ധി സർവകലാശാല, കേരള കലാമണ്ഡലം എന്നിവിടങ്ങളിലെ ഡോക്ടറൽ കമ്മിറ്റിയംഗം. കാലടി ശ്രീ ശങ്കരാചാര്യ സംസ്കൃത സർവകലാശാലയിലെ ടീച്ചേഴ്സ് അസ്സോസിയേഷൻ ഓഫ് ശ്രീ ശങ്കരാചാര്യ സാൻസ്ക്രിറ്റ് യൂണിവേഴ്സിറ്റി(TASSU, 1996), അസ്സോസിയേഷൻ ഓഫ് ശ്രീ ശങ്കരാചാര്യ സാൻസ്ക്രിറ്റ് യൂണിവേഴ്സിറ്റി ടീച്ചേഴ്സ്(ASSUT, 1998) എന്നിവയുടെ സ്ഥാപകാധ്യക്ഷൻ. തിരുവനന്തപുരം നഗരസഭയിലെ ആദ്യകാല റെസിഡൻസ് അസ്സോസിയേഷനുകളിലൊന്നായ തൈക്കാട് ശാസ്താ ഗാർഡൻസ് റെസിഡൻസ് അസ്സോസിയേഷൻ്റെ (TSGRA) രൂപീകരണത്തിന് തുടക്കം കുറിച്ചു.
മുൻകാലത്തെ ദേശാഭിമാനി സ്റ്റഡി സർക്കിളിന്റെ സംസ്ഥാന നിർവാഹകസമിതിയംഗം.[അവലംബം ആവശ്യമാണ്] പുരോഗമന കലാസാഹിത്യസംഘത്തിന്റെ (മുൻ) സംസ്ഥാന വൈസ് പ്രസിഡന്റ്.[അവലംബം ആവശ്യമാണ്] സാഹിത്യപ്രവർത്തക സഹകരണസംഘത്തിന്റെ(SPCS) മുൻ വൈസ് പ്രസിഡന്റ്.[അവലംബം ആവശ്യമാണ്] കേരളസർക്കാർ രൂപീകരിച്ച ഭാഷാവിദഗ്ധസമിതിയിലെ അംഗം. ആനുകാലികങ്ങളിലെ ഭാഷാപ്രയോഗ്ഗപരിമിതികൾ നിരീക്ഷിക്കുന്ന 'മലയാളിയുടെ മലആളം' എന്ന പംക്തി ഫേസ്ബുക്കിൽ തുടരുന്നു.
ജർമ്മനി, ഫ്രാൻസ്, ഇറ്റലി, സ്വിറ്റ്സർലൻഡ്, ഓസ്ട്രിയ, ചെക്ക് റിപ്പബ്ലിക്ക്, റഷ്യ, വിയറ്റ്നാം, കംബോഡിയ, നേപ്പാൾ,ഭൂട്ടാൻ, ഓസ്ട്രേലിയ തുടങ്ങിയ രാജ്യങ്ങൾ സന്ദർശിച്ചു.
പുരസ്കാരങ്ങൾ
[തിരുത്തുക]- 1970 - യൂണിവേഴ്സിറ്റി കോളെജിൽ നിന്ന് ഏറ്റവും മികച്ച വിദ്യാർഥിക്കുള്ള എ.ആർ.രാജരാജവർമ്മ പുരസ്ക്കാരം.
- കേരളഗ്രന്ഥശാലാസംഘത്തിന്റെ കവിതാപുരസ്ക്കാരം
- 1991 - സാഹിത്യനിരൂപണത്തിനുള്ള തായാട്ട് അവാർഡ്.
- 2000-ലെ കേരള സർക്കാരിന്റെ സംസ്കാരകേരളം പുരസ്കാരം
- 2010 - മലയാളത്തിലെ ഏറ്റവും മികച്ച എഴുത്തുകാരനുള്ള മോൻസിഞ്ഞോർ കുരീത്തടം സ്മാരക സാഹിത്യരത്നം പുരസ്ക്കാരം
- 2010 - മികച്ച സാഹിത്യവിമർശനത്തിനുള്ള എസ് ബി റ്റി പുരസ്ക്കാരം
- 2012 - മികച്ച പരിസ്ഥിതി - സാഹിത്യവിമർശനത്തിനുള്ള ഡോ സി പി മേനോൻ പുരസ്ക്കാരം
- 2015 - നവരസം സംഗീതസഭയുടെ കവിതയ്ക്കുള്ള ഗോവിന്ദ് രചനാ അവാർഡ്.
- 2018 - ലെ കേരള സാഹിത്യ അക്കാദമിയുടെ സമഗ്ര സംഭാവനക്കുള്ള പുരസ്കാരം. [1]
- 2019 -ലെ സംസ്ഥാന ബാലസാഹിത്യ ഇൻസ്റ്റിറ്റ്യൂട്ടിൻറെ കവിതയ്ക്കുള്ള പുരസ്കാരം.
ഭാഷ, സാഹിത്യം, സംസ്ക്കാരം എന്നീ മേഖലകളിലുള്ള പഠനങ്ങളും കവിതകളുമുൾപ്പെടെ എണ്ണൂറിലേറെ രചനകൾ ആനുകാലികങ്ങളിൽ പ്രസിദ്ധീകരിച്ചിട്ടുണ്ട്.
അറുപതിലേറെ പുസ്തകങ്ങൾ പ്രസിദ്ധീകരിച്ചു. പഠനഗ്രന്ഥങ്ങൾ മിക്കവയും തന്നെ കേരള, കാലിക്കറ്റ്, മഹാത്മഗാന്ധി, സംസ്കൃത സർവകലാശാലകളിലും പൊതുവിദ്യാഭ്യാസ - ഹയർ സെക്കന്ററി മേഖലകളിലെ വിദ്യാലയങ്ങളിലും പാഠപുസ്തകങ്ങൾ/റഫറൻസ് ഗ്രന്ഥങ്ങൾ ആയിട്ടുണ്ട്.
പുസ്തകങ്ങൾ
[തിരുത്തുക]@ സാഹിത്യവിമർശനം
- കവിതയുടെ ജാതകം (1977 എസ്.പി.സി.എസ്., കോട്ടയം)
- കവിത വെളിച്ചത്തിലേക്ക് (1985 എൻ.ബി.എസ്., കോട്ടയം)
- ഞാനിന്നിവിടെപ്പാടും പോലെ (1989 എസ്.പി.സി.എസ്., കോട്ടയം)
- കവിത ഇന്ന് (1991 കറന്റ് ബുക്സ്, തൃശൂർ)
- നോവലിന്റെ വിതാനങ്ങൾ (1994 വിദ്യാർഥിമിത്രം, കോട്ടയം)
- വൈലോപ്പിള്ളി: കവിതയും ദർശനവും (1994 കേരള ഭാഷാ ഇൻസ്റ്റിറ്റ്യൂട്ട്, തിരുവനന്തപുരം)
- ഗോപുരം തകർക്കുന്ന ശില്പി (1999 എസ്.പി.സി.എസ്., കോട്ടയം)
- വൈലോപ്പിള്ളി ശ്രീധരമേനോൻ (2001 കേരള സർവകലാശാല, തിരുവനന്തപുരം)
- പാട്ടുപ്രസ്ഥാനം: പ്രതിരോധവും സമന്വയവും (2006 കേരള സാംസ്ക്കാരികപ്രസിദ്ധീകരണ വകുപ്പ്)
- നവോത്ഥാനാനന്തരകവിത (2009 എൻ.ബി.എസ്., കോട്ടയം)
- പരിസ്ഥിതിദർശനം മലയാളകവിതയിൽ (2010 കേരള ഭാഷാ ഇൻസ്റ്റിറ്റ്യൂട്ട്, തിരുവനന്തപുരം) #നവോത്ഥാനാനന്തര നോവൽ (2016 കേരള ഭാഷാ ഇൻസ്റ്റിറ്റ്യൂട്ട്, തിരുവനന്തപുരം)
@ ലഘുസാഹിത്യചരിത്രം
- മലയാളം: ഭാഷയും സാഹിത്യവും (2007 ചിന്ത പബ്ലിഷേഴ്സ്, തിരുവനന്തപുരം)
@ സാംസ്ക്കാരികപഠനങ്ങൾ
- മലയാളിയുടെ മലയാളം (2000 കറന്റ് ബുക്സ്, കോട്ടയം), (എസ്.പി.സി.എസ്., കോട്ടയം രണ്ടാം പത്പ്പ്)
- . കേരളത്തെ വീണ്ടും ഭ്രാന്താലയമാക്കുന്നുവോ (2003 ചിന്ത പബ്ലിഷേഴ്സ്, തിരുവനന്തപുരം)
- . വിദ്യാഭ്യാസം പുനർനിർവചിക്കുമ്പോൾ (2006 എസ്.പി.സി.എസ്., കോട്ടയം)
- . ഉത്സവങ്ങളിൽ നഷ്ടമാകുന്നത്. (2009 എസ്.പി.സി.എസ്., കോട്ടയം)
- . പിൻവിചാരങ്ങൾ (2013 എസ്.പി.സി.എസ്., കോട്ടയം) * സ്ത്രീവാദം : ഉടലും പരിസരങ്ങളും (2016 പ്രഭാത് ബുക്ക് ഹൌസ്,തിരുവനന്തപുരം)
- . കേരളത്തിന്റെ സാംസ്ക്കാരികപരിണാമം(2023 ശ്രീ ശങ്കരാചാര്യ സംസ്കൃത സർവകലാശാല കാലടി)
@ കവിതകൾ
- നിലാവിന്റെ ക്രൌര്യം (1988 എൻ.ബി.എസ്., കോട്ടയം)
- പകലിറങ്ങുമ്പോൾ (1999 കറന്റ് ബുക്സ്, കോട്ടയം)
- കുട്ടികൾ ഉറങ്ങുന്നില്ല (2010 എസ്.പി.സി.എസ്., കോട്ടയം) * പെണ്മ (2015 ചിന്ത പബ്ലിഷേഴ്സ്, തിരുവനന്തപുരം)
- കിങ്ങിണിത്തുമ്പി (ബാലസാഹിത്യം) (2018 എസ്.പി.സി.എസ്., കോട്ടയം)
- പച്ചപ്പനംകിളി (ബാലസാഹിത്യം, സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് തിരുവനന്തപുരം)
@ യാത്രാവിവരണം
- യൂറോപ്പിൽ മഞ്ഞുകാലത്ത് (2012 ഇൻസൈറ്റ് പബ്ലിക്ക, കോഴിക്കോട്)
- ഋതുഭേദങ്ങളിൽ യൂറോപ്പിലൂടെ (എസ്.പി.സി.എസ്., കോട്ടയം)
- ഓസ്ട്രേലിയ:അധിനിവേശങ്ങളുടെ പുതുലോകം(അച്ചടിയിൽ)
വിപ്ലവശതാബ്ദിയിൽ റഷ്യയിലൂടെ (2021 സുജിലി പബ്ലിക്കേഷൻസ്, കൊല്ലം)
@ എഡിറ്റു ചെയ്ത പുസ്തകങ്ങൾ
- ഓയെൻവിക്കവിത (1986 എസ്.പി.സി.എസ്., കോട്ടയം)
- വൈലോപ്പിള്ളിക്കവിതാസമീക്ഷ (1986 കേരള ഭാഷാ ഇൻസ്റ്റിറ്റ്യൂട്ട്, Tvpm)
- കവിത: വിതയും കൊയ്ത്തും (1995 ചിന്ത പബ്ലിഷേഴ്സ്, തിരുവനന്തപുരം)
- നമ്മുടെ ഭാഷ (ഇ.എം.എസ്.നമ്പൂതിരിപ്പാട്) (1997 കേരള ഭാഷാ ഇൻസ്റ്റിറ്റ്യൂട്ട്, Tvpm)
- സർവകലാശാലാ വിദ്യാഭ്യാസം; പുതിയ സമീപനം (2003FUTA, തിരുവനന്തപുരം)
- കാപ്സ്യൂൾ കഥകൾ (2007 മെലിൻഡ ബുക്ക്സ്, തിരുവനന്തപുരം)
- പരിസ്ഥിതിക്കവിതകൾ (2006 എസ്.പി.സി.എസ്., കോട്ടയം)
- അന്റോണിയോ ഗ്രാംഷിയും സാംസ്ക്കാരികപഠനവും (2008 ചിന്ത പബ്ലിഷേഴ്സ്, തിരുവനന്തപുരം)
- ഇനി ഞാനുണർന്നിരിക്കാം (2009 എസ്.പി.സി.എസ്., കോട്ടയം)
- ഇ എം എസും ആധുനികതയും (2011 എസ്.പി.സി.എസ്., കോട്ടയം) * സാംസ്ക്കാരികതയുടെ സഞ്ചാരങ്ങൾ (2015 എസ്.പി.സി.എസ്., കോട്ടയം)
- സംസ്ക്കാരരാഷ്ട്രീയം : പാഠവും പ്രയോഗവും (2016 പ്രൊഫ.ജോസഫ് മുണ്ടശ്ശേരി ഫൌണ്ടേഷൻ, തിരുവനന്തപുരം))
- മലയാളകവിത ഇരുപതാം നൂറ്റാണ്ടിൽ (2018 ശ്രീ ശങ്കരാചാര്യ സംസ്കൃതസർവലലാശാല, കാലടി))
- വയലാർ : യുഗമുണർത്തിയ കവി (കേരള ഭാഷാ ഇൻസ്റ്റിറ്റ്യൂട്ട്, തിരുവനന്തപുരം, (അച്ചടിയിൽ)
- ഉന്നതവിദ്യാഭ്യാസം - സമീപനങ്ങൾ സാധ്യതകൾ (അച്ചടിയിൽ)
പുറം കണ്ണികൾ
[തിരുത്തുക]- Speech by Kerala CM V.S.Achuthanandan on 'Vidyabhyasam Punarnirvachikkumbol' Book Release Archived 2009-03-26 at the Wayback Machine.
- Authors in Malayalam Archived 2008-03-09 at the Wayback Machine.
- DC books Catalogue Archived 2008-06-19 at the Wayback Machine.
- Malayaliyude Malayalam (Pusthakam) Archived 2007-07-15 at the Wayback Machine.
- Kerala University Archived 2002-08-17 at Archive.is
- Sanskrit University
- College teachers association
|
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |