വെള്ളൂരം

ഇംഗ്ലീഷ് വിലാസം

https://ml.wikipedia.org/wiki/Sida_cordifolia

വെള്ളൂരം
വെള്ളൂരം
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Rosids
Order:	Malvales
Family:	Malvaceae
Genus:	Sida
Species:	S. cordifolia
Binomial name
Sida cordifolia L.
Synonyms
Malvastrum cordifolium Rojas Acosta Malvinda cordifolia Medik. Sida altheifolia Sw. Sida conferta Link Sida cordifolia var. altheifolia (Sw.) Griseb. Sida cordifolia var. conferta (Link) Griseb. Sida decagyna Schumach. & Thonn. ex Schumach. Sida herbacea Cav. Sida holosericea Willd. ex Spreng. Sida hongkongensis Gand. Sida maculata Cav. Sida micans Cav. Sida pellita Kunth Sida pungens Kunth Sida rotundifolia Lam. Sida rotundifolia Lam. ex Cav. Sida velutina Willd. ex Spreng.

കുറുന്തോട്ടിയുടെ ഹൃദയാകാരത്തിൽ ഇലയുള്ള ഒരു വകഭേദമാണ് വെള്ളൂരം. (ശാസ്ത്രീയനാമം: Sida cordifolia). ഇന്ത്യൻ വംശജനായ ഈ കുറ്റിച്ചെടി ഇപ്പോൾ മിക്കനാടുകളിലും കണ്ടുവരുന്നു. മഞ്ഞപ്പൂക്കളാണ്, പൂവിന്റെ മധ്യഭാഗത്ത് മഞ്ഞനിറത്തിന് കടുപ്പമേറും.

രൂപവിവരണം

രണ്ടുമീറ്ററോളം ഉയരം വയ്ക്കുന്ന ഈ കുറ്റിച്ചെടിയുടെ പുറത്തെല്ലാം വെള്ളനിറത്തിലുള്ള ചെറുരോമങ്ങളുണ്ടായിരിക്കും. flannel weed എന്ന പേര് അതിൽനിന്നും വന്നതാവണം.

ഔഷധഗുണങ്ങൾ

ബല എന്ന് ആയുർവേദത്തിൽ അറിയപ്പെടുന്ന വളരെപ്രസിദ്ധമായ ഒരു ആയുർവേദഔഷധമാണ് വെള്ളൂരം. കായും ഇലയും വേരും ഔഷധമായി ഉപയോഗിക്കുന്നു. ജലദോഷസംബന്ധമായ അസുഖങ്ങൾക്ക് ബ്രസീലിലും ആഫ്രിക്കയിലും ഇതുമരുന്നായി ഉപയോഗിക്കുന്നു. ഹൃദയത്തെയും കേന്ദ്ര നാഡീവ്യൂഹത്തേയും ഉദ്ദീപിപ്പിക്കാൻ കഴിവുള്ള ephedrine ഇതിൽ അടങ്ങിയിരിക്കുന്നു. മുറിവിൽ ഇല അരച്ചുതേക്കാറുണ്ട്, പനിക്കെതിരെ ഉപയോഗിച്ചുവരുന്നു. ചെടിയിൽ മുഴുവനും ആൽക്കലോയിഡുകൾ അടങ്ങിയിട്ടുണ്ട്. വിത്തിലാണ് ഏറ്റവും കൂടുതൽ ഉള്ളത്.

വിഷാംശം

വെള്ളൂരത്തിന്റെ തുടർച്ചയായ ഉപയോഗം ആരോഗ്യത്തിനു നല്ലതല്ല. വെള്ളുരത്തിൽ അടങ്ങിയിട്ടുള്ള ephedrine തന്നെയാണിതിനു കാരണം. അതിനാൽ ഭക്ഷണത്തിൽ ഇത് ഉൾപ്പെടുത്തുന്നതിനെ പല അമേരിക്കൻ സംസ്ഥനങ്ങളിലും നിയന്ത്രണമുണ്ട്. ശരീരഭാരം കുറയ്ക്കാൻ ephedrine ഉപയോഗിക്കാറുണ്ട്.

മറ്റ് ഉപയോഗങ്ങൾ

തണ്ടിൽ നിന്നും കിട്ടുന്ന നാര് കയർ ഉണ്ടാക്കാൻ ഉപയോഗിക്കാറുണ്ട്. ആഫിക്കയിൽ പലയിടത്തും കൊട്ടമെടയാൻ ഇതിന്റെ തണ്ട് എടുക്കാറുണ്ട്. ചൂലുണ്ടാക്കാൻ വ്യാപകമായിത്തന്നെ വെള്ളൂരം ഉപയോഗിക്കുന്നു. നൈജീരിയയിൽ ഇല കറിവയ്ക്കാനെടുക്കുന്നു, ഇല നല്ലൊരു കാലിത്തീറ്റയാണ്. ഇല ചതച്ചാൽ കിട്ടുന്ന പശ ടാൻസാനിയയിൽ പാത്രങ്ങളുടെ തുള അടയ്ക്കാനെടുക്കുമ്പോൾ നൈജീരിയയിൽ അമ്പിന്റെ അറ്റത്ത് വിഷമായി ഉപയോഗിക്കുന്നു. ബെനിനിൽ അർബുദത്തിനും രക്താർബുദത്തിനും ഈ ചെടി മുഴുവനായി ഉപയോഗിക്കുന്നു.

മറ്റു ഭാഷകളിലെ പേരുകൾ

Flannel weed, heart-leaf sida, Indian ephedra (En). Balai poilu, herbe à paniers, sida à feuilles en cœur (Fr). Guanxuma (Po). Mgaaga paka (Sw).

പുറത്തേക്കുള്ള കണ്ണികൾ

• ചെടിയെപ്പറ്റിയുള്ള കൂടുതൽ കാര്യങ്ങളും ചിത്രങ്ങളും Archived 2015-10-01 at the Wayback Machine.
• കൂടുതൽ വിവരങ്ങൾ Archived 2012-10-18 at the Wayback Machine.
• ഗുണദോഷങ്ങളെപ്പറ്റി Archived 2012-05-01 at the Wayback Machine.
• മറ്റു കുറുന്തോട്ടികളുമായുള്ള താരതമ്യം