അമൃതം (ചലച്ചിത്രം)
| അമൃതം | |
|---|---|
 ചലച്ചിത്രത്തിന്റെ പോസ്റ്റർ | |
| സംവിധാനം | സിബി മലയിൽ |
| നിർമ്മാണം | എം. എസ്. സലീം തോമസ് കൊടുവേലി |
| കഥ | കെ. ഗിരീഷ് കുമാർ |
| അഭിനേതാക്കൾ | ജയറാം അരുൺ പത്മപ്രിയ ഭാവന |
| സംഗീതം | എം. ജയചന്ദ്രൻ |
| ഗാനരചന | കൈതപ്രം ദാമോദരൻ നമ്പൂതിരി |
| ഛായാഗ്രഹണം | വേണുഗോപാൽ |
| ചിത്രസംയോജനം | എൽ. ഭൂമിനാഥൻ |
| സ്റ്റുഡിയോ | മാജിക് സിനിമാസ് |
| വിതരണം | മാജിക് സിനിമ |
| റിലീസിങ് തീയതി | 2004 ഡിസംബർ 24 |
| രാജ്യം | ഇന്ത്യ |
| ഭാഷ | മലയാളം |
ജയറാം, അരുൺ, പത്മപ്രിയ , ഭാവന എന്നിവർ പ്രധാന വേഷങ്ങൾ ചെയ്ത് മാജിക് സിനിമാസിന്റെ ബാനറിൽ എം. എസ്. സലീം, തോമസ് കൊടുവേലി എന്നിവർ നിർമ്മിച്ച് സിബി മലയിൽ സംവിധാനം ചെയ്‌ത മലയാളചലച്ചിത്രമാണ് അമൃതം. 2004-ൽ പ്രദർശനത്തിനിറങ്ങിയ ഈ ചലച്ചിത്രം മാജിക് സിനിമ വിതരണം ചെയ്തിരിക്കുന്നു. കഥ, തിരക്കഥ, സംഭാഷണം എന്നിവ നിർവ്വഹിച്ചത് കെ. ഗിരീഷ് കുമാർ ആണ്.
കഥാതന്തു
[തിരുത്തുക]ഗോപിനാഥൻ നായർ (ജയറാം) കഠിനാധ്വാനിയായ കൃഷിക്കാരനാണ്. കുട്ടിയായിരുന്നപ്പോഴേ അച്‌ഛൻ (നെടുമുടി വേണു) ഉപേക്ഷിച്ച് പോയ അമ്മ സരോജിനിയും (കെ.പി.എ.സി. ലളിത) അനിയൻ ദിനേശനും (അരുൺ) ഉൾപ്പെടുന്ന കുടുംബത്തിന്റെ ഭാരം അന്ന് മുതലേ ഗോപിനാഥന്റെ ചുമലിലാണ്. കോളേജിൽ പഠിക്കുന്ന ദിനേശനിലാണ് ഗോപിയുടെ എല്ലാ പ്രതീക്ഷകളും. ദിനേശനാകട്ടെ കോളേജ് രാഷ്ട്രീയത്തിൽ മുഴുകിയിരിക്കുകയാണ് കൂടാതെ ചായക്കടക്കാരൻ ഗംഗാധരന്റെ (ടി.ജി. രവി) മകളായ മൃദുലയുമായി (ഭാവന) പ്രണയത്തിലുമാണ്. ഹാജിയാരുടെ മകൾ സൈനബക്ക് (പത്മപ്രിയ) ഗോപിയോട് പ്രണയമാണ്‌. സൈനബയുടെ സഹോദരൻ അഷ്രഫ് (സുധി ജോഷി) രാഷ്ട്രീയ എതിരാളിയായതിനാൽ ദിനേശൻ സൈനബയുമായുള്ള ഗോപിയുടെ ബന്ധത്തിനെതിരാണ്. എല്ലാ എതിർപ്പുകളും അവഗണിച്ച് ഒരുനാൾ ഗോപി സൈനബയെ വിവാഹം ചെയ്ത് വീട്ടിൽ കൊണ്ട് വരുന്നു. ഇതോടെ ദിനേശന്റെ രാഷ്ട്രീയരംഗം ചൂടുപിടിക്കുകയാണ്.
അഭിനേതാക്കൾ
[തിരുത്തുക]- ജയറാം – ഗോപിനാഥൻ നായർ
- അരുൺ – ദിനേശൻ
- പത്മപ്രിയ – സൈനബ
- ഭാവന – മൃദുല
- കെ.പി.എ.സി. ലളിത – സരോജിനി
- സുധി ജോഷി – ഷഫീഖ്
- ജഗതി ശ്രീകുമാർ – ചാണ്ടി
- ടി.ജി. രവി – ഗംഗാധരൻ
- നെടുമുടി വേണു – രാവുണ്ണി നായർ
- മാമുക്കോയ - അയ്‌മൂട്ടിക്ക
- വിഷ്ണു ഉണ്ണികൃഷ്ണൻ
- ബാബുരാജ്
- ഇർഷാദ്
സംഗീതം
[തിരുത്തുക]ഗാനരചന കൈതപ്രം ദാമോദരൻ നമ്പൂതിരി, സംഗീതസംവിധാനം എം. ജയചന്ദ്രൻ. പശ്ചാത്തലസംഗീതം നിർവ്വഹിച്ചത് ജോൺസൺ. ഗാനങ്ങൾ വിപണനം ചെയ്തത് മനോരമ മ്യൂസിക്ക്.
- ഗാനങ്ങൾ
- ഓ സൈനബ : കെ.ജെ. യേശുദാസ്, കെ.എസ്. ചിത്ര
- ഇഷടം ഇഷ്ടം : കെ.എസ്. ചിത്ര
- ഇഷടം ഇഷ്ടം : എം.ജി. ശ്രീകുമാർ
- യമുനയും സരയുവും : ജി. വേണുഗോപാൽ
- യമുനയും സരയുവും : ബിന്നി കൃഷ്ണകുമാർ
- മുത്തേ നിന്നെ കണ്ടിട്ടെന്റെ : മധു ബാലകൃഷ്ണൻ, സുജാത മോഹൻ
അണിയറ പ്രവർത്തകർ
[തിരുത്തുക]- ഛായാഗ്രഹണം: വേണുഗോപാൽ
- ചിത്രസംയോജനം: എൽ. ഭൂമിനാഥൻ
- നൃത്തം: ശാന്തി
- സംഘട്ടനം: മലേഷ്യ ഭാസ്കർ, മാഫിയ ശശി
- ചമയം: സലീം കടയ്ക്കൽ, ദുരൈ
- വസ്ത്രാലങ്കാരം: ഇന്ദ്രൻസ്, ദുരൈ
- ലാബ്: പ്രസാദ് കളർ ലാബ്
- എഫക്റ്റ്സ്: മുരുകേഷ്, വിജയ് രത്നം
- ശബ്ദ മിശ്രണം: എൻ. ഹരികുമാർ
- യൂണിറ്റ്: ജൂബിലി സിനി യൂണിറ്റ്
- പ്രൊഡക്ഷൻ കണ്ട്രോളർ: രാജു നെല്ലിമൂട്
- പി.ആർ.ഒ.: ശാന്തിവിള ദിനേശ്, വാഴൂർ ജോസ്
പുറത്തേക്കുള്ള കണ്ണികൾ
[തിരുത്തുക]- അമൃതം ഇന്റർനെറ്റ് മൂവി ഡാറ്റാബേസിൽ
- അമൃതം – മലയാളസംഗീതം.ഇൻഫോ