ആംഗ് സാൻ

ഇംഗ്ലീഷ് വിലാസം

https://ml.wikipedia.org/wiki/Aung_San

Aung San အောင်ဆန်း
Nickname(s)	Buffalo General
Born	13 February 1915 Natmauk, Magwe, British Burma
Died	19 July 1947 (aged 32) Rangoon, British Burma
Buried	Martyrs' Mausoleum, Myanmar
Allegiance	Burma National Army Anti-Fascist People's Freedom League Communist Party of Burma
Rank	Major General
Battles / wars	World War II

മ്യാൻമറിലെ സ്വാതന്ത്ര്യ സമര പോരാളിയും "കമ്യൂണിസ്റ്റ് പാർട്ടി ഓഫ് ബർമ്മ "-യുടെ സ്ഥാപകനുമായിരുന്നു ബർമ്മയുടെ രാഷ്ട്ര പിതാവായി കണക്കാക്കപ്പെടുന്ന ജനറൽ ആംഗ് സാൻ( ഓങ് സാൻ). അദ്ദേഹം ബാമോയുടെ പാവഗവണ്മെന്റിൽ രാജ്യരക്ഷാ വകുപ്പു മന്ത്രി(1943-45)യായി സേവനം അനുഷ്ഠിച്ചു. ബർമീസ് സൈന്യത്തോടുള്ള ജപ്പാൻകാരുടെ പെരുമാറ്റത്തിൽ അമർഷം തോന്നിയതിനാൽ ഇദ്ദേഹം കൂറുമാറുകയും ബർമാ ദേശീയ സൈന്യം രൂപവത്കരിക്കുകയും ചെയ്തു. 1947 ജൂലൈ 19-ന് അദ്ദേഹം വധിക്കപ്പെട്ടു.പട്ടാള ഭരണകൂടത്തോട് പതിറ്റാണ്ടുകളായി ഏറ്റുമുട്ടുകയും 2012ൽപ്രതിപക്ഷ നേതാവായി തിരഞ്ഞെടുക്കപ്പെടുകയും ചെയ്ത ഓങ് സാൻ സൂ ചി , ജനറൽ ഓങ് സാൻ-ന്റെ പുത്രിയാണ്.

ജീവിതരേഖ

1915 ഫെബ്രുവരി 13-ന് മധ്യബർമയിൽ മഗ്വെ ജില്ലയിലെ നച്ചമോക്കിൽ ജനിച്ചു. റംഗൂൺ സർവകലാശാലയിലെ വിദ്യാർഥി യൂണിയൻ സെക്രട്ടറി എന്ന നിലയിൽ ഊനൂവുമൊന്നിച്ച് 1936 ഫെബ്രുവരി-ൽ വിദ്യാർഥിസമരം നയിച്ചു. 1938-ൽ ബിരുദം നേടിയശേഷം ഇദ്ദേഹം ഒരു വിപ്ലവസംഘടനയുടെ (Dobama Asiayon, We Burmans Association) പ്രവർത്തകനായി; 1939-ൽ അതിന്റെ സെക്രട്ടറി ജനറലുമായി. 1940-41 കാലത്ത് ഇദ്ദേഹം രഹസ്യമായി ജപ്പാനിലെത്തി സൈനിക പരിശീലനം നേടി. തിരിച്ചു നാട്ടിലെത്തിയപ്പോൾ ആംഗ് സാൻ ബർമീസ് സ്വാതന്ത്യ്രസേനയുടെ സൈന്യാധിപനായി. ഈ സൈന്യം രണ്ടാം ലോകയുദ്ധകാലത്ത് ജപ്പാൻ സൈന്യത്തെ സഹായിച്ചു. ജപ്പാൻകാരെ ചെറുക്കാൻ 1944-ൽ ഫാസിസ്റ്റ് വിരുദ്ധസംഘടന സ്ഥാപിക്കുകയും 1945 മാ.-ൽ സഖ്യകക്ഷികൾക്കനുകൂലമായി ജപ്പാനെതിരെ യുദ്ധത്തിൽ ഏർപ്പെടുകയും ചെയ്തു. അതിനുശേഷം ഇദ്ദേഹം ദേശീയ സ്വാതന്ത്ര്യം നേടാനായി ഫാസിസ്റ്റ് വിരുദ്ധ ജനകീയ സ്വാതന്ത്ര്യലീഗും (Anti-Fascist People's Freedom League) ജനകീയ സന്നദ്ധസംഘടനയും (People's Volunteer league) സ്ഥാപിച്ചു. 1946 സെപ്റ്റംബർ 26-ന് ഇദ്ദേഹം ഗവർണറുടെ കൗൺസിലിലെ ഡെപ്യൂട്ടി ചെയർമാനായി. ലണ്ടൻ സന്ദർശിച്ചശേഷം ഉണ്ടാക്കിയ 'ആറ്റ്ലി-ആംഗ് സാൻ കരാറി'ൽ ഇദ്ദേഹം ഒപ്പുവച്ചു. ഒരു വർഷത്തിനുള്ളിൽ ബർമയ്ക്ക് സ്വാതന്ത്ര്യം നല്കുമെന്നതായിരുന്നു ഈ കരാറിലെ മുഖ്യ വ്യവസ്ഥ. 1947 ഏപ്രിൽ-ൽ ഭരണഘടനാനിർമ്മാണസഭയിലേക്കു നടന്ന തെരഞ്ഞെടുപ്പിൽ ആംഗ് സാന്റെ കക്ഷി 202 സ്ഥാനങ്ങളിൽ 196-ഉം കരസ്ഥമാക്കി. എക്സിക്യൂട്ടിവ് കൌൺസിൽ സമ്മേളിച്ചുകൊണ്ടിരിക്കവേ, 1947 ജൂലൈ 19-ന് ഒരു സായുധസംഘം അവിടേക്ക് പ്രവേശിക്കയും, ആംഗ് സാനെയും അദ്ദേഹത്തിന്റെ ആറു സഹപ്രവർത്തകരെയും വധിക്കുകയും ചെയ്തു. ഒരു രാഷ്ട്രീയ പ്രതിയോഗിയായ യുസോയുടെ നിർദ്ദേശമനുസരിച്ചാണ് ആംഗ് സാനും കൂട്ടരും വധിക്കപ്പെട്ടത് എന്നു കരുതപ്പെടുന്നു.

പുറത്തേക്കുള്ള കണ്ണികൾ

• Aung San's resolution to the Constituent Assembly regarding the Burmese Constitution, 16 June 1947
• Who really killed Aung San? Vol 1 യൂട്യൂബിൽ BBC documentary on YouTube, 19 July 1997
• Kin Oung. Who Killed Aung San? White Lotus, 2^nd edition. ISBN 9748496686

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ സാൻ, യു (1915 - 47) ആംഗ് സാൻ, യു (1915 - 47) എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.