ആണ്ടിപ്പട്ടി

ആണ്ടിപ്പട്ടി aandipatti
പട്ടണം
ആണ്ടിപ്പട്ടി റെയിൽവേ സ്റ്റേഷൻ
Nickname(s):  நாயக்கர் கோட்டை
ആണ്ടിപ്പട്ടി തമിഴ്നാട്ടിൽ സ്ഥിതി ചെയ്യുന്നു
Coordinates: 10°00′N 77°37′E
രാജ്യം	ഇന്ത്യ
സംസ്ഥാനം	തമിഴ്നാട്
ജില്ല	തേനി
ജനസംഖ്യ
• ആകെ	17,959
ഭാഷകൾ
• ഔദ്യോഗികം	തമിഴ്
സമയമേഖല	UTC+5:30 (ഇന്ത്യൻ സ്റ്റാൻഡേർഡ് സമയം)

തമിഴ്നാട്ടിലെ തേനി ജില്ലയിൽ സ്ഥിതി ചെയ്യുന്ന ഒരു ചെറുപട്ടണമാണ് ആണ്ടിപ്പട്ടി. ജന്തു-സസ്യജാലങ്ങളാൽ സമൃദ്ധമായ വൈഗൈ നദിയുടെ തീരത്താണ് ഈ ചെറുപട്ടണം സ്ഥിതിചെയ്യുന്നത്. മലനിരകളാൽ ചുറ്റപ്പെട്ട ഒരു താഴ്‌വാര പ്രദേശമാണിത്. പ്രധാന വരുമാന മാർഗം കൃഷിയാണ്; അതോടൊപ്പം കൈത്തറി-നെയ്ത്തു ശാലകൾ പട്ടണത്തിലുടനീളമുണ്ട്. തേനി, മധുര, കമ്പം, നടുക്കോട്ടൈ, ഗൂഡല്ലൂർ എന്നിവയാണ് ഏറ്റവും അടുത്ത പ്രധാന സ്ഥലങ്ങൾ. ആണ്ടിപ്പട്ടി ബ്ലോക്ക് പഞ്ചായത്തിൽ 30 വില്ലേജ് പഞ്ചായത്തുകൾ ഉൾപ്പെടുന്നു. തമിഴ്നാട്ടിലെ മുൻമുഖ്യമന്ത്രിമാരായ എം.ജി. രാമചന്ദ്രൻ, ജയലളിത എന്നിവരുടെ മണ്ഡലമായതിനാൽ ഈ ചെറുപട്ടണം വളരെ പ്രശസ്തമാണ്. ഗ്രാമീണ ആരോഗ്യ പരിപാലനത്തിനും സ്ത്രീകളുടെ വികസനത്തിനും ശാക്തീകരണത്തിനും വേണ്ടി ആരോഗ്യ അഗം എന്ന സർക്കാരിതര സംഘടന ഇവിടെ പ്രവർത്തിക്കുന്നു. തമിഴ്നാട്ടിലെ പ്രധാന ജലസംഭരണിയായ വൈഗൈ അണക്കെട്ട് ആണ്ടിപ്പട്ടിയിൽ നിന്നും ഏഴു കിലോമീറ്റർ ദൂരെ സ്ഥിതി ചെയ്യുന്നു.