ഇരിക്കൽ സമരം
കേരളത്തിലെ വസ്ത്രവ്യാപാര സ്ഥാപനങ്ങളിൽ ജീവനക്കാർ തങ്ങളുടെ ഇരിക്കാനുള്ള അവകാശത്തെ ചോദ്യം ചെയ്തുകൊണ്ട്‌ നടത്തുന്ന സമരമാണ് ഇരിക്കൽ സമരം[1]
സമര പശ്ചാത്തലം
[തിരുത്തുക]തൃശ്ശൂർ കല്യാൺ സാരീസിൽ ജോലിചെയ്യുന്ന ജീവനക്കാർക്ക് ഇരിക്കാനുള്ള ആവശ്യം മാനേജ്മെന്റ് നിരാകരിച്ചതാണ് ഇരിക്കൽ സമരം നടത്താൻ അവരെ പ്രേരിപ്പിച്ചത്. അവിടെതന്നെ തൊഴിൽ ചൂഷണത്തിനെതിരെ പ്രതികരിച്ച ആറ് വനിതാ ജീവനക്കാരെ അന്യായമായി സ്ഥലം മാറ്റിയതിനെതിരെയാണ് വനിതാ ജീവനക്കാർ സമരം നടത്തിവരുന്നത്. 2015 ജനുവരി-4'നാണ് ഇരിക്കൽ സമരം ആരംഭിച്ചത്.
സമര രീതി
[തിരുത്തുക]തൃശ്ശൂർ കല്യാൺ സാരീസിന് മുന്നിൽ കുടിൽകെട്ടി നിരാഹാരസമരം നടത്തിയാണ് തങ്ങളുടെ ആവശ്യങ്ങൾക്ക് വേണ്ടി ജീവനക്കാർ സമരം നടത്തിയത്.
സമരത്തിന്‌ ഐക്യദാർഢ്യം നൽകുന്ന സംഘടനകൾ
[തിരുത്തുക]മാർച്ച്‌-8, സാർവ്വദേശീയ വനിതാ ദിനത്തിൽ ഇരിക്കൽ സമരത്തിന്‌ ഐക്യദാർഢ്യം പ്രഖ്യാപിച്ചുകൊണ്ട് ഒട്ടേറെ സംഘടനകളും സാംസ്കാരിക പ്രവർത്തകരും സമര പന്തലിൽ എത്തിയിരുന്നു. അസംഘടിത മേഖലാ തൊഴിലാളി യൂണിയൻ എന്ന സംഘടനയുടെ നേതൃത്വത്തിലാണ് ഇരിക്കൽ സമരം നടത്തുന്നത്.[2]
സമരത്തിന്‌ ഐക്യദാർഢ്യം നൽകുന്ന സംഘടനകൾ:
- അസംഘടിത മേഖലാ തൊഴിലാളി യൂണിയൻ (ATMU)
- അഖിലേന്ത്യാ ട്രേഡ് യൂണിയൻ കോൺഗ്രസ് (AITUC)[3]
- കേരള ശാസ്ത്ര സാഹിത്യ പരിഷത്ത്
- യൂത്ത് ഡയലോഗ്
- സി.പി.ഐ(എം.എൽ)
- ഇന്ത്യൻ വിപ്ലവ യുവജന സംഘടന (RYFI)
- അഖിലേന്ത്യാ വിപ്ലവ വിദ്യാർത്ഥി സംഘടന
- അഖിലേന്ത്യാ വിപ്ലവ വനിതാ സംഘടന (AIRWO)
- ആർ.എം.പി
- റവല്യൂഷണറി യൂത്ത്
അവലംബം
[തിരുത്തുക]- ↑ http://malayalam.oneindia.com/news/kerala/kalyan-sarees-irikkal-samaram-turns-hunger-strike-131518.html
- ↑ "ആർക്കൈവ് പകർപ്പ്". Archived from the original on 2015-03-28. Retrieved 2015-03-24.
- ↑ "ആർക്കൈവ് പകർപ്പ്". Archived from the original on 2021-11-23. Retrieved 2021-11-23.