എബൊണൈറ്റ്
സ്വാഭാവിക റബ്ബറും സൾഫറുമായുളള സങ്കീർണ്ണമായ രാസപ്രക്രിയയുടെ അന്തിമ ഉത്പന്നമാണ് എബോണൈറ്റ്. ഉറപ്പും കാഠിന്യവുമേറിയ ഈ രാസപദാർത്ഥത്തിൽ 30 ശതമാനത്തിലേറെയാണ് സൾഫറടങ്ങിയിട്ടുളളത്. ആദ്യ കാലങ്ങളിൽ എബണി മരത്തിനു പകരമായി ഉപയോഗിച്ചിരുന്നതിനാലാണ് എബൊണൈറ്റ് എന്ന പേരു വന്നത്.
രസതന്ത്രം[തിരുത്തുക]
പോളി ഐസോപ്രീനിലെ അപൂരിത ബോണ്ടുകളിലൂടെയാണ് സൾഫർ തന്മാത്രകൾ ശൃംഖലകളെ തലങ്ങും വിലങ്ങും കൂട്ടിക്കെട്ടുന്നത്. സൾഫറിൻറെ തോതും അതുമൂലം കെട്ടുകളുടെ എണ്ണവും വർദ്ധിക്കുന്നതോടെ റബ്ബറിൻറെ ഇലാസ്തികത പൂർണ്ണമായും നഷ്ടപ്പെടുന്നു.
![](http://upload.wikimedia.org/wikipedia/commons/thumb/8/86/VulcCurve.png/200px-VulcCurve.png)
കാർബൺ ബ്ലാക്കോ ഉരച്ചു പൊടിയാക്കിയ എബോണൈറ്റ് തന്നെയോ ആണ് ഫില്ലറായി ഉപയോഗിക്കാറ്. വൈദ്യുതി, താപം രാസപദാർത്ഥങ്ങൾ ഇവയൊന്നും തന്നെ എബൊണൈറ്റിൽ ഒരു മാറ്റവും വരുത്തുന്നില്ല.
ഉപയോഗമേഖലകൾ[തിരുത്തുക]
തടിയേയെന്നപോലെ എബോണൈറ്റും പണിയായുധങ്ങളോ, യന്ത്രങ്ങളോ ഉപയോഗിച്ച് നിഷ്പ്രയാസം രൂപപ്പെടുത്തുകയും മിനുസപ്പെടുത്തുകയും ചെയ്യാം.
![](http://upload.wikimedia.org/wikipedia/commons/thumb/8/8e/Roller-hockey-%28Quad%29-Ball.jpg/200px-Roller-hockey-%28Quad%29-Ball.jpg)
ബൌളിംഗ് പന്തുകൾ എബോണൈറ്റ് കൊണ്ടാണുണ്ടാക്കുന്നത്.
അവലംബം[തിരുത്തുക]
Maurice Morton (1987). Rubber Technology (3 ed.). Springer. ISBN 0412539500.