കരിങ്കൂവളം

ഇംഗ്ലീഷ് വിലാസം

https://ml.wikipedia.org/wiki/Neelolpalam

കരിങ്കൂവളം
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Monocots
(unranked):	Commelinids
Order:	Commelinales
Family:	Pontederiaceae
Genus:	Monochoria
Species:	M. vaginalis
Binomial name
Monochoria vaginalis (Burm.f.) C.Presl ex Kunth

ചതുപ്പ് പ്രദേശങ്ങളിൽ കാണപ്പെടുന്ന ഒരു ഔഷധസസ്യമാണ്‌ കരിങ്കൂവളം. കുവലയം എന്നാണ് ഇതിന്‌ സംസ്കൃതത്തിൽ അറിയപ്പെടുന്നത്. Monochoria vaginalis എന്ന ശാസ്ത്രീയനാമത്തിൽ അറിയപ്പെടുന്ന ഈ സസ്യം Pontederiaceae എന്ന സസ്യകുടുംബത്തിൽപ്പെടുന്നു.

മറ്റു പേരുകൾ

ഇന്ദീവര, നീലോല്പല എന്നിങ്ങനെ സംസ്കൃതത്തിലും നീലോല്പൽ എന്ന് ഹിന്ദിയിലും ഈ ചെടി അറിയപ്പെടുന്നു.

സവിശേഷതകൾ

നീളമുള്ള തണ്ടിൽ ഒരു ഇലയായിരിക്കും ഉണ്ടാകുക. ഇലകൾ ചെറുതും അറ്റം കൂർത്തതുമായിരിക്കും. ഇളം നീലകലർന്ന നിറമുള്ള മൂന്നോ നാലോ പൂക്കൾ നീളമുള്ള തണ്ടിൽ ഒരുസമയം ഉണ്ടാകാറുണ്ട്. വിത്തുകൾ ഒരു ഫലത്തിനുള്ളിൽ ഒന്നിലധികം കാണപ്പെടുന്നു.

രസാദി ഗുണങ്ങൾ

• രസം: മധുരം
• ഗുണം: ഗുരു, സ്നിഗ്ധം
• വീര്യം: ശീതം
• വിപാകം: മധുരം

ഔഷധയോഗ്യ ഭാഗം

പുഷ്പം, ഇല, തണ്ട്

ഔഷധമൂല്യം

നീലോല്പലം രേഖാചിത്രം

ചെടിക്ക് മധുര രസവും ഗുരുവും സ്നിഗ്ദ്ധവുമായ ഗുണവും ശീതവീര്യവും മധുര വിപാകവുമാണുള്ളത്. ഏറ്റവും ഔഷധമൂല്യമുള്ള ഭാഗം വേരും ഇലകളുമാണ്‌. പിത്തം, പൊള്ളൽ, പനി, സ്കർവി തുടങ്ങിയ അസുഖങ്ങൾക്ക് ഉപയോഗിക്കുന്നു.