കാദീശാ പള്ളി, കായംകുളം
 | ഈ ലേഖനത്തിന്റെ ആധികാരികത പരിശോധിക്കുന്നതിന് കൂടുതൽ സ്രോതസ്സുകളിൽ നിന്നുള്ള അവലംബങ്ങൾ ആവശ്യമാണ്.(2021 നവംബർ) ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
ആലപ്പുഴ ജില്ലയിലെ കായംകുളത്ത് സ്ഥിതി ചെയ്യുന്ന ഒരു ക്രിസ്ത്യൻ ദേവാലയമാണ്‌ കാദീശാ ഓർത്തഡോക്സ് പള്ളി. ക്രി.വ. 820-കളിൽ കേരളത്തിൽ എത്തിയ മാർ സാബോർ, മാർ അഫ്രോത്ത്‌ എന്നീ പുരോഹിത പ്രമുഖരാൽ സ്ഥാപിതമാണു ഈ ദേവാലയം എന്നു വിശ്വസിക്കപ്പെടുന്നു. റമ്പാൻ ബൈബിൾ എന്ന പേരിൽ പിന്നീട് അറിയപ്പെട്ട 1811-ലെ ബൈബിൾ വിവർത്തനയത്നത്തിലെ പ്രമുഖനായിരുന്ന കായംകുളം ഫിലിപ്പോസ് റമ്പാൻ ഈ പള്ളിക്കാരനായിരുന്നു.
പേരിനു പിന്നിൽ
[തിരുത്തുക]കാദീശാ എന്ന സുറിയാനി പേരിനർത്ഥം പരിശുദ്ധൻ എന്നാണ്‌. മാർ സാബോറിനേയും മാർ ആഫ്രോത്തിനേയും പരിശുദ്ധർ എന്ന് വിളിച്ചിരുന്നു. അവരുടെ സ്മരണാർത്ഥമാണ്‌ പള്ളിക്ക് കാദീശാ പള്ളി എന്ന പേര്‌ വന്നത്.
പെരുന്നാൾ
[തിരുത്തുക]കായംകുളം കാദീശാ പള്ളിയുടെ തലപള്ളി കടമ്പനാട്‌ വലിയ പള്ളിയാണ്‌. ഈ ദേവാലയത്തിന്റെ പെരുന്നാൾ പരമ്പരാഗതമായി കണ്ടനാട്‌ ബാവയുടെ ഓർമ്മദിനമായ ഒക്ടോബർ 20-നാണ്‌ നടത്തിവന്നിരുന്നത്. ഇപ്പോഴുള്ള പള്ളിയുടെ പ്രതിഷ്ഠ 1972 ഫെബ്രുവരി 2 -ന് നിർവ്വഹിച്ചതിന് ശേഷം തുടർന്നുളള വർഷങ്ങളിൽ ആ ദിനമാണു പിന്നീട് പെരുന്നാൾ ദിനമായി ആഘോഷിച്ചു വരുന്നത്‌.
|
പള്ളികൾ പോലെയുള്ള ക്രിസ്ത്യൻ ആരാധനാലയങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |