കാൾ യുങ്

ഇംഗ്ലീഷ് വിലാസം

https://ml.wikipedia.org/wiki/Carl_Gustav_Jung

Carl Gustav Jung
Jung in 1910
ജനനം	(1875-07-26)26 ജൂലൈ 1875 Kesswil, Thurgau, Switzerland
മരണം	6 ജൂൺ 1961(1961-06-06) (പ്രായം 85) Zurich, Zurich, Switzerland
പൗരത്വം	Swiss
അറിയപ്പെടുന്നത്	Analytical psychology
ശാസ്ത്രീയ ജീവിതം
പ്രവർത്തനതലം	Psychiatry, Psychology, Psychotherapy, Analytical psychology
സ്ഥാപനങ്ങൾ	Burghölzli, Swiss Army (as a commissioned officer in World War I)
ഡോക്ടർ ബിരുദ ഉപദേശകൻ	Eugen Bleuler, Sigmund Freud
ഒപ്പ്

Carl Jung's partially autobiographical work Memories, Dreams, Reflections, Fontana edition

കാൾ ഗുസ്താഫ് യുങ്‍ (Carl Gustav Jung (IPA: [ˈkarl ˈgʊstaf ˈjʊŋ])) സ്വിറ്റ്സർലൻഡുകാരനായ ലോകപ്രശസ്ത ചിന്തകനും മനഃശാസ്ത്രജ്ഞനുമായിരുന്നു. വിശകലന മനഃശാസ്ത്രത്തിന്റെ(അനലിറ്റിക്കൽ സൈക്കോളജി) പിതാവ് എന്ന് അറിയപ്പെടുന്ന യുങ്ങ്‍, സിഗ്മണ്ട് ഫ്രോയ്ഡിനു ശേഷം ലോകത്ത് ഏറ്റവും പ്രശസ്തനായ മനഃശാസ്ത്രജ്ഞൻ ആണ്‌.

ജീവിതരേഖ

1875 - ജൂലായ് 26 ന് സ്വിറ്റ്സർലന്റിലെ കെസ്വിൽ ഗ്രാമത്തിലാണ് കാൾ യുങ് ജനിച്ചത്. ഗ്രാമത്തിലെ പാസ്റ്റർ ആയിരുന്ന പോൾ യുങ് ആയിരുന്നു പിതാവ്. 1903 ൽ എമ്മ റോഷൻ ബാഖിനെ അദ്ദേഹം വിവാഹം കഴിച്ചു. 1900ൽ ബേസൽ സർവ്വകലാശാലയിൽ നിന്നും വൈദ്യശാസ്ത്രത്തിൽ ബിരുദം നേടിയ യുങ് മനഃശാസ്ത്രം തന്റെ ചികിത്സാമേഖലയായി തിരഞ്ഞെടുത്തു. സൂറിച്ച് സർവ്വകലാശാലയിലെ മനോരോഗാശുപത്രിയിലായിരുന്നു യുങിന്റെ പരിശീലനം. പ്രശസ്ത മനഃശാസ്ത്രജ്ഞൻ ഡോ:യൂജീൻ ബ്ലോലർക്ക് കീഴിലായിരുന്നു പരിശീലനം. സൂറിച്ച് സർവ്വകലാശാലയിൽ അദ്ധ്യാപകനായി ജോലിനോക്കുമ്പോഴാണ് യുങ് സിഗ്മണ്ട് ഫ്രോയിഡുമായി അടുപ്പത്തിലാകുന്നത്.1907 ൽ യുങ് പ്രസിദ്ധീകരിച്ച സ്മൃതിനാ‍ശത്തിന്റെ മനഃശാസ്ത്രം(The Psychology of Dementia Paraecox) എന്ന ഗ്രന്ഥമാണ് ഇവരെ തമ്മിലടുപ്പിച്ചത്. ഫ്രോയിഡിന്റെ നേതൃത്വത്തിൽ 1910 ൽ സ്ഥാപിതമായ ഇന്റർനാഷണൽ സൈക്കോ അനലറ്റിക്കൽ സൊസൈറ്റിയിലെ അംഗങ്ങളായിരുന്നു യുങും ആൽഫ്രഡ് അഡ്‌ലെറും.ഇന്ത്യയും ചൈനയുമുൾപ്പടെ ലോകത്തിന്റെ വിവിധ കോണുകളിൽ യുങ് യാത്രകൾ നടത്തി.വിവിധ ആചാര അനുഷ്ഠാനങ്ങളെ പഠനവിധേയമാക്കി. സംസ്കൃതമുൾപ്പടെ ഒട്ടേറെ ഭാഷകളിൽ അദ്ദേഹം പ്രാവീണ്യം നേടി. 1955 ൽ ഭാര്യ എമ്മയുടെ മരണത്തോടെ പൊതുരംഗത്തുനിന്നും പിൻ‌വാങ്ങിയ അദ്ദേഹം 1961 ജൂൺ 6 നു അന്തരിച്ചു.

സിദ്ധാന്തങ്ങൾ

മനുഷ്യമനസ്സിന്റെ ഘടനയ്ക്ക് മൂന്നു ഭാഗങ്ങളുണ്ടെന്നു യുങിന്റെ സിദ്ധാന്തങ്ങൾ പറയുന്നു. അവ അഹം , വൈയക്തികാബോധം , സഞ്ചിതാബോധം എന്നിങ്ങനെയാണ്. ബോധമനസാണ്‌ അഹം. ഓർമ്മകളും അടിച്ചമർത്തപ്പെട്ട വികാരങ്ങളും അടിഞ്ഞുകൂടിക്കിടക്കുന്ന അബോധമനസാണ്‌ വൈയക്തികതാ ബോധം. മനുഷ്യന്‌ പൊതുവായിട്ടുള്ളതാണ്‌ സഞ്ചിതാബോധം. ഇത് എല്ലാ മനുഷ്യരിലും ഉണ്ടാവും.

അനുബന്ധം

• യുങിന്റെ ഗുരുസ്ഥാനീയനായിരുന്ന പ്രശസ്ത മനഃശാസ്ത്രജ്ഞൻ ഡൊ:യൂജീൻ ബ്ലോലർ ആണ്‌ സ്കീസഫ്രീനിയ എന്ന രോഗത്തിന് ആ പേരു നൽകിയത്.
• യുങിന്റെ കൃതികൾ സാഹിത്യലോകത്ത് ആഴത്തിൽ സ്വാധീനിച്ചിട്ടുണ്ട്. ഹെർമൻ ഹെസ്സെയുടെ ഡെമിയൻ എന്ന നോവലിന്‌ പ്രചോദനമായത് യുങിന്റെ സിദ്ധാന്തങ്ങളാണ്‌.