കൊറ്റൻകുളങ്ങര ദേവീക്ഷേത്രം
| കൊറ്റൻകുളങ്ങര ദേവീക്ഷേത്രം | |
|---|---|
 | |
| അടിസ്ഥാന വിവരങ്ങൾ | |
| മതവിഭാഗം | ഹിന്ദുയിസം |
| ആരാധനാമൂർത്തി | ദുർഗ്ഗ |
| ആഘോഷങ്ങൾ | ചമയ വിളക്ക് |
| ജില്ല | കൊല്ലം |
| സംസ്ഥാനം | കേരളം |
| രാജ്യം |  ഇന്ത്യ |
കേരളത്തിലെ കൊല്ലം ജില്ലയിലെ ചവറയിൽ ദേശീയപാതയ്ക്ക് സമീപം സ്ഥിതി ചെയ്യുന്ന ഒരു അതിപ്രസിദ്ധമായ ഭഗവതി ക്ഷേത്രമാണ് കൊറ്റൻകുളങ്ങര ദേവി ക്ഷേത്രം. ജഗദീശ്വരിയും ആദിപരാശക്തിയുമായ ദുർഗ്ഗാ ഭഗവതിയാണ് പ്രധാന പ്രതിഷ്ഠ. കൊറ്റൻകുളങ്ങര അമ്മ എന്ന്‌ ഈ ഭഗവതി അറിയപ്പെടുന്നു. ഇവിടുത്തെ അപൂർവ ചടങ്ങായ ചമയവിളക്ക് ഉത്സവം ഏറെ പ്രശസ്തമാണ്. മീനമാസത്തിലെ (മാർച്ച്‌/ഏപ്രിൽ) പത്ത്, പതിനൊന്ന് രാത്രിയിലാണ് ചമയ വിളക്ക് നടത്തുക. അഭീഷ്ടകാര്യ സാധ്യത്തിനാണ് പുരുഷൻമാർ സ്ത്രീ വേഷത്തിൽ ചമയവിളക്ക് എടുക്കുന്നത്. ചമയവിളക്കിൽ പങ്കെടുത്താൽ പ്രതിസന്ധികളിൽ പരാശക്തി തുണയാകും എന്നൊരു വിശ്വാസമുണ്ട്. ആൺ മക്കളെ പെൺകുട്ടികളാക്കിയും ഭർത്താക്കൻമാരെ യുവതികളാക്കിയും വിളക്ക് എടുപ്പിക്കുന്നു.[1]
ഗണപതി, പരമശിവൻ, ശ്രീ ധർമ്മശാസ്താവ്, മാടൻ ഭഗവാൻ, നാഗരാജാവ്, യക്ഷിയമ്മ എന്നിവയാണ് ക്ഷേത്രത്തിലെ മറ്റു ഉപദേവതാ പ്രതിഷ്ഠകൾ. കൊറ്റൻ നിവേദ്യമാണ് ക്ഷേത്രത്തിലെ മറ്റൊരു പ്രധാന വഴിപാട്.
ആദ്യകാല ചരിത്രം, ഐതീഹ്യം
[തിരുത്തുക]ക്ഷേത്രം സ്ഥിതി ചെയ്യുന്ന സ്ഥലം ഒരു കാലത്ത് വനത്തിന്റെ ഭാഗമായിരുന്നു, ചുറ്റും മരങ്ങളും ചെടികളും വള്ളിച്ചെടികളും നിറഞ്ഞ ശാന്തമായ പ്രദേശമായിരുന്നു. ക്ഷേത്രത്തിന്റെ വടക്കുപടിഞ്ഞാറേ മൂലയിൽ ഭൂതകുളം എന്നറിയപ്പെടുന്ന ഒരു ചെറിയ ആഴത്തിലുള്ള കുളം ഉണ്ടായിരുന്നു. വിഷപ്പാമ്പുകളുടെ അഭയകേന്ദ്രമാണിതെന്ന് പ്രദേശവാസികൾ വിശ്വസിച്ചിരുന്നു. കിഴക്കുഭാഗത്ത് വിശാലമായ ആഴത്തിലുള്ള ഒരു വലിയ കുളം ഉണ്ടായിരുന്നു. ദിവസങ്ങളോളം മഴ പെയ്തപ്പോൾ അവിടെ നിന്ന് ഒരു അരുവി ഉത്ഭവിച്ചു. ഇത് ചുറ്റുമുള്ള പ്രദേശത്തെ ഫലഭൂയിഷ്ഠവും കൃഷിയോഗ്യവുമാക്കി. ഈ സ്ഥലം പുല്ലും ശുദ്ധജലവും നിറഞ്ഞതിനാൽ അയൽ പ്രദേശങ്ങളിൽ നിന്നുള്ള പശുപാലകർ അവരുടെ കന്നുകാലികളുമായി അവിടെ ഒത്തുകൂടും. ഒരു ദിവസം ആ പ്രദേശത്ത് നിന്നും കുട്ടികൾക്ക് ഒരു നാളികേരം വീണു കിട്ടുകയും അടുത്തുള്ള ഒരു കല്ലിന്റെ മുകളിൽ വച്ചു കുത്തി അത് പൊളിക്കാൻ ശ്രമിക്കുകയും ചെയ്തു. ആ സമയം ലോഹകഷ്ണം ആ കല്ലിൽ തട്ടിയപ്പോൾ അതിൽ നിന്ന് നിണം വാർന്നു വന്നു. ഇത് കണ്ട കുട്ടികൾ വീട്ടുകാരോട് കാര്യം പറഞ്ഞു. എല്ലാവരും അതു കാണാനായ് എത്തി. പിന്നീട് പ്രമാണിയുടെ നേതൃത്വത്തിൽ പ്രശ്‌നം വച്ചു നോക്കിയപ്പോൾ ആ കല്ലിൽ പ്രപഞ്ചനാഥയും സാക്ഷാൽ ആദിപരാശക്തിയുമായ ദുർഗ്ഗാ ഭഗവതി കുടികൊള്ളുന്നതായി കണ്ടെത്തി. ദേവീ ക്ഷേത്രം നാടിന്റെ ഐശ്വര്യം ആണെന്നും മനസിലാക്കിയതോടെ ക്ഷേത്രം നിർമ്മിച്ചു. തുടർന്ന് ആൺകുട്ടികൾ പെൺകുട്ടികളെ പോലെ അണിഞ്ഞു ഒരുങ്ങി ഭഗവതിക്ക് കൊറ്റൻ നിവേദിച്ചു. ഇതിന്റെ ഓർമ്മയ്ക്കായി പുരുഷന്മാരുടെ ചമയവിളക്ക് ഉത്സവം വർഷം തോറും ആചരിച്ചു വരുന്നു.[2]
എത്തിച്ചേരാനുള്ള വഴി
[തിരുത്തുക]*അടുത്തുള്ള പ്രധാന റെയിൽവേ സ്റ്റേഷനുകൾ - കൊല്ലം, കരുനാഗപ്പള്ളി. പ്രധാനപ്പെട്ട ട്രെയിനുകൾ കൊല്ലം റെയിൽവേ സ്റ്റേഷനിൽ നിർത്താറുണ്ട്. എറണാകുളം, കോട്ടയം ഭാഗങ്ങളിൽ നിന്ന് വരുന്നവർക്ക് കരുനാഗപ്പള്ളി റെയിൽവേ സ്റ്റേഷനിൽ ഇറങ്ങി ക്ഷേത്രത്തിലേക്ക് എത്തിച്ചേരാവുന്നതാണ്.
*ചവറ വഴി കടന്ന് പോകുന്ന ദേശീയപാത ക്ഷേത്രത്തിന് സമീപം സ്ഥിതി ചെയ്യുന്നു.
*ധാരാളം സ്വകാര്യ ബസുകൾ, KSRTC ബസുകൾ ഇതുവഴി കടന്ന് പോകുന്നു. ദേശീയപാത വഴിയുള്ള ദീർഘദൂര ബസുകൾ ചവറയിൽ നിർത്താറുണ്ട്.
അവലംബം
[തിരുത്തുക]- ↑ "പുരുഷൻമാർ സ്ത്രീ വേഷത്തിൽ ചമയവിളക്കേന്തുന്ന കൊറ്റംകുളങ്ങര ദേവീക്ഷേത്രം".
- ↑ "History of Temple – Kottankulangara Temple" (in അമേരിക്കൻ ഇംഗ്ലീഷ്). Archived from the original on 2013-09-18. Retrieved 2023-03-29.