2022-ൽ പുറത്തിറങ്ങിയ ഉക്രേനിയൻ ചലച്ചിത്രമാണ് ക്ലോണ്ടൈക്ക്. മെറീന എർ ഗോർബാച്ചാണ് ഈ ചിത്രത്തിന്റെ സംവിധാനവും എഡിറ്റിംഗും നിർവ്വഹിച്ചിരിക്കുന്നത്. ഉക്രൈനിലെ ഡോൺബാസിലെ യുദ്ധസമയത്തും മലേഷ്യൻ എയർലൈൻസ് ഫ്ലൈറ്റ് 17-ന്റെ അപകടത്തിനിടയിലും ഉക്രേനിയൻ-റഷ്യൻ അതിർത്തിക്ക് സമീപം താമസിക്കുന്ന ഇർക്ക എന്ന ഗർഭിണിയായ സ്ത്രീയായി ഒക്സാന ചെർകഷിനയാണ് ചിത്രത്തിൽ അഭിനയിക്കുന്നത്. ക്ലോണ്ടൈക്ക് 2022 ജനുവരി 21-ന് സൺഡാൻസ് ഫിലിം ഫെസ്റ്റിവലിൽ പ്രദർശിപ്പിച്ചു. ഈ ഫെസ്റ്റിവലിൽ സംവിധാനത്തിനുള്ള ലോക സിനിമാ വിഭാഗത്തിൽ വിജയിച്ചു.[2] ബെർലിൻ ഇന്റർനാഷണൽ ഫിലിം ഫെസ്റ്റിവലിൽ, പനോരമ ഓഡിയൻസ് അവാർഡ് വിഭാഗത്തിൽ ഇത് രണ്ടാം സ്ഥാനം നേടി.[3]
