ഗരുഡൻ പറവ
മദ്ധ്യതിരുവിതാംകൂറിലെ ചില ക്ഷേത്രങ്ങളിൽ നടത്തിവരുന്ന ഒരു അനുഷ്ഠാന കലയാണ് ഗരുഡൻ പറവ. ഭദ്രകാളിയെ പ്രീതിപ്പെടുത്തുവാൻ വേണ്ടിയാണ് ഗരുഡൻപറവ എന്ന നൃത്തം നടത്താറുള്ളത്. ഗരുഡന്റേതു പോലെ കൊക്കും, ചിറകും, ശരീരത്തിൽ വച്ച് പിടിപ്പിച്ച്, ഒരു പക്ഷിയുടെ രൂപഭാവത്തോടെയാണ് കലാകാരന്മാർ എത്തുന്നത്. ഇങ്ങനെ ഗരുഡവേഷം അണിഞ്ഞെത്തുന്ന നർത്തകർക്ക് താളം പകരാനായി ചെണ്ട, മദ്ദളം, ഇലത്താളം തുടങ്ങിയ വാദ്യങ്ങളും ഉണ്ടാകും. ധനുമാസത്തിലാണ് ഈ അനുഷ്ഠാന കല നടത്തിവരുന്നത്.
ഐതിഹ്യം
[തിരുത്തുക]ഈ കലയുമായി ബന്ധപ്പെട്ട ഒരു ഐതിഹ്യ കഥ ഇങ്ങനെയാണ്; ദാരികനും ദാനവേന്ദ്രനും ആയി ഭദ്രകാളി യുദ്ധം തുടങ്ങുന്ന സമയം ഭദ്രകാളിക്ക് വാഹനമായി നിലകൊണ്ടത് വേതാളം ആയിരുന്നു. വേതാളത്തി്ന്ഭ ദ്രകാളി വാക്ക് കൊടുത്തിരുന്നത് യുദ്ധഭൂമിയിൽ ജീവനോടെ ഉള്ള എല്ലാവരുടേയും, രക്തം നൽകി ദാഹം തീർത്തു തരാം എന്നായിരുന്നു. ഈ വാക്ക് മനസിലാക്കിയ ആരും യുദ്ധം കാണാൻ പോയില്ല.എന്നാൽ മഹാവിഷ്ണുവിൻ്റെ വാഹനം ആയ ഗരുഡൻ യുദ്ധത്തിൻ്റെ കാഠിന്യം മനസ്സിലാക്കുന്നതിന് യുദ്ധഭൂമിയിൽ പോയി ഒളിച്ചിരുന്നു. എന്നാലോ യുദ്ധം അവസാനിച്ചു എല്ലാ അസുരന്മാരും മരിച്ചുവീണുകഴിഞ്ഞു യുദ്ധം ജയിച്ച ആഹ്ലാദത്തിൽ ഭദ്രകാളി വേതാളത്തിനോട് ചോദിച്ചു ദാഹം തീർന്നോ എന്ന്. അപ്പൊൾ വേതാളം ഒളിച്ചിരുന്ന ഗരുഡനെ ചൂണ്ടി കാണിച്ചു വാക്ക് കൊടുത്തത് പാലിക്കണം എന്ന് ആവശ്യപ്പെട്ടു. തൽഫലമായി ധർമ്മ സങ്കടത്തിൽ ആയ ഭദ്രകാളിയുടെ സങ്കടം തീർക്കുന്നതിന് മഹാവിഷ്ണു ഗരുഡനെ ദേവിയുടെ അടുക്കലേക്ക് പറഞ്ഞയക്കുകയും ഒരുതൂവൽ പൊഴിച്ചു അതിൽ നിന്നും വരുന്ന ഒരു തുള്ളി രക്തം, [1]രക്തദാഹിയായി കലിതുള്ളി നിന്ന ഭദ്രകാളിയുടെ വാഹനം ആയ വേതാളത്തിൻ്റെ കോപവും , ദാഹവും ശമിപ്പിക്കുന്നത്തിന് വേണ്ടി നൽകാൻ ആവശ്യപ്പെട്ടു. ഗരുഡൻ കാളിയെ സന്തോഷിപ്പിക്കാനായി കാളിയുടേ മുൻപിൽ നൃത്തം ചെയ്യുകയും, അതിനു ശേഷം കാളിക്ക് ഗരുഡൻ തന്റെ രക്തം അർപ്പിച്ചുവെന്നും ഐതിഹ്യം പറയുന്നു. ഗരുഡന്റെ രക്തം പാനം ചെയ്തതിനുശേഷമേ വേതാളത്തിൻ്റെ കോപം അടങ്ങിയുള്ളൂ എന്നുമാണ് ഐതിഹ്യ കഥ. ഇതിന് സാങ്കൽപ്പികമായി ആണ് ഗരുഡൻ പറവ വഴിപാട് നടത്തുന്നത്. ഈ വഴിപാട് നടത്തുന്ന മദ്ധ്യ കേരളത്തിലെ പ്രധാന അമ്പലങ്ങൾ : കേരളത്തിലെ കോട്ടയം ജില്ലയിൽ നീണ്ടൂർ സ്ഥിതി ചെയ്യുന്ന ശ്രീ കുററ്യാനിക്കുളങ്ങര ഭഗവതി ക്ഷേത്രം, കോട്ടയം എറണാകുളം വഴിയിൽ ഉള്ള അരയങ്കാവ് അമ്പലം,വൈക്കം വടയാർ ഇളങ്കാവ്ദേവീ ക്ഷേത്രം ഇവയാണ്.
ഇതും കാണുക
[തിരുത്തുക]പുറത്തേക്കുള്ള കണ്ണികൾ
[തിരുത്തുക]- ഗരുഡൻ പറവ വീഡിയോ യൂട്യൂബിൽ കാണുക.
- ↑ പുരാണ ഇതിഹാസങ്ങൾ
ഗരുഡൻ പറവhttps://www.youtube.com/watch?v=UlPEpVu0LrE[1]
- ↑ Ashok PR (2022-04-16), Neendoor Pooram 2022 - Garudan, retrieved 2025-01-20