ഗുല്ലപ്പള്ളി നാഗേശ്വര റാവു
Gullapalli Nagarajawerrao | |
|---|---|
| గుళ్ళపల్లి నాగేశ్వరరావు | |
| ജനനം | Chodavaram, Krishna district, Andhra Pradesh, India |
| അറിയപ്പെടുന്നത് | L V Prasad Eye Institute |
| പുരസ്കാരങ്ങൾ | Padma Shri American Academy of Ophthalmology Honor Award International Blindness Prevention Award AEBA Award 2017 Ophthalmology Hall of Fame |
ഒരു ഇന്ത്യൻ നേത്രരോഗവിദഗ്ദനും, അക്കദമിയ ഒഫ്താൽമോളജിക ഇന്റർനാഷണലിസ് (AOI) ചെയർമാനും [1] എൽ.വി. പ്രസാദ് ഐ ഇൻസ്റ്റിറ്റ്യൂട്ട്, ഹൈദരാബാദ് സ്ഥാപകനുമാണ് ഗുല്ലപ്പള്ളി നാഗേശ്വര റാവു . [2] റോച്ചസ്റ്റർ സർവകലാശാലയിലെ സ്‌കൂൾ ഓഫ് മെഡിസിൻ ആന്റ് ഡെന്റിസ്ട്രിയിലെ മുൻ അസോസിയേറ്റ് പ്രൊഫസറായ റാവു നാഷണൽ അക്കാദമി ഓഫ് മെഡിക്കൽ സയൻസസിലെ ഫെലോ ആണ്. 2002-ൽ ഭാരത സർക്കാർ നാലാമത്തെ ഉയർന്ന സിവിലിയൻ ബഹുമതിയായ പത്മശ്രീ നൽകി അദ്ദേഹത്തെ ആദരിച്ചു. [3] അമേരിക്കൻ സൊസൈറ്റി ഓഫ് കാറ്ററാക്റ്റ് ആൻഡ് റിഫ്രാക്റ്റീവ് സർജറിയുടെ ഒഫ്താൽമോളജി ഹാൾ ഓഫ് ഫെയിമിലേക്ക് 2017 ൽ അദ്ദേഹം തിരഞ്ഞെടുക്കപ്പെട്ടു.[4]
സ്വകാര്യ ജീവിതം
[തിരുത്തുക]സെപ്റ്റംബർ 21, 1945 ന് ജി വെങ്കടേശ്വര റാവുവുവിന്റെയും വെങ്കട ലക്ഷ്മി നരസമ്മ റാവുവിന്റെയും മകനായി ആന്ധ്ര പ്രദേശിലെ ചോദാവരത്ത് ജനനം.[5] മൂന്നാമത്തെ വയസ്സിൽ അദ്ദേഹത്തെ വിജയവാഡയ്ക്കടുത്തുള്ള എഡുപഗള്ളു ഗ്രാമത്തിൽ താമസിക്കുന്ന അമ്മാവന്റെ അടുത്തേക്ക് അയച്ചു.[6] ഒരു തെലുങ്ക് സ്കൂളിൽ എട്ടാം ക്ലാസ് വരെ അദ്ദേഹം അവിടെ പഠിച്ചു. പ്രശസ്ത നേത്രരോഗവിദഗ്ദ്ധനായ ഗോവിന്ദപ്പ വെങ്കടസ്വാമിയുടെ (അരവിന്ദ് നേത്ര ആശുപത്രിയുടെ സ്ഥാപകൻ) സമീപം ചെന്നൈയിൽ താമസിച്ചിരുന്ന പിതാവിനെ പിന്തുടർന്ന് റാവു നേത്രരോഗവിദഗ്ദ്ധനാകാൻ തീരുമാനിച്ചു.[7]
വിദ്യാഭ്യാസവും കരിയറും
[തിരുത്തുക]ആന്ധ്രയിലെ ഗുണ്ടൂരിൽ പ്രാഥമിക മെഡിക്കൽ വിദ്യാഭ്യാസം പൂർത്തിയാക്കിയ റാവു, ന്യൂഡൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ നേത്രരോഗത്തിൽ ബിരുദാനന്തര റെസിഡൻസി പരിശീലനം പൂർത്തിയാക്കി.[8] യൂണിവേഴ്സിറ്റി ഓഫ് മെൽബണിൽ നിന്ന് ഡോക്ടർഓഫ് സയൻസ് (ഹൊനൊരിസ് കൌസ) ബിരുദം നിന്നും ലഭിച്ച അദ്ദേഹത്തിന്, അമേരിക്കൻ അക്കാദമി ഓഫ് ഒഫ്താൽമോളജിയിൽ നിന്നും ഓണർ അവാർഡ്, അമേരിക്കൻ അക്കാദമി ഓഫ് ഒഫ്താൽമോളജിയിൽ നിന്നും അന്താരാഷ്ട്ര ബ്ലൈൻഡ്നസ് പ്രിവൻഷൻ അവാർഡ്[2][9] അസോസിയേഷൻ ഓഫ് ഐ ബാങ്ക് ഓഫ് ഏഷ്യയിയിൽ നിന്നും എഇബിഎ അവാർഡ് എന്നിവ ലഭിച്ചിട്ടുണ്ട്. റാവു, ഇന്റർനാഷണൽ ഏജൻസി ഫോർ പ്രിവൻഷൻ ഓഫ് ബ്ലൈൻഡ്നസ്, ബോർഡ് അംഗം, സെക്രട്ടറി ജനറൽ (1998), പ്രസിഡന്റ് (2004) എന്നീ നിലകളിൽ വിവിധ അവസരങ്ങളിൽ സേവനമനുഷ്ഠിച്ചിട്ടുണ്ട്. വിദേശത്ത് പരിശീലനം കൂടാതെ യുഎസ്എ, യൂറോപ്പ്, ഓസ്‌ട്രേലിയ, ഏഷ്യ എന്നിവിടങ്ങളിലെ നിരവധി സർവകലാശാലകളിൽ വിസിറ്റിംഗ് പ്രൊഫസറായും സേവനമനുഷ്ഠിക്കുന്നു. 2020 ലെ കണക്കനുസരിച്ച് ദേശീയ, അന്തർ‌ദ്ദേശീയ ജേണലുകളിൽ 300 ലധികം പ്രബന്ധങ്ങൾ റാവു പ്രസിദ്ധീകരിച്ചു, കൂടാതെ നിരവധി ജേണലുകളുടെ എഡിറ്റോറിയൽ ബോർ‌ഡുകളിൽ സേവനമനുഷ്ഠിച്ചിട്ടുണ്ട്. അദ്ദേഹത്തിന് ഓസ്‌ട്രേലിയ, യുണൈറ്റഡ് കിംഗ്ഡം, ഇന്ത്യ എന്നിവിടങ്ങളിൽ നിന്ന് അഞ്ച് ഓണററി ഡോക്ടറേറ്റുകളുണ്ട്.[10]
അവാർഡുകളും ബഹുമതികളും
[തിരുത്തുക]- 2012: പത്മശ്രീ
- 2017: ലോസ് ഏഞ്ചൽസിലെ അമേരിക്കൻ സൊസൈറ്റി ഓഫ് കാറ്ററാക്റ്റ് ആൻഡ് റിഫ്രാക്റ്റീവ് സർജറിയുടെ (ASCRS) യോഗത്തിൽ ഒഫ്താൽമോളജി ഹാൾ ഓഫ് ഫെയിമിൽ ഉൾപ്പെടുത്തി.[8]
- വിഷൻ എക്സലൻസ് അവാർഡ്- ഇന്റർനാഷണൽ ഏജൻസി ഫോർ ദി പ്രിവെൻഷൻ ഓഫ് ബ്ലൈൻഡ്നസ് (IAPB)[10]
- കോർണിയ രംഗത്തെ സമഗ്ര സംഭാവനകൾക്ക് ഇന്റർനാഷണൽ കോർണിയ സൊസൈറ്റിയിൽ നിന്നുള്ള വേൾഡ് കോർണിയ കോൺഗ്രസ് മെഡൽ
- ബ്രിട്ടീഷ് ജേണൽ ഓഫ് ഒഫ്താൽമോളജിയുടെ നൂറാം വർഷ ലക്കത്തിനായി ക്ഷണിക്കപ്പെട്ട എഡിറ്റോറിയൽ
- അഖിലേന്ത്യാ ഒഫ്താൽമോളജിക്കൽ സൊസൈറ്റി ‘ഗുല്ലപ്പള്ളി എൻ റാവു - എ.ഐ.ഒ.എസ്. എൻ‌ഡോവ്‌മെന്റ് പ്രഭാഷണം’ സംഘടിപ്പിച്ച് അദ്ദേഹത്തെ ആദരിക്കുകയുണ്ടായി
- 1983: അമേരിക്കൻ അക്കാദമി ഓഫ് ഒഫ്താൽമോളജിയുടെ ഫെലോഷിപ്പ് [11]
- 1996: നാഷണൽ അക്കാദമി ഓഫ് മെഡിക്കൽ സയൻസസ്, ഇന്ത്യ ഫെലോഷിപ്പ്
- 2006: ഇന്റർനാഷണൽ ബ്ലൈൻഡ്നെസ് പ്രിവൻഷൻ അവാർഡ്, അമേരിക്കൻ അക്കാദമി ഓഫ് ഒഫ്താൽമോളജിയുടെ ബോർഡ് ഓഫ് ട്രസ്റ്റീസ്
അവലംബം
[തിരുത്തുക]- ↑ "AOI". AOI. Archived from the original on 2016-08-14. Retrieved 13 January 2015.
- ↑ 2.0 2.1 "University of Melbourne" (PDF). University of Melbourne. Archived from the original (PDF) on 5 April 2015. Retrieved 13 January 2015.
- ↑ "Padma Awards" (PDF). Padma Awards. Archived from the original (PDF) on 2017-10-19. Retrieved 11 November 2014.
- ↑ "Gullapalli Nageswara Rao - Eyeing the Fame". Sulabh Swachh Bharat. January 2017. Archived from the original on 14 May 2017.
- ↑ "Gullapalli Nageswara Rao". prabook.com (in ഇംഗ്ലീഷ്).
- ↑ "Dr Gullapalli Rao - The Power Of Vision". Forbes India (in ഇംഗ്ലീഷ്).
- ↑ "Dr Gullapalli Rao - The Power Of Vision". Forbes India (in ഇംഗ്ലീഷ്).
- ↑ 8.0 8.1 "Hyderabad Doc Who Returned From US to Help the Blind Wins $3 Million Global Prize". The Better India. 9 December 2020.
- ↑ "Kammavelugu". Kammavelugu. 30 December 2013. Archived from the original on 2018-05-11. Retrieved 13 January 2015.
- ↑ 10.0 10.1 "Vision Excellence Awards: Gullapalli Nageswara Rao". The International Agency for the Prevention of Blindness.
- ↑ "PROPOSAL FOR AWARD OF HONORARY DEGREE OF DOCTOR OF MEDICINE DR GULLAPALLI NAGESWARA (NAG) RAO" (PDF). University of Melbourne.
പുറം കണ്ണികൾ
[തിരുത്തുക]- "Margadarshi Archival - Gullapalli Nageswara Rao". YouTube video. ETV News. 12 April 2013. Retrieved 13 January 2015.
- "Gullapalli Nagaraja Rao". Sulabh Swachh Bharat. Archived from the original on 14 May 2017. Picture of Gullapalli Nageswara Rao
- ഗുല്ലപ്പള്ളി നാഗേശ്വര റാവു's publications indexed by Google Scholar
