ഗൂഗിൾ സെർച്ച് കൺസോൾ
വിഭാഗം | വെബ്മാസ്റ്റർ ടൂളുകൾ |
|---|---|
| ഉടമസ്ഥൻ(ർ) | ഗൂഗിൾ |
| യുആർഎൽ | google |
| വാണിജ്യപരം | അല്ല |
വെബ്മാസ്റ്റർമാർക്കു വേണ്ടി ഗൂഗിൾ പുറത്തിറക്കിയ സൗജന്യമായിട്ടുള്ള വെബ് സർവീസാണ് ഗൂഗിൾ സെർച്ച് കൺസോൾ. മുൻപ് ഗൂഗിൾ വെബ്മാസ്റ്റർ ടൂൾസ് എന്ന പേരിലായിരുന്നു അറിയപ്പെട്ടിരുന്നത്. ഇൻഡക്സിങ്ങിലുള്ള സ്ഥാനങ്ങളെ വിലയിരുത്താനും സെർച്ച് എഞ്ചിൻ ഓപ്റ്റിമൈസേഷൻ പ്രക്രിയ നടത്തുന്നതിനും വേണ്ടിയാണ് ഈ വെബ് സർവീസ് ഉപയോഗിക്കുന്നത്.
2015 മേയ് 20 - ന് ഗൂഗിൾ, ഗൂഗിൾ വെബ്മാസ്റ്റർ ടൂൾസ് എന്ന പേര് ഗൂഗിൾ സെർച്ച് കൺസോൾ എന്നാക്കി പുനർ നാമകരണം ചെയ്തു. [1] 2018 ജനുവരിയിൽ പുതുക്കിയ യൂസർ ഇന്റർഫേസും മറ്റ് മാറ്റങ്ങളും വരുത്തിക്കൊണ്ട് സെർച്ച് കൺസോളിന്റെ പുതിയ പതിപ്പ് ഗൂഗിൾ പുറത്തിറക്കുകയുണ്ടായി. [2]
സവിശേഷതകൾ
[തിരുത്തുക]- പുതിയ സൈറ്റ്മാപ്പിനെ സബ്മിറ്റ് ചെയ്യാനും വിലയിരുത്താനും ഒപ്പം സൈറ്റ്മാപ്പിലെ പിഴവുകൾ പരിശോധിക്കാനും വെബ്മാസ്റ്റർമാർക്ക് സാധിക്കും.
- ക്രോൾ റേറ്റ് പരിശോധിക്കാനും നിശ്ചയിക്കാനും, കൂടാതെ ഗൂഗിൾ നിശ്ചിത വെബ്സൈറ്റിൽ പ്രവേശിക്കുമ്പോഴുള്ള സ്ഥിതിവിവരക്കണക്കുകൾ വിലയിരുത്താനും സാധിക്കും.
- പുതിയതായി robots.txt എന്ന പേരിലുള്ള ഫയൽ സൃഷ്ടിച്ച് വിലയിരുത്തിക്കൊണ്ട് ആ ഫയലിൽ യാദൃച്ഛികമായി ബ്ലോക്ക് ചെയ്യപ്പെട്ടിട്ടുള്ള പേജുകളെ തിരിച്ചറിയാൻ കഴിയും.
- വെബ്സൈറ്റിലേക്ക് ലിങ്ക് ചെയ്യപ്പെട്ടിരിക്കുന്ന ഇന്റേണൽ - എക്സ്റ്റേണൽ പേജുകളെ പട്ടികപ്പെടുത്താൻ കഴിയും.
- ഗൂഗിൾ ബോട്ട് യു.ആർ.എല്ലിലേക്ക് പ്രവേശിക്കുമ്പോൾ സ്വീകരിക്കുന്ന പിഴവുകളെയും ഗൂഗിൾബോട്ടിന്റെ പ്രയാസകരമായ പ്രവർത്തനങ്ങളെയും പട്ടികപ്പെടുത്താൻ കഴിയും.
- ഗൂഗിളിൽ സെർച്ച് ചെയ്യപ്പെടുന്നവയിലെ റാങ്കിങ്ങും അവയുടെ പട്ടികകളും കാണാനും കഴിയും. [3]
- SERpയിൽ പ്രദർശിപ്പിക്കപ്പെടുന്ന യു.ആർ.എല്ലിനെ തീരുമാനിക്കുന്ന അനുയോജ്യമായ ഡൊമൈനിനെ നിശ്ചയിക്കാൻ സാധിക്കും. (ഉദാ. www.example.com ന് പകരം example.com നിശ്ചയിക്കാൻ)
- വിവിധ വിവരങ്ങളുടെ ഗൂഗിൾ സെർച്ച് എലമെന്റുകൾക്ക് പ്രധാന്യം കൊടുത്തുകൊണ്ട് (2012 ഡിസംബറിൽ ഗൂഗിൾ ഡാറ്റാ ഹൈലൈറ്റർ എന്ന പേരിൽ പുറത്തിറക്കി).[4]
- സെർച്ച് റിസൾട്ടുകളുടെ ക്രമത്തിൽ താഴേക്ക് ക്രമീകരിക്കാൻ കഴിയും.
- മാനുവലായുള്ള പെനൽറ്റികൾക്ക് ഗൂഗിളിൽ നിന്നും അറിയിപ്പു സന്ദേശങ്ങൾ ലഭിക്കും. [5][6]
- API യ്ക്ക് ആക്സസ് ചെയ്യാനുള്ള സ്വാതന്ത്ര്യം നൽകാം. കൂടാതെ ക്രോളിലെ പിഴവുകൾ പട്ടികപ്പെടുത്താനും പരിഹരിക്കാനും കഴിയും. [7]
- മൊബൈൽ ഇന്റർഫേസുകളിലെ മികച്ച ഉപയോഗത്തിനായി റിച്ച കാർഡ് എന്ന പുതിയ സംവിധാനം ഉപയോഗിക്കാം. [8]
- വെബ്സൈറ്റുമായി ബന്ധപ്പെട്ട് ഏതെങ്കിലും വിധത്തിലുള്ള സുരക്ഷാ പിശകുകൾ ഉണ്ടോയെന്ന് പരിശോധിക്കാം. (ഹാക്കർമാരുടെയോ മാൽവെയറുകളുടെയോ ആക്രമണം)
- വെബ് പ്രോപ്പർട്ടിയുടെ ഉടമസ്ഥരെ ചേർക്കാനോ ഒഴിവാക്കാനോ സാധിക്കും.
ഇത്തരത്തിലുള്ള പ്രവർത്തനങ്ങൾ വെബമാസ്റ്റർമാർക്ക് ഗൂഗിൾ സെർച്ച് കൺസോൾ ഉപയോഗിച്ച് ചെയ്യാൻ കഴിയും.
സെർച്ച് അനലിറ്റിക്സ് റിപ്പോർട്ടിന്റെ സവിശേഷതകൾ
[തിരുത്തുക]- സൂക്ഷ്മമായ വിവരങ്ങൾ
- സെർച്ച് ക്വെറീസ് റിപ്പോർട്ടിനെ അപേക്ഷിച്ച് കൂടുതൽ സൂക്ഷ്മമായ വിവരങ്ങൾ സെർച്ച് അനലിറ്റിക്സ് റിപ്പോർട്ടുകൾ നൽകുന്നു.
- ഏറ്റവും പുതിയ വിവരങ്ങൾ പോലും ഉടനടി തന്നെ റിപ്പോർട്ടിലേക്ക് ചേർക്കപ്പെടുന്നു.
- പ്രത്യേക പേജ് കൗണ്ട്
- ഒരേ പേജിലേക്കുള്ള എല്ലാ ലിങ്കുകളെയും ഒറ്റ ഇംപ്രഷനായാണ് സെർച്ച് അനലിറ്റിക്സ് റിപ്പോർട്ട് കണക്കാക്കുന്നത്.
- ഉപകരണത്തിന്റെയും സെർച്ചിന്റെയും അടിസ്ഥാനത്തിൽ പ്രത്യേകമായി ട്രാക്ക് ചെയ്ത് റിപ്പോർട്ടുകൾ തയ്യാറാക്കാൻ സാധിക്കുന്നു.
- കൂടുതൽ സൂക്ഷ്മമായ ഇമേജ് ക്ലിക്ക് കൗണ്ട്
- സെർച്ച് റിസൾട്ടിൽ വരുന്നവയിൽ വലിപ്പത്തിലാക്കപ്പെട്ട ചിത്രങ്ങളിൽ ചെയ്യുന്ന ക്ലിക്കുകളെ മാത്രമേ സെർച്ച് അനലിറ്റിക്സ് റിപ്പോർട്ടുകൾ എണ്ണുകയുള്ളൂ. (സെർച്ച് ക്വെറീസ് റിപ്പോർട്ടുകൾ വലിപ്പത്തിലാക്കിയതും ചെറുതുമായ എല്ലാ ചിത്രങ്ങളിലും ചെയ്യുന്ന ക്ലിക്കുകളെ എണ്ണിയിരുന്നു.)
- മുഴുവൻ ഡൊമൈനിന്റെയും വിവരങ്ങളുടെ ഏകീകരണം
- വെബ്സൈറ്റിൽ പ്രവേശിച്ചതിനുശേഷം നടത്തുന്ന എല്ലാ ക്ലിക്കുകളെയും, ഇംപ്രഷനുകളെയും, മറ്റ് വിവരങ്ങളെയും ക്രോഡീകരിച്ച് സമ്പൂർണ്ണമായി ഒന്നാക്കി നൽകുന്നു.
- സബ്ഡൊമൈനുകളെ പ്രത്യേക വിഭാഗങ്ങളായാണ് കണക്കാക്കിയിരിക്കുന്നത്. അതുകൊണ്ടുതന്നെ ഓരോ സബ്ഡൊമൈനിനെയും പ്രത്യേകം പ്രത്യേകം ചേർക്കേണ്ടതുണ്ട്.
വിമർശനങ്ങളും വിവാദങ്ങളും
[തിരുത്തുക]ഗൂഗിളിന്റെ മറ്റൊരു സംവിധാനമായ സെർച്ച് ക്വെറിയിലുള്ള link:example.com ഉപയോഗിച്ചുകൊണ്ട് കണ്ടെത്താവുന്ന ഇൻബൗണ്ടു ലിങ്കുകളെ അപേക്ഷിച്ച് വളരെക്കൂടുതലായിരുന്നു ഗൂഗിൾ വെബ്മാസ്റ്റർ ടൂൾസ് ഉപയോഗിച്ചാൽ കിട്ടുന്ന ഇൻബൗണ്ട് ലിങ്കുകളുടെ പട്ടിക. എന്നാൽ ഇതിനെക്കുറിച്ച് ഗൂഗിൾ പ്രതികരണങ്ങളൊന്നും നടത്തിയിരുന്നില്ല. ഇതു കൂടാതെ മാനുവൽ പെനൽറ്റി ഒരു പ്രാവശ്യം ഒഴിവാക്കിക്കഴിയുമ്പോൾ മറ്റൊരു 1 – 3 ദിവസങ്ങൾക്കാണ് ഗൂഗിൾ വെബ്മാസ്റ്റർ ടൂൾസിൽ പെനൽറ്റി പ്രത്യക്ഷപ്പെടുക. [9] ഗൂഗിൾ സെർച്ച് കൺസോൾ എന്ന പേരിൽ നാമകരണം ചെയ്തതിനുശേഷം ഗൂഗിൾ അനലിറ്റിക്സുമായി ബന്ധമുള്ള റാങ്കിങ് ഡാറ്റ, പ്രാദേശിക സെർച്ച് മാർക്കറ്റ് എന്നിവയിലായിരിക്കില്ല ഗൂഗിൾ സെർച്ച് കൺസോളിന്റെ സുപ്രധാന പ്രവർത്തനം എന്ന് അഭ്യുഹങ്ങളുണ്ടായിരുന്നു.
ഇതും കാണുക
[തിരുത്തുക]അവലംബം
[തിരുത്തുക]- ↑ "Announcing Google Search Console - the new Webmaster Tools". Retrieved 2015-05-21.
- ↑ "Inside Google's new Search Console: What's new, what's the same, and what's still to come? | Search Engine Watch". searchenginewatch.com (in അമേരിക്കൻ ഇംഗ്ലീഷ്). Retrieved 2018-02-01.
- ↑ "The 7 most important metrics in Google Search Console". 11 May 2016. Retrieved 10 December 2016.
- ↑ Boudreaux, Ryan (2013-06-18). "How to use Google Data Highlighter, part 1". TechRepublic. Retrieved 2015-09-04.
- ↑ DeMers, Jayson. "3 Steps to Take When You Suspect an Algorithmic Penalty From Google". searchenginejournal.com. Retrieved 7 March 2014.
- ↑ Cutts, Matt. "View manual webspam actions in Webmaster Tools". Google. Retrieved 7 March 2014.
- ↑ "Webmaster Tools API | Google Developers". Google Developers. Retrieved 2015-06-02.
- ↑ "Introducing rich cards" (in അമേരിക്കൻ ഇംഗ്ലീഷ്). Retrieved 2016-07-14.
- ↑ Jansen, Derek. "Manual Spam Action Revoked – But It's Still Listed in Webmaster Tools". PP. Archived from the original on 2015-04-02. Retrieved 31 March 2015.
Google typically takes 24-72 hours to remove the message within the "Manual Actions" section of Google Webmaster Tools.
പുറം കണ്ണികൾ
[തിരുത്തുക]- Google Search Console
- Google Search Console (Beta version)
- "Official Google Webmaster Central Blog". Webmaster Central Blog. Google. 2010-02-16. Retrieved 2010-02-16.
- "Official Google Webmaster Central Help Forum". Webmaster Central Help Forum. Google. 2010-02-16. Retrieved 2010-02-16.
- An Ultimate Guide on Google Search Console Archived 2020-08-09 at the Wayback Machine.
