ചിത്രകാർ (ബംഗാളി ചലച്ചിത്രം)

ഇംഗ്ലീഷ് വിലാസം

https://ml.wikipedia.org/wiki/Chithrakar

ചിത്രകാർ
ചിത്രകാർ - പോസ്റ്റർ
സംവിധാനം	സൈബൾ മിത്ര
നിർമ്മാണം	പ്രണാബ് കാന്തി പുർകായസ്ഥ
രചന	സൈബൾ മിത്ര
കഥ	സൈബൾ മിത്ര
സംഗീതം	തേജേന്ദ്ര നാരായൺ മജൂംദാർ
ഛായാഗ്രഹണം	അശോക് ദാസ് ഗുപ്ത / സമിത് ഗുപ്ത
ചിത്രസംയോജനം	സുമിത് ഘോഷ്
സ്റ്റുഡിയോ	എസ്.പി.എന്റർടെയ്ൻമെന്റ്,
രാജ്യം	ഇന്ത്യ
ഭാഷ	ബംഗാളി

സൈബൾ മിത്ര സംവിധാനം ചെയ്ത ബംഗാളി ചലച്ചിത്രമാണ് ചിത്രകാർ(The Last Mural). ഇരുപത്തിയൊന്നാമത് കേരള രാജ്യാന്തര ചലച്ചിത്രമേളയിലെ മത്സര വിഭാഗത്തിലേക്കു തെരഞ്ഞെടുക്കപ്പെട്ടു.

പ്രമേയം

ലോകത്തിന്റെ രണ്ടു വ്യത്യസ്ത ഇടങ്ങളിലിരുന്ന് രചന നടത്തിയ ബംഗാളിലെ ബിനോദ് ബിഹാരി മുഖർജി, ന്യൂയോർക്കിലെ മാർക്ക് റോത്ത്കോ എന്നീ രണ്ടു മഹാന്മാരായ ചിത്രകാരന്മാർക്കുളള ശ്രദ്ധാഞ്ജലിയാണ് ഈ ചിത്രം. ഒരുപാട് സമാനതകളുണ്ടായിരുന്ന ഈ രണ്ടു കലാകാരന്മാരുടെയും സൃഷ്ടികളും ചിന്തയുമാണ് ഈ ചിത്രത്തിന് പ്രചോദനമായത്. ചിത്രകാരനായ ബിനോദ് ബിഹാരി മുഖർജിയുടെ ജീവിതത്തെ ആസ്പദമാക്കി സത്യജിത് റായ് സംവിധാനം ചെയ്ത ഇന്നർ ഐ എന്ന ഡോക്യുമെന്ററി, മുഖർജിയുടെ പെയിന്റിംഗുകൾ, രചനകൾ, അന്ധതയെ തോൽപ്പിച്ച് അദ്ദേഹം നടത്തിയ ചിത്ര പരിശ്രമങ്ങൾ, ആദ്ദേഹം ശാന്തിനികേതനിലെ കലാഭവനിൽ വരഞ്ഞ അവസാന ചുമർചിത്രം, തന്റെ സീഗ്രാം ചുവർ ചിത്രങ്ങൾ വിൽക്കാൻ വിസമമ്മതിച്ച മാർക്ക് റോത്ത്കോ എന്നിവയിൽ നിന്നാണ് ഈ ചലച്ചിത്രത്തിന്റെ പിറവി. ആർക്കു വേണ്ടിയാണ് ചിത്രകാരൻ വരയ്ക്കുന്നത് ? പണം നൽകുന്നവർക്കു വേണ്ടിയാണോ ? ചിത്രങ്ങളും ചുവർ ചിത്രങ്ങളും വെറും ഉപഭോഗ വസ്തുക്കൾ മാത്രമോ ?എന്നീ ചോദ്യങ്ങൾ ഈ ചിത്രം മുന്നോട്ടു വയ്ക്കുന്നു. ഒരു കലാകാരന്റെ കണ്ണിലൂടെ കലാ ഉദ്യമവും വാണിജ്യ യാഥാർത്ഥ്യവും തമ്മിലുള്ള സംഘട്ടനമാണ് ഈ ചിത്രം ചർച്ച ചെയ്യുന്നത്.

അഭിനേതാക്കൾ

ധൃതിമാൻ ചാറ്റർജി, അർപ്പിത ചാറ്റർജി, അരുൺ മുഖർജി, മൃണാൾ ദെ, ശുഭ്രജിത്ത് ദത്ത, പ്രദീപ്കുമാർ ദത്ത എന്നിവരാണ് പ്രധാന അഭിനേതാക്കൾ.

ചലച്ചിത്ര മേളകളിൽ

• ഇരുപത്തിയൊന്നാമത് കേരള രാജ്യാന്തര ചലച്ചിത്രമേളയിലെ മത്സര വിഭാഗത്തിലേക്കു തെരഞ്ഞെടുക്കപ്പെട്ടു. (2016)