ചെങ്ങഴിനീർക്കിഴങ്ങ്

ഇംഗ്ലീഷ് വിലാസം

https://ml.wikipedia.org/wiki/Kaempferia_rotunda

ചെങ്ങഴിനീർക്കിഴങ്ങ്
ചെങ്ങഴിനീർക്കിഴങ്ങിന്റെ പൂവ്
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Monocots
(unranked):	Commelinids
Order:	Zingiberales
Family:	Zingiberaceae
Genus:	Kaempferia
Species:	K. rotunda
Binomial name
Kaempferia rotunda L.
Synonyms
Kaempferia longa Jacq. Kaempferia versicolor Salisb. Zerumbet zeylanica Garsault [Invalid]

ഇഞ്ചി വർഗ്ഗത്തിൽ പെടുന്ന ഒരു ഔഷധസസ്യമാണ് ചെങ്ങഴിനീർക്കിഴങ്ങ് (ശാസ്ത്രീയനാമം: Kaempferia rotunda). സംസ്കൃതത്തിൽ ഭൂമി ചാമ്പ പേരുള്ള ഈ ചെടിയുടെ പൂവ്, ഇലകൾ ഉണ്ടാവുന്നതിനും മുൻപേ മണ്ണിൽനിന്നും പുറത്തുവരുന്നു. ചെങ്ങഴിനീർക്കൂവ, മലങ്കൂവ, ചെങ്ങഴി എന്നും അറിയപ്പെടുന്നു.

ഉപയോഗം

വലിയ ഔഷധമൂല്യമുള്ള കിഴങ്ങാണ് ആന്റി ഓക്സിഡന്റ് ആയി ഉപയോഗിക്കാനാവുന്ന ഈ ചെടി. ട്യൂമർ, മുറിവുകൾ എന്നിവയ്ക്കുളള മരുന്നായി ഇവ ഉപയോഗിച്ച് വരുന്നു. രക്തശുദ്ധീകരണത്തിനും ചെങ്ങഴിനീർക്കിഴങ്ങ് നല്ലതാണ്. നെഞ്ചെരിച്ചിൽ, ഉദരരോഗങ്ങൾ, ഉറക്കമില്ലായ്മ എന്നിവയ്ക്കും മരുന്നായി ഉപയോഗിക്കുന്നുണ്ട്.

വംശ വർദ്ധന

കിഴങ്ങുകൾ വഴിയാണ് ഇതിന്റെ വംശ വർദ്ധന നടക്കുന്നത്.

കൃഷിക്കാലം

മെയ്-ജൂൺ മാസങ്ങളിലാണ് ഇത് കൃഷിചെയ്യാൻ അനുയോജ്യമായ കാലം. മേയ്, ജൂൺ മാസങ്ങളിൽ നാല് മുതൽ അഞ്ച് മഴ ലഭിച്ചതിന് ശേഷം കിഴങ്ങുകൽ നടാവുന്നതാണ്. കിഴങ്ങ് നടുന്നതിനുമുമ്പ് നിലം നന്നായി ഉഴുതതിന് ശേഷം ഹെക്ടറിന് 10 മുതൽ 15 ടൺ ജൈവവളം നൽകാം. ഒരു മീറ്റർ വീതിയിൽ വാരങ്ങൾ ഉണ്ടാക്കിയ ശേഷം ഇവയിൽ 15 ഗ്രാം തൂക്കമുള്ള കിഴങ്ങുകൾ നടാവുന്നതാണ്. ഒരു ഹെക്ടർ സ്ഥലത്ത് കിഴങ്ങുകൾ നടുവാൻ ഏകദേശം 2500 മുതൽ 3000 വരെ കിഴങ്ങുകൾ വേണ്ടിവരും. കിഴങ്ങ് രണ്ടു മൂന്ന് ദിവസം പുകകൊള്ളിക്കുന്നത് നന്നായിരിക്കും. നല്ല മുളകൾ വരുന്നതിന് ഇത് സഹായിക്കും.

വിളവെടുപ്പ്

ഏഴ് മുതൽ എട്ട് മാസം പ്രായമാകുമ്പോൾ വിളവെടുക്കാം. ഇലകൾ ഉണങ്ങി തുടങ്ങുന്നതാണ് കിഴങ്ങുകൾ മൂത്തതിന്റെ ലക്ഷണം.

പുറത്തുനിന്നുള്ള കണ്ണികൾ

• കൂടുതൽ വിവരവും കാണുന്ന ഇടങ്ങളും
• കൃഷി
• Media related to Kaempferia rotunda at Wikimedia Commons
• Kaempferia rotunda എന്ന ജീവവർഗ്ഗവുമായി ബന്ധപ്പെട്ട വിവരങ്ങൾ വിക്കിസ്പീഷിസിൽ കാണുക.