ജോർജ് ബർട്ടൻ ആഡംസ്

ഇംഗ്ലീഷ് വിലാസം

https://ml.wikipedia.org/wiki/George_Burton_Adams

ജോർജ് ബർട്ടൻ ആഡംസ് യു.എസ്. ചരിത്രകാരനും വിദ്യാഭ്യാസവിചക്ഷണനുമായിരുന്നു. വെർമോണ്ടിലെ ഫെയർഫീൽഡിൽ 1851 ജൂൺ 3-നു ജോർജ് ബർട്ടൻ ആഡംസ് ജനിച്ചു. ബെലോയിറ്റ് കോളജിൽ നിന്ന് 1873-ൽ ബി.എ. ബിരുദവും ലൈപ്സിഗ് യൂണിവേഴ്സിറ്റിയിൽ നിന്ന് 1886-ൽ പിഎച്ച്.ഡി. ബിരുദവും നേടി. 1888 മുതൽ യേൽ യൂണിവേഴ്സിറ്റിയിലെ ചരിത്രവിഭാഗം പ്രൊഫസറായി സേവനം അനുഷ്ഠിച്ച ആഡംസ് ആണ് യു.എസ്സിൽ മധ്യകാല ചരിത്രത്തിനു പ്രചാരം നൽകിയ അധ്യാപകൻ. 1894-ൽ ഇദ്ദേഹത്തിന്റെ ആദ്യ കൃതിയായ സിവിലൈസേഷൻ ഡ്യൂറിംഗ് ദ് മിഡിൽ ഏജസ് പ്രസിദ്ധീകൃതമായി. ഇംഗ്ലീഷ് ഭരണഘടനാചരിത്രപണ്ഡിതനെന്ന നിലയ്ക്കാണ് ആഡംസിന്റെ പ്രശസ്തി.

• ദി ഒർജിൻ ഒഫ് ദി ഇംഗ്ലീഷ് കോൺസ്റ്റിറ്റ്യൂഷൻ (1920)
• കോൺസ്റ്റിറ്റ്യൂഷണൽ ഹിസ്റ്ററി ഓഫ് ഇംഗ്ലണ്ട് (1921)

തുടങ്ങിയവ ആഡംസ് എഴുതിയ പ്രാമാണിക കൃതികളാണ്. അമേരിക്കൻ ഹിസ്റ്റോറിക്കൽ റിവ്യൂ എന്ന മാസികയുടെ സ്ഥാപകനും ആദ്യത്തെ എഡിറ്ററും ഇദ്ദേഹമായിരുന്നു. 1925 മേയ് 26-ന് ന്യൂഹാവനിൽ ആഡംസ് അന്തരിച്ചു.

പുറത്തേക്കുള്ള കണ്ണികൾ

• http://www.quotesinternet.com/author/adams-george-burton/ Archived 2016-03-04 at the Wayback Machine.
• http://www.historians.org/info/aha_history/gbadams.htm

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ആഡംസ്, ജോർജ് ബർട്ടൻ (1851 - 1925) എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.