Jump to content

ടി.പി. സെൻകുമാർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ടി.പി. സെൻകുമാർ

ഐ.പി.എസ്.
ജനനം (1957-06-10) 10 ജൂൺ 1957  (67 വയസ്സ്)
തൃശ്ശൂർ, കേരളം
കലാലയം
Police career
നിലവിലെ സ്ഥിതിറിട്ടയേർഡ് ഡി ജി പി.
വകുപ്പ്പോലീസ് വകുപ്പ്, കേരളം
കൂറ്Indian Police Service
രാജ്യംഇന്ത്യ
സർവീസിലിരുന്നത്1983-2017
റാങ്ക്DGP/State Police Chief

അഭിഭാഷകനും ഇന്ത്യൻ പോലീസ് സർവീസിലെ വിരമിച്ച പോലീസ് ഉദ്യോഗസ്ഥനുമാണ് ടി പി സെൻകുമാർ (ജനനം: 10 ജൂൺ 1957). [1] കേരള സംസ്ഥാന പോലീസ് മേധാവിയായി സേവനമനുഷ്ഠിച്ചു.

2015 മെയ് 31 ന് വിരമിച്ച കെ.എസ്. ബാലസുബ്രഹ്മണ്യം ഐ.പി.എസിന് പകരമായി 2015 മെയ് 31 ന് അദ്ദേഹത്തെ ഉമ്മൻ ചാണ്ടിയുടെ നേതൃത്വത്തിലുള്ള യുഡിഎഫ് സർക്കാർ സംസ്ഥാന പോലീസ് മേധാവിയായി നിയമിച്ചു. [2] അതിർത്തി സുരക്ഷാ സേനയുടെ ഡിജിപിയായി സേവനമനുഷ്ഠിച്ചിരുന്ന മഹേഷ് കുമാർ സിംഗ്ല തന്നെ സംസ്ഥാന പോലീസ് മേധാവിയായി നിയമിക്കണമെന്ന ആവശ്യം, അന്നത്തെ മന്ത്രിസഭ നിരസിച്ചു. സെൻകുമാറിന് നിയമനം നടത്തുമ്പോൾ റിട്ടയർമെന്റിന് 2 വർഷത്തിൽ കൂടുതൽ ശേഷിക്കുന്നു എന്ന കാര്യം പരിഗണിക്കപ്പെട്ടു. [3] പിന്നീട് 2016 മെയ് 31 ന് അന്നത്തെ പുതുതായി തിരഞ്ഞെടുക്കപ്പെട്ട എൽഡിഎഫ് സർക്കാർ അദ്ദേഹത്തിന് പകരമായി സംസ്ഥാന പോലീസ് മേധാവി സ്ഥാനത്തേക്ക് ലോകനാഥ് ബെഹറ നിയമിച്ചു. എന്നിട്ട് സെൻകുമാറിനെ പോലീസ് ഭവന നിർമ്മാണ കോർപ്പറേഷന്റെ തലവനായി മാറ്റി.

2017 ഏപ്രിൽ 24 ന് സെൻകുമാറിനെ സംസ്ഥാന പോലീസ് മേധാവിയായി വീണ്ടും നിയമിക്കാൻ സുപ്രീം കോടതി ഉത്തരവിട്ടു. 2017 മെയ് 5 ന് സെൻകുമാറിനെ വീണ്ടും സംസ്ഥാന പോലീസ് മേധാവിയായി നിയമിക്കേണ്ടി വന്നു. [4]

വിദ്യാഭ്യാസം

ഇരിഞ്ഞാലക്കുട ക്രൈസ്റ്റ് കോളേജിൽ നിന്നാണ് സെൻകുമാർ കോളേജ് വിദ്യാഭ്യാസം പൂർത്തിയാക്കിയത്. [5] സാമ്പത്തിക ശാസ്ത്രത്തിൽ ബിരുദാനന്തര ബിരുദം കൂടാതെ നിയമത്തിൽ ബിരുദം [6] എന്നിവ നേടി. പ്രശസ്ത സാമ്പത്തിക ശാസ്ത്രജ്ഞനും സംസ്ഥാന ധനകാര്യ കമ്മീഷൻ ചെയർമാനുമായ എം എ ഉമ്മന്റെ കീഴിൽ നടത്തിയ ഗവേഷണഫലമായി പൂർത്തിയാക്കിയ റോഡപകടങ്ങളെക്കുറിച്ച് ഉള്ള ഒരു പ്രബന്ധം കേരള സർവകലാശാലയിൽ സെൻകുമാർ സമർപ്പിച്ചു. [7]

സേവനം

ഇന്ത്യൻ പോലീസ് സർവീസിൽ ചേരുന്നതിന് മുമ്പ് സെൻകുമാർ ഇന്ത്യൻ എക്കണോമിക്സ് സർവീസിൽ ചേർന്നു. 1982 ൽ അദ്ദേഹം വീണ്ടും സിവിൽ സർവീസ് പരീക്ഷ എഴുതുകയും അതിൽ ജയിക്കുകയും 1983 ൽ കേരള കേഡറിലെ ജനറൽ കാറ്റഗറി പ്രകാരം ഇന്ത്യൻ പോലീസ് സർവീസിലേക്ക് തിരഞ്ഞെടുക്കപ്പെടുകയും ചെയ്തു. [8] എ.എസ്.പി, തലശ്ശേരി, കണ്ണൂർ എന്നീ നിലകളിൽ ഔദ്യോഗിക ജീവിതം ആരംഭിച്ചു. [9] 1996 ഓഗസ്റ്റ് വരെ ഒരു വർഷത്തോളം കൊച്ചി സിറ്റി പോലീസ് കമ്മീഷണറായി സേവനമനുഷ്ഠിച്ചു. [10] ഇതിനുമുമ്പ് 1991 മുതൽ 1995 വരെ ഗവർണറുടെ എഡിസി ആയി സേവനമനുഷ്ഠിച്ചു. 2004 ൽ അദ്ദേഹത്തെ ഐ.ജി, പോലീസ് വിജിലൻസ്, ആന്റി കറപ്ഷൻ ബ്യൂറോ ആയി നിയമിച്ചു. [11]

Shri T P Senkumar IPS, ADGP in London along with Shri. Ajithkumar Nair, Protocol Officer, High Commission of India, London, Shri. Vijayakumar IPS, DGP & DG of CRPF and Shri. Chandrashekharan IPS ADGP, Law and Order South zone Kerala State

2006 ൽ കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷന്റെ മാനേജിംഗ് ഡയറക്ടറായി നിയമിതനായി. പിന്നീട് 2010 ൽ ട്രാൻസ്പോർട്ട് കമ്മീഷണറായി നിയമിതനായി. [12] 2009 ൽ കെ‌എസ്‌ആർ‌ടി‌സി മേധാവിയായിരിക്കെ അദ്ദേഹത്തിന് കേരള ട്രാൻ‌സ്‌പോർട്ട് ഡെവലപ്മെന്റ് ഫിനാൻസ് കോർപ്പറേഷൻ എം‌ഡിയുടെ ചുമതലയും ലഭിച്ചു.

2012 മുതൽ 2013 വരെ ഇന്റലിജൻസ് എ.ഡി.ജി.പി എന്ന നിലയിൽ ജോലി ചെയ്യവേ അദ്ദേഹം അന്നത്തെ മുഖ്യമന്ത്രി ഉമ്മൻ ചാണ്ടിക്ക് സഹായം ആവശ്യമുള്ള ദരിദ്രരും നിരാലംബരുമായവരുടെ ദുരവസ്ഥ ഉയർത്തിക്കാട്ടി പത്ര ക്ലിപ്പിംഗുകൾ അയച്ചു, അത്തരം ആളുകളെ സഹായിക്കാൻ സ്ഥിരം ഫണ്ട് ആരംഭിക്കാൻ മുഖ്യമന്ത്രിയെ പ്രേരിപ്പിച്ചു. [13]

2014 ൽ ജയിലിലെ ഡിജിപിയായി നിയമിതനായി. എൽ‌ഐ‌എസ് സാമ്പത്തിക അഴിമതി, മാഞ്ചിയം, തേക്ക്, ആട് കുംഭകോണ കേസുകൾ, വിതുര, പന്തളം ലൈംഗികാതിക്രമ കേസുകൾ, ഫ്രഞ്ച് ചാര കേസ് തുടങ്ങിയ നിരവധി കേസുകൾ അദ്ദേഹം കേരളത്തിൽ അന്വേഷിച്ചിട്ടുണ്ട്. [14] [15]

ഡിജിപി സ്ഥാനത്ത് നിന്ന് പുറത്താക്കൽ

പിണറായി വിജയൻ സർക്കാർ അധികാരമേറ്റു മൂന്നാം നാളാണു പൊലീസ് മേധാവി സ്ഥാനത്തു നിന്നു സെൻകുമാറിനെ മാറ്റിയത്. [16]അദ്ദേഹം ആ പദവിയിൽ വന്നു കഷ്ടിച്ച് ഒരു വർഷം മാത്രം ആയപ്പോഴായിരുന്നു അപ്രതീക്ഷിത മാറ്റം. അന്ന് ആഭ്യന്തര അഡീഷനൽ ചീഫ് സെക്രട്ടറിയായിരുന്ന പിന്നീട് ചീഫ് സെക്രട്ടറി ആയി വിരമിച്ച നളിനി നെറ്റോയുടെ റിപ്പോർട്ടിന്റെ അടിസ്ഥാനത്തിലായിരുന്നു മാറ്റം. [17]ജിഷ വധക്കേസിലും പുറ്റിങ്ങൽ ദുരന്തത്തിലും പൊലീസിനു വീഴ്ച ഉണ്ടായെന്നും ഡിജിപിയുടെ കഴിവുകേടാണു കാരണമെന്നുമായിരുന്നു റിപ്പോർട്ടിന്റെ ഉള്ളടക്കം. മുഖ്യമന്ത്രി പിണറായി വിജയൻ അതു പരസ്യമായി പറയുക കൂടി ചെയ്തു. [18]

പുറത്താക്കലിനെതിരേ നിയമപോരാട്ടം, വിജയം

ആദ്യം അവധിയിൽ പ്രവേശിച്ച സെൻകുമാർ കേന്ദ്ര അഡ്മിനിസ്ട്രേറ്റീവ് ട്രൈബ്യൂണലിലും പിന്നീടു ഹൈക്കോടതിയിലും പരാതി നൽകി. ഓരോ ഘട്ടത്തിലും സർക്കാർ നൽകുന്ന സത്യവാങ്മൂലത്തിൽ സെൻകുമാറിനെ പ്രകോപിപ്പിക്കുന്ന പ്രകോപിപ്പിക്കുന്ന പരാമർശങ്ങളും ഉൾപ്പെട്ടു. രണ്ടിടത്തും സെൻകുമാറിന്റെ ഹർജി തള്ളി. ഐപിഎസുകാരെ മാറ്റുന്നതുമായി ബന്ധപ്പെട്ട പ്രകാശ് സിങ് കേസിലെ സുപ്രീം കോടതി നിർദേശങ്ങൾ തന്റെ കാര്യത്തിൽ സർക്കാർ പാലിച്ചില്ലെന്നായിരുന്നു കോടതിയിലെ പ്രധാന വാദം.[19] പൊലീസ് മേധാവി അടക്കം ഉദ്യോഗസ്ഥരെ നിയമിക്കുമ്പോൾ കുറഞ്ഞതു രണ്ടു വർഷ കാലാവധി ഉണ്ടായിരിക്കണം. നിയമനത്തിനും മാറ്റത്തിനും അനുമതി നൽകാൻ സംസ്ഥാന സുരക്ഷാ കമ്മിഷൻ രൂപീകരിക്കണം, ഔദ്യോഗിക അംഗങ്ങൾക്കു പുറമേ മൂന്ന് അനൗദ്യോഗിക അംഗങ്ങൾ അതിൽ ഉണ്ടാകണം തുടങ്ങിയവയായിരുന്നു കോടതിയുടെ പ്രധാന നിർദേശങ്ങൾ. [20]ഇതു മറികടക്കാൻ കേരള സർക്കാർ 2011ൽ പൊലീസ് നിയമത്തിൽ ഭേദഗതി വരുത്തി. സുരക്ഷാ കമ്മിഷൻ അതിൽ ഉൾപ്പെടുത്തിയെങ്കിലും നിയമനത്തിലോ, സ്ഥലംമാറ്റത്തിലോ കമ്മിഷന് അധികാരം നൽകിയിരുന്നില്ല. ഇതുവരെ അതിൽ അനൗദ്യോഗിക അംഗങ്ങളെ ഉൾപ്പെടുത്തിയുമില്ല. ഇതെല്ലാം സെൻകുമാറിന്റെ വാദത്തിനു ബലമേകി. 11 മാസത്തെ നിയമ പോരാട്ടത്തിനൊടുവിൽ സംസ്ഥാന പൊലീസ് മേധാവിയുടെ അതേ കസേരയിൽ സെൻകുമാറിനെ വീണ്ടും നിയമിക്കാൻ സുപ്രീം കോടതി ഉത്തരവിട്ടു[21]നളിനി നെറ്റോ ഫയലിൽ കൃത്രിമം കാണിച്ചെന്നു സെൻകുമാർ കോടതിയിൽ ചൂണ്ടിക്കാട്ടിയിരുന്നു.[22]

മെഡലുകളും അംഗീകാരവും

2009 ൽ വിശിഷ്ട സേവനത്തിനുള്ള രാഷ്ട്രപതിയുടെ മെഡൽ സെൻകുമാറിന് ലഭിച്ചു.

അവലംബം

  1. ↑ "T P Senkumar to be State Police Chief". Madhyamam.com. Madhyamam. Retrieved 22 July 2015.
  2. ↑ "TP Senkumar appointed new Kerala DGP". www.egov.eletsonline.com. eGov Magazine - Elets News Network. Retrieved 23 July 2015.
  3. ↑ "Senkumar likely to be State police chief". Newindianexpress.com. Indian Express. Archived from the original on 2016-03-04. Retrieved 22 July 2015.
  4. ↑ Senkumar
  5. ↑ "Alumni News". Christcollegeijk.edu.in. Christ College. Retrieved 22 July 2015.
  6. ↑ "IPS Civil list 2014". dtf.in. Disciplinary and Transparency Forum - India. Retrieved 22 July 2015.
  7. ↑ "DGP-designate to submit thesis on road accidents". Times of India. Retrieved 22 July 2015.
  8. ↑ "Senkumar selected on merit". Newindianexpress.com. Indian Express. Archived from the original on 2016-03-04. Retrieved 22 July 2015.
  9. ↑ "Senkumar, new DGP". Kerala8.com. Kerala9. Archived from the original on 2019-12-03. Retrieved 22 July 2015.
  10. ↑ "District Police Chief". www.kochicitypolice.org. Archived from the original on 2015-07-08. Retrieved 23 July 2015.
  11. ↑ "IPS Kerala Cadre, Gradation List" (PDF). Kerala.gov.in. Government of Kerala - General Administration Dept. IPS, Kerala Govt. Gradation List. Archived from the original (PDF) on 30 June 2014. Retrieved 22 July 2015.
  12. ↑ "T.P. Senkumar takes charge as State Police Chief". Manoramaonline.com. Malayala Manorama. Archived from the original on 22 July 2015. Retrieved 22 July 2015.
  13. ↑ "The top cop who aspired to be a scientist". Manorama Online. Malayala Manorama. Archived from the original on 2015-06-02. Retrieved 23 July 2015.{{cite web}}: CS1 maint: bot: original URL status unknown (link). Manorama Online. Malayala Manorama. Archived from the original on 2 June 2015. Retrieved 23 July 2015.
  14. ↑ "T P Senkumar new DGP". Kaumudi Global. Kerala Kaumudi. Archived from the original on 2016-03-05. Retrieved 22 July 2015.
  15. ↑ Senkumar
  16. ↑ https://www.manoramaonline.com/news/indepth/reinstatement-of-dgp-tp-senkumar/analysis/tp-senkumar-side-story-3.html
  17. ↑ https://www.manoramaonline.com/news/indepth/reinstatement-of-dgp-tp-senkumar/analysis/tp-senkumar-side-story-3.html
  18. ↑ https://www.manoramaonline.com/news/indepth/reinstatement-of-dgp-tp-senkumar/analysis/tp-senkumar-side-story-3.html
  19. ↑ https://www.manoramaonline.com/news/indepth/reinstatement-of-dgp-tp-senkumar/analysis/tp-senkumar-side-story-3.html
  20. ↑ https://www.manoramaonline.com/news/indepth/reinstatement-of-dgp-tp-senkumar/analysis/tp-senkumar-side-story-3.html
  21. ↑ https://www.manoramaonline.com/news/indepth/reinstatement-of-dgp-tp-senkumar/analysis/tp-senkumar-side-story-3.html
  22. ↑ https://www.manoramaonline.com/news/indepth/reinstatement-of-dgp-tp-senkumar/analysis/tp-senkumar-side-story-3.html
"https://ml.wikipedia.org/w/index.php?title=ടി.പി._സെൻകുമാർ&oldid=4119722" എന്ന താളിൽനിന്ന് ശേഖരിച്ചത്