ഡോൺ വിൻസെന്റ്

ഡോൺ വിൻസെൻറ്
ജനനം	(1990-09-20)20 സെപ്റ്റംബർ 1990 കൊച്ചി, കേരളം
തൊഴിൽ(കൾ)	സംഗീത സംവിധായകൻ, മിക്സിങ്ങ് എഞ്ചിനീയർ, സൌണ്ട് ഡിസൈനർ, സൌണ്ട് എഡിറ്റർ
ഉപകരണ(ങ്ങൾ)	പിയാനോ, കീബോഡ്, സിന്തസൈസർ, സീബോഡ്, ബാസ്സ് ഗിറ്റാർ

ഒരു ഇന്ത്യൻ മ്യൂസിക്ക് കമ്പോസറും സൌണ്ട് ഡിസൈനറുമാണ് ഡോൺ വിൻസെന്റ് പൂനെ ഫിലിം ഇൻസ്റ്റിറ്റ്യൂട്ടിൽ നിന്നും സൌണ്ട് എഞ്ചിനീയറിങ്ങിൽ ബിരുധം നേടിയിട്ടുണ്ട്. കൂടാതെ ലണ്ടണിലെ പ്രശസ്ത സംഗീത കോളേജ് ആയ ട്രിനിറ്റിയിൽ നിന്നും പിയാനിസ്റ്റിനുള്ള അംഗീകാരം നേടിയിട്ടുണ്ട്. കമ്മട്ടിപ്പാടം, അഡ്വെഞ്ചറസ് ഓഫ് ഓമനക്കുട്ടൻ, തരംഗം, ഈട, കിസ്മത്ത്, മണ്ട്രോ തുരുത്ത് എന്നീ ചിത്രങ്ങളാണ് പ്രവർത്തിച്ച പ്രധാന ചിത്രങ്ങൾ.

സംഗീതം

ഹ്രസ്വചിത്രങ്ങൾക്ക് സംഗീതം നൽകിക്കൊണ്ടാണ് ഡോൺ സംഗീത സംവിധാനത്തിലേക്ക് കടക്കുന്നത്. പൂനെയിലെ ബിരുധ പഠനത്തിന് ശേഷം പുരസ്കാര ജേതാവായ പ്രശസ്ത സൌണ്ട് എഞ്ചിനീയർ പ്രമോദ് തോമസിന്റെ സഹായിയായി പ്രവർത്തിച്ചു. 2016ൽ പുറത്തിറങ്ങിയ മണ്ട്രോ തുരുത്ത് എന്ന ചിത്രത്തിലൂടെയാണ് മുഖ്യധാര സിനിമയിൽ പ്രവർത്തനം ആരംഭിച്ചത്. അതിന് ശേഷം പ്രവർത്തിച്ചത് ദുൽക്കർ സൽമാനെ നായകനാക്കി രാജീവ് രവി സംവിധാനം ചെയ്ത കമ്മട്ടിപ്പാടം എന്ന ചിത്രത്തിലാണ്. ഈ ചിത്രം ഒരു പ്രധാന വഴിത്തിരിവായിരുന്നു. തിത്തി എന്ന കന്നട ചിത്രത്തിന്റെ സൌണ്ട് അഡ്വൈസർ കൂടിയായിരുന്നു ഡോൺ.

പ്രവർത്തിച്ച സിനിമകൾ

വർഷം	സിനിമ	ഭാഷ	ക്രെഡിറ്റ്	സംവിധാനം
2016	മണ്ട്രോ തുരുത്ത്	മലയാളം	പശ്ചാത്തലസംഗീതം	മനു
2016	കമ്മട്ടിപ്പാടം	മലയാളം	മ്യൂസിക്ക് അറേഞ്ചർ / മ്യൂസിക്ക് മിക്സിങ്ങ് എഞ്ചിനീയർ/ പശ്ചാത്തലസംഗീതം	രാജീവ് രവി
2016	കിസ്മത്ത്	മലയാളം	മ്യൂസിക്ക് മിക്സിങ്ങ് എഞ്ചിനീയർ/ പ്രീ മിക്സിങ്ങ് എഞ്ചിനീയർ	ഷാനവാസ് കെ ബാവക്കുട്ടി
2016	കാടു പൂ‍ക്കുന്ന നേരം	മലയാളം	മ്യൂസിക്ക് എഡിറ്റർ/ പ്രീ മിക്സിങ്ങ് എഞ്ചിനീയർ	ഡോ. ബിജു
2017	സമർപ്പണം	മലയാളം	പശ്ചാത്തലസംഗീതം	കെ. ഗോപിനാഥൻ
2017	അഡ്വെഞ്ചറസ് ഓഫ് ഓമനക്കുട്ടൻ	മലയാളം	മ്യൂസിക്ക് കമ്പോസർ/ സൌണ്ട് ഡിസൈനർ	രോഹിത്ത് വി എസ്
2017	തരംഗം	മലയാളം	സൌണ്ട് ഡിസൈനർ	ഡൊമിനിക്ക് അരുൺ
2017	സൌണ്ട് ഓഫ് സൈലൻസ്	മലയാളം	അസിസ്റ്റന്റ് മിക്സിങ്ങ് എഞ്ചിനീയർ	ഡോ. ബിജു
2018	ഈട	മലയാളം	പശ്ചാത്തലസംഗീതം	ബി. അജിത്കുമാർ
2018	ഇബിലീസ്	മലയാളം	മ്യൂസിക്ക് കമ്പോസർ/ ഡയറക്ടർ ഓഫ് ഓഡിയോഗ്രാഫി	രോഹിത്ത് വി എസ്

പുറത്തേക്കുള്ള കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് ഡോൺ വിൻസെന്റ്