തിരുക്കുടുംബം
Appearance
![](http://upload.wikimedia.org/wikipedia/commons/thumb/f/f5/HolyFamilybyGutierrez.jpg/250px-HolyFamilybyGutierrez.jpg)
ബാലനായ യേശുവും മാതാവ് മറിയവും വളർത്ത് പിതാവ് യൗസേപ്പും അടങ്ങുന്ന നസ്രത്തിലെ കുടുംബത്തെയാണ് റോമൻ കത്തോലിക്കാ സഭ തിരുക്കുടുംബം (Holy Family) എന്ന് അഭിസംബോധന ചെയ്യുന്നത്. ഈ ഭക്തിവിധിയുടെ ലക്ഷ്യമായ യേശുവിന്റെ കുടുംബത്തിന്റെ പേര് മലയാളത്തിൽ, ചെറിയ അക്ഷരഭേദത്തോടെ തിരുകുടുംബം എന്നും എഴുതാറുണ്ട്. വിശുദ്ധിയോടെ മാതൃകാപരമായി ജീവിച്ച കുടുംബമായതിനാലാണ് "തിരുക്കുടുംബം" എന്ന പേരുണ്ടായത്. ക്രിസ്തുമസ് കഴിഞ്ഞ് വരുന്ന ഞായറാഴ്ചയാണ് തിരുക്കുടുംബത്തിന്റെ തിരുനാൾ കത്തോലിക്കാ സഭയിൽ ആചരിക്കുന്നത്. ജനുവരി 1-നോ ഡിസംബർ 31-നോ ആണ് ഈ തിരുന്നാൾ ആചരിക്കാറ്. പതിനേഴാം നൂറ്റാണ്ടിൽ കാനഡയിലെ ഒരു മെത്രാൻ തിരുക്കുടുംബത്തിരുനാൾ ആചരിച്ചുപോന്നിരുന്നു. 1893-ൽ ലെയോ പതിമൂന്നാമൻ മാർപ്പാപ്പയാണ് തിരുനാൾ ഔദ്യോഗികമായി പ്രഖ്യാപിച്ചത്.
പുറത്തേക്കുള്ള കണ്ണികൾ[തിരുത്തുക]
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
Holy Family എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.