ത്രോംബോപോയസിസ്
രക്തകോശങ്ങളിൽ രക്തം കട്ടപിടിപ്പിക്കുന്നതിന് സഹായിക്കുന്ന കോശങ്ങളാണ് പ്ലേറ്റലറ്റുകൾ അഥവാ ത്രോംബോസൈറ്റുകൾ. ഇവയുടെ ഉത്പാദനമാണ് ത്രോംബോപോയസിസ് എന്നറിയപ്പെടുന്നത്. ചുവന്ന അസ്ഥിമജ്ജയിലാണ് പ്ലേറ്റലറ്റുകൾ ഉണ്ടാകുന്നത്. മെഗാകാരിയോസൈറ്റ് എന്ന വലിയ കോശത്തിൽ നിന്നും ആയിരക്കണക്കിന് പ്ലേറ്റലറ്റുകൾ രൂപപ്പെടുന്നു.
മെഗാകാരിയോസൈറ്റ്[തിരുത്തുക]
മെഗാകാരിയോസൈറ്റ് കോശങ്ങളിൽ മർമ്മമുണ്ടെങ്കിലും മർമ്മകമില്ല. 100 മൈക്രോമീറ്റർ വ്യാസമാണിവയ്ക്കുള്ളത്. കോശദ്രവ്യത്തിൽ നീലയും ചുവപ്പും കലർന്ന തരികളുണ്ട്. പ്ലേറ്റലറ്റുകൾ ഉണ്ടാകുന്ന ആദ്യ കോശമാണ് മെഗാകാരിയോബ്ലാസ്റ്റ്. ഇവ പിന്നീട് പ്രോമെഗാകാരിയോസൈറ്റ് ആയും മെഗാകാരിയോസൈറ്റ് ആയും മാറുന്നു. [1]
നിയന്ത്രണം[തിരുത്തുക]
കരളും വൃക്കയും ഉത്പാദിപ്പിക്കുന്ന കോളനി സ്റ്റിമുലേറ്റിംഗ് ഫാക്ടർ (Thrombopoetin) എന്ന മാംസ്യമാണ് മെഗാകാരിയോസൈറ്റുകളുടെ വളർച്ചയെത്തലിനെ സ്വാധീനിക്കുന്നത്. പ്ലേറ്റലറ്റുകളിൽ നിന്ന് പുറപ്പെടുവിക്കപ്പെടുന്ന ട്രാൻസ്പോർമിംഗ് ഗ്രോത്ത് ഫാക്ടർ ബീറ്റാ എന്ന രാസരൂപത്തിന് ത്രോബോപോയസിസിനെ തടയാനുള്ള കഴിവുമുണ്ട്.
അവലംബം[തിരുത്തുക]
- ↑ Textbok of Medical Physiology, N. Geetha, PARAS Pub., 2010, page: 103-104