തൻസീമാത്ത് (ഒട്ടോമൻ തുർക്കി)

 

ഒട്ടോമൻ തുർക്കിയുടെ ഒരു ഭരണപരിഷ്കാരകാലഘട്ടമാണ് തൻസീമാത്ത് ( Turkish: [tanziˈmat] ; ഓട്ടൊമൻ ടർക്കിഷ്: تنظيمات, നിസാം എന്ന താൾ കാണുക ) എന്നറിയപ്പെടുന്നത്. 1839 മുതൽ 1876 വരെ ഈ കാലഘട്ടം നീണ്ടുനിന്നു.

സമൂലമായ ഒരു മാറ്റമല്ല, മറിച്ച് ആധുനീകരണമെന്ന ആശയത്തിലൂന്നിയാണ് തൻസീമാത്ത് പദ്ധതി നടന്നുവന്നത്.. ഓട്ടോമൻ സാമ്രാജ്യത്തിന്റെ സാമൂഹികവും രാഷ്ട്രീയവുമായ അടിത്തറകളെ ഏകീകരിക്കാനും ഇതുവഴി ലക്ഷ്യം വെച്ചു.

ഒട്ടോമൻ സാമ്രാജ്യതാല്പര്യങ്ങൾക്കെതിരെ ഉയർന്നുവന്നു തുടങ്ങിയ വംശീയ-ദേശീയ-പ്രാദേശിക വികാരങ്ങളെ നിയന്ത്രിക്കാൻ ഈ പരിഷ്കാരങ്ങൾ കൊണ്ട് സാധിക്കുമെന്ന് വിലയിരുത്തപ്പെട്ടു. വിദേശശക്തികൾ ഒട്ടോമൻ സാമ്രാജ്യത്തിലെ പ്രാദേശിക വികാരങ്ങളെ ഉപയോഗിച്ച് നേട്ടം കൊയ്യാൻ ശ്രമിച്ചുകൊണ്ടിരുന്ന ആ കാലഘട്ടത്തിൽ വിശേഷിച്ചും. തൻസീമാത്ത് പരിഷ്കാരങ്ങൾ ഒട്ടോമനിസത്തെ മുന്നോട്ടുവെക്കുകയും പ്രാദേശിക ദേശീയ വികാരങ്ങൾക്കെതിരായി നിലകൊള്ളുകയും ചെയ്തു.