ന്യൂ ഡെവലപ്മെന്റ് ബാങ്ക്
| ന്യൂ ഡെവലപ്മെൻറ് ബാങ്ക് | |
 | |
 | |
| ചുരുക്കപ്പേര് | NDB |
|---|---|
| രൂപീകരണം | 15 ജൂലൈ 2014 |
| തരം | ധനകാര്യ സ്ഥാപനങ്ങൾ |
| പദവി | Treaty |
| ആസ്ഥാനം | ഷാങ്ഹായ്, ചൈന |
അംഗത്വം |  ബ്രസീൽ China ഇന്ത്യ റഷ്യ ദക്ഷിണാഫ്രിക്ക |
ഔദ്യോഗിക ഭാഷകൾ | ചൈനീസ് ഇംഗ്ലീഷ് പോർച്ചുഗീസ് റഷ്യൻ |
അധ്യക്ഷൻ | കെ. വി. കാമത്ത് ഇന്ത്യ |
| മാതൃസംഘടന | ബ്രിക്സ് |
ബ്രസീൽ ,റഷ്യ, ഇന്ത്യ, ചൈന, ദക്ഷിണാഫ്രിക്ക എന്നീ ബ്രിക്സ് രാജ്യങ്ങളുടെ വികസന പ്രവർത്തനങ്ങൾക്ക് സാമ്പത്തിക സഹായം നൽകുക എന്ന ലക്ഷ്യത്തോടെ ഈ രാജ്യങ്ങൾ ചേർന്ന് 2014 ജൂലൈ 15 നു രൂപീകരിച്ച ഒരു ബാങ്കാണ് ബ്രിക്സ് വികസന ബാങ്ക് അഥവാ ന്യൂ ഡെവലപ്മെന്റ് ബാങ്ക് (എൻ.ഡി.ബി.).[1].ആഗോള സമ്പദ് വ്യവസ്ഥയിൽ അമേരിക്ക യുടെയും യൂറോപ്യൻ യൂണിയന്റെയും നേതൃത്വത്തിലുള്ള ലോകബാങ്കിനും അന്താരാഷ്ട്ര നാണയനിധിക്കും തുല്യമായി ഒരു ബാങ്കാണ് ബ്രിക്സ് രാജ്യങ്ങൾ ഇതിലൂടെ ലക്ഷ്യം വയ്ക്കുന്നത്. 5000 കോടി ഡോളറിന്റെ ($50 ബില്യൺ ) പ്രാരംഭ മൂലധനവുമായി പ്രവർത്തനമാരംഭിക്കുന്ന ബ്രിക്സ് ബാങ്കിന്റെ ആസ്ഥാനം ചൈനയിലെ ഷാങ്ഹായ് ആണ്. [2] .ബാങ്കിന്റെ ആദ്യത്തെ അധ്യക്ഷനായി ഇന്ത്യയുടെ കെ. വി. കാമത്ത് നിയമിക്കപ്പെട്ടു.അധ്യക്ഷന്റെ കാലാവധി 5 വർഷമാണ്.[3]. 2015 ജൂലൈ 21-ന് ബാങ്കിന്റെ പ്രവർത്തനം ആരംഭിച്ചു. [4]
ചരിത്രം
[തിരുത്തുക]
രണ്ടാം ലോകമഹായുദ്ധത്തിനു ശേഷം ആഗോള സാമ്പത്തിക സഹകരണത്തിനായി നിലവിൽ വന്ന ലോകബാങ്കും അന്താരാഷ്ട്ര നാണയനിധിയും അമേരിക്കയുടെയും യൂറോപ്യൻ യൂണിയന്റെയും നിയന്ത്രണത്തിലായിത്തീർന്നു.[5]. വികസ്വര രാജ്യങ്ങളുടെ വികസനത്തെ ഇത് ദോഷകരമായി ബാധിച്ചു.വികസിച്ചുകൊണ്ടിരിക്കുന്ന രാജ്യങ്ങളുടെ സംഘടനകളിൽ പ്രധാനപ്പെട്ട ബ്രിക്സിലെ ഇന്ത്യ, ചൈന, റഷ്യ, ബ്രസീൽ എന്നീ നാലു രാജ്യങ്ങൾ ലോകത്തിലെ ഏറ്റവും ഉയർന്ന സാമ്പത്തിക വളർച്ചയുള്ള രാജ്യങ്ങളാണ്.ലോക ജനസംഖ്യയുടെ 40% വസിക്കുന്നതും ആഗോള മൊത്ത ഉൽപാദനത്തിൻ്റെ 25%വും ബ്രിക്സ് രാജ്യങ്ങളിലാണ്.[5].വികസിച്ചുകൊണ്ടിരിക്കുന്ന ഈ രാജ്യങ്ങൾക്ക് വലിയ സഹായമൊന്നും ലോകബാങ്കിൽ നിന്നോ ഐ. എം. എഫിൽ നിന്നോ ലഭിച്ചിരുന്നില്ല.ഇത്തരമൊരു സാഹചര്യത്തിലാണ് സ്വതന്ത്രമായി ഒരു ബാങ്ക് തങ്ങൾക്കും വേണമെന്ന ചിന്ത ബ്രിക്സ് രാജ്യങ്ങൾക്കുണ്ടായത്.2014 ജൂലൈ 15-നു ബ്രസീലിലെ ഫോർട്ടലേസയിൽ നടന്ന 6-മത്തെ ബ്രിക്സ് ഉച്ചകോടിയിൽ വച്ച് ബാങ്കിന്റെ രൂപീകരണം സംബന്ധിച്ച് അന്തിമ തീരുമാനമായി. [1].ഇതുപോലെ 2014-ൽ രൂപീകരിക്കപ്പെട്ട മറ്റൊരു ബാങ്കാണ് ഏഷ്യൻ ഇൻഫ്രാസ്ട്രക്ചർ ഇൻവെസ്റ്റ്മെന്റ് ബാങ്ക്.
ലക്ഷ്യങ്ങൾ
[തിരുത്തുക]ബ്രിക്സ് രാജ്യങ്ങളുടെ വികസന പ്രവർത്തനങ്ങൾക്കു സാമ്പത്തിക സഹായം നൽകുക എന്നതാണ് ബ്രിക്സ് ബാങ്കിൻ്റെ പ്രധാനപ്പെട്ട ലക്ഷ്യം. 5000 കോടി ഡോളറാണ് ($50 ബില്യൺ) പ്രാരംഭ മൂലധനം.ഓരോ രാജ്യവും 1000 കോടി ഡോളർ ($10 ബില്യൺ) സംഭാവന ചെയ്യും.[3].അതുകൊണ്ട് തന്നെ എല്ലാ രാജ്യങ്ങൾക്കും തുല്യ അധികാരമാണുള്ളത്.[6].
5000 കോടി ഡോളറിനെ 10000 കോടി ($100 ബില്യൺ) ഡോളറായി ഉയർത്തുകയെന്നതാണ് പ്രാരംഭ ലക്ഷ്യം.ഡോളറും യൂറോയും വൻതോതിൽ സംഭരിച്ചു വയ്ക്കുന്ന സ്ഥിതി മാറ്റി ബ്രിക്സ് രാജ്യങ്ങളിലെ കറൻസി കൂടുതലായി ഉപയോഗിക്കുകയെന്ന ലക്ഷ്യം കൂടിയുണ്ട്.[5].
ഓഹരികൾ
[തിരുത്തുക]ബാങ്കിന്റെ പ്രാരംഭ മൂലധനമായ 5000 കോടി ഡോളർ അഞ്ചു രാജ്യങ്ങളും തുല്യമായാണ് സംഭാവന ചെയ്യുന്നത്. ഇതിനോടൊപ്പം 10000 കോടി ($100 ബില്യൺ) ഡോളർ പ്രവർത്തന മൂലധനമായി സമാഹരിക്കുന്നുണ്ട്‌. ഇതിൽ അംഗരാജ്യങ്ങളുടെ സംഭാവനകൾ വ്യത്യസ്തമാണ്. ചൈനയാണ് ഏറ്റവും കൂടുതൽ വിഹിതം നൽകുന്നത്.41 ബില്യൺ (4100 കോടി) ഡോളർ സംഭാവന ചെയ്യുന്ന ചൈനയ്ക്കു 39.5% വോട്ടവകാശവുമുണ്ട്.
ബ്രസീൽ, റഷ്യ, ഇന്ത്യ എന്നീ രാജ്യങ്ങൾ 18 ബില്യൺ (1800 കോടി) ഡോളർ വീതം സംഭാവന ചെയ്യുന്നു. ദക്ഷിണാഫ്രിക്കയുടെ സംഭാവന 5 ബില്യൺ (500 കോടി) ഡോളറാണ്.[4]
അംഗങ്ങൾ
[തിരുത്തുക]2015 ജൂലൈ 1-ലെ സ്ഥിതിയനുസരിച്ച് ആകെ 5 അംഗങ്ങൾ[3].
| രാജ്യങ്ങൾ | അംഗമായ വർഷം |
|---|---|
| ബ്രസീൽ |
2014 |
| ചൈന |
2014 |
| ഇന്ത്യ |
2014 |
| റഷ്യ |
2014 |
| ദക്ഷിണാഫ്രിക്ക |
2014 |
അധ്യക്ഷൻമാരുടെ പട്ടിക
[തിരുത്തുക]| നം. | പേര് | രാജ്യം | കാലഘട്ടം |
|---|---|---|---|
| 1. | കെ. വി. കാമത്ത് | ഇന്ത്യ |
2015 മെയ്- തുടരുന്നു. |
ബ്രിക്സ് ബാങ്കിന്റെ ആദ്യത്തെ അധ്യക്ഷനായി(പ്രസിഡന്റ്) ഇന്ത്യക്കാരനായ കെ. വി. കാമത്ത് 2015 മേയിൽ നിയമിക്കപ്പെട്ടു.ഇദ്ദേഹം ഐ.സി.ഐ.സി.ഐ. ബാങ്കിന്റെ മുൻ ചെയർമാനായിരുന്നു.അഞ്ചു വർഷമായിരിക്കും അദ്ധ്യക്ഷന്റെ കാലാവധി.അടുത്ത അധ്യക്ഷൻമാർ യഥാക്രമം ബ്രസീൽ, റഷ്യ എന്നീ രാജ്യങ്ങളിൽ നിന്നായിരിക്കും.[3]. പ്രസിഡന്റിനു പുറമെ ബോർഡ് ഓഫ് ഗവർണേഴ്സും ബോർഡ് ഓഫ് ഡയറക്ടേഴ്സും ചേർന്നാണ് ബാങ്കിനെ നിയന്ത്രിക്കുന്നത്.ആദ്യത്തെ ഗവർണർ(മാർ) റഷ്യയിൽ നിന്നും ഡയറക്ടർ(മാർ) ബ്രസീലിൽ നിന്നും നിയമിക്കപ്പെടും.[4]
ഇതും കാണുക
[തിരുത്തുക]- ലോകബാങ്ക്
- ഐ. എം. എഫ്
- ബ്രിക്സ്
- ഏഷ്യൻ ഡെവലപ്മെന്റ് ബാങ്ക്
- ഏഷ്യൻ ഇൻഫ്രാസ്ട്രക്ചർ ഇൻവെസ്റ്റ്മെന്റ് ബാങ്ക്
അവലംബം
[തിരുത്തുക]- ↑ 1.0 1.1 "BBC News - Brics nations to create $100bn development bank". 2014-07-15. Archived from the original on 2014-07-15. Retrieved 2015-07-04.
- ↑ "BRICS Bank to be headquartered in Shanghai, India to hold presidency" Archived 2014-08-12 at the Wayback Machine.. Indiasnaps.com. 16 July 2014
- ↑ 3.0 3.1 3.2 3.3 'Kamath to head BRICS Bank',(Puja Mehra),The Hindu,Trivandrum,12 May 2015,page number 14
- ↑ 4.0 4.1 4.2 'New Development Bank of BRICS opens in Shanghai', The Hindu, Trivandrum, 2015-07-22, page-1
- ↑ 5.0 5.1 5.2 "'ബ്രിക്സ് ബാങ്ക്: പ്രതീക്ഷയും ആശങ്കയും',മാധ്യമം,Retrieved on 4 July 2015". Archived from the original on 2014-07-30. Retrieved 2015-07-04.
- ↑ Prabhat Patnaik (27 July 2014). "The BRICS Bank". People's Democracy. Archived from the original on 2014-08-06. Retrieved 27 July 2014.