പൂന്താനം ദിനം
മലയാള സാഹിത്യത്തിനു പ്രധാന സംഭാവനകൾ നൽകിയ ഭക്ത കവി പൂന്താനത്തിന്റെ സ്മരണ നിലനിർത്തുന്നതിനായി കുംഭമാസത്തിലെ അശ്വതി നാളിൽ പൂന്താനം ദിനമായി ആചരിച്ചു വരുന്നു.[1] എ.ഡി. 1547-നും 1640-നും മധ്യേ വള്ളുവനാട്ടിൽ ജീവിച്ചിരുന്ന പൂന്താനം ഒരു സംസ്കൃത ഭാഷാ പണ്ഡിതനും ഗുരുവായൂരപ്പന്റെ പരമഭക്തനുമായിരുന്നു. ഇദ്ദേഹത്തെ പ്രശസ്തനാക്കിയ കൃതിയാണ് ജ്ഞാനപ്പാന. ഈ കൃതിയിലെ സൂചനയനുസരിച്ച് ഗുരുവായൂർ ക്ഷേത്ര ദേവസ്വമാണ് പൂന്താനം ദിനം ആചരിക്കുന്നത്. ഈ ദിവസം ജ്ഞാനപ്പാന പുരസ്കാര വിതരണം, കുട്ടികൾക്കായി ജ്ഞാനപ്പാന ആലാപന മത്സരം, സാംസ്കാരികോത്സവം എന്നിവ നടത്തിവരുന്നു.[1]