പെമ്പിളൈ ഒരുമൈ

ഇംഗ്ലീഷ് വിലാസം

https://ml.wikipedia.org/wiki/Pembilai_orumai

കേരളത്തിലെ മൂന്നാർ തേയിലത്തോട്ടങ്ങളിലെ സ്ത്രീ തൊഴിലാളികളുടെ കൂട്ടായ്മയാണ് പെമ്പിളൈ ഒരുമൈ. ആയിരക്കണക്കിന് സ്ത്രീ തൊഴിലാളികൾ, തൊഴിലാളി സംഘടനകളുടെ നേതൃത്വങ്ങളെ വക വെക്കാതെ നടത്തിയ മുന്നേറ്റമായിരുന്നു ഇത്.

ചരിത്രം

ബഹുഭൂരിപക്ഷവും തമിഴ് വംശജരായ മൂന്നാർ തേയിലത്തോട്ടങ്ങളിലെ തൊഴിലാളികൾ ദീർഘകാലമായി മാനേജ്‌മെന്റിന്റെ ചൂഷണത്തിനും മുതലെടുപ്പിനും വിവേചനത്തിനും വിധേയരായിരുന്നു. 2015 സെപ്റ്റംബറിൽ, ബോണസ്, ശമ്പളവർധന ആവശ്യപ്പെട്ട് കെ.ഡി.എച്ച്.പി. കമ്പനിയിലെ സ്ത്രീ തൊഴിലാളികൾ അനിശ്ചിതകാല സമരം ആരംഭിച്ചു. സ്വന്തം വീടുകളിലെ പുരുഷന്മാരെപ്പോലും സ്ത്രീ തൊഴിലാളികൾ അകറ്റിനിർത്തി. ഒൻപതു ദിവസം നീണ്ട സമരം മുഖ്യമന്ത്രി ഉമ്മൻചാണ്ടിയുടെയും തൊഴിൽമന്ത്രി ഷിബു ബേബി ജോണിന്റെയും നേതൃത്വത്തിൽ നടന്ന ചർച്ചയ്ക്കൊടുവിൽ തൊഴിലാളികൾ അവസാനിപ്പിച്ചു. തൊഴിലാളികളുടെ ആവശ്യപ്രകാരം 20 ശതമാനം ബോണസ് നൽകാൻ ധാരണയായി. തൊഴിലാളികളുടെ ശമ്പളവർധന ഈ പിന്നീടുള്ള പ്ലാന്റേഷൻ ലേബർ കമ്മിറ്റി പരിഗണിക്കാനുമാണ് തീരുമാനിച്ചത്.

മുദ്രാവാക്യങ്ങൾ

“

• ‘ഇങ്ക്വിലാബ് സിന്ദാബാദ് തൊഴിലാളി ഐക്യം സിന്ദാബാദ്’
• ‘പെമ്പിള ഒരുമൈ സിന്ദാബാദ്’
• ‘പണിയെടുപ്പതു നാങ്കളെ കൊള്ളയടിപ്പതു നീങ്കള്’
• ‘കൊളുന്തുകുട്ട എടുപ്പതു നാങ്കള് പണക്കുട്ട അമുക്കുതു നീങ്കള്’
• ‘അപ്പാ അപ്പാ കരിയപ്പാ കൊള്ളയടിത്ത പണം എവിടപ്പാ?’
• ‘പൊട്ട ലയങ്ങൾ നാങ്കൾക്ക് എസി ബംഗ്ളാ ഉങ്കൾക്ക്’
• ‘തമിഴ് മീഡിയം നാങ്കൾക്ക് ഇംഗ്ളീഷ് മീഡിയം ഉങ്കൾക്ക്’
• ‘കുട്ടതൊപ്പി നാങ്കൾക്ക് കോട്ടും സൂട്ടും ഉങ്കൾക്ക്’
• ‘ചിക്കൻ, ദോശ ഉങ്കൾക്ക് കാടി കഞ്ഞി നാങ്കൾക്ക്‘
• ‘പണിയെടുക്കുവത് നാങ്കളെ് പണം കൊയ്‌വത് നീങ്കള്’
• ‘പോരാടുവോം പോരാടുവോം നീതി കെടയ്ക്കും വരെ പോരാടുവോം’
• ‘പോരാടുവോം വെട്രി വരൈ പോരാടുവോം’
• ‘ഇങ്ക്വിലാബ് സിന്ദാബാദ്’
• ‘തൊഴിലാളി ഐക്യം സിന്ദാബാദ്’
• ‘പെമ്പിള ഒരുമൈ സിന്ദാബാദ്’.

” —