പേരേലം

ഇംഗ്ലീഷ് വിലാസം

https://ml.wikipedia.org/wiki/Black_cardamom

പേരേലം
Black cardamom fruit as used as spice
ശാസ്ത്രീയ വർഗ്ഗീകരണം
കിങ്ഡം:	സസ്യം
(unranked):	പുഷ്പിക്കുന്ന സസ്യങ്ങൾ
(unranked):	Monocots
(unranked):	Commelinids
Order:	Zingiberales
Family:	Zingiberaceae
Genus:	Amomum
Species:	A. subulatum, A. costatum
Binomial name
Amomum subulatum, Amomum costatum (A. subulatum) Roxb. (A. costatum) Benth. & Hook.f.

വിളവെടുക്കാറായിവരുന്ന പേരേലം

പൂവിട്ടുനിൽക്കുന്ന പേരേലം.

നേപ്പാൾ എന്ന രാജ്യത്തുനിന്നും ഇറക്കുമതി ചെയ്തെത്തുന്നതിനാൽ നേപ്പാൾ ഏലം എന്നറിയപ്പെടുന്ന ഏലത്തിനുസമാനമായ ചെടിയാണിത്. സാധാരണ ഏലത്തിൽ നിന്നും അല്പം വലുതാണിവ. ഏലത്തിനുള്ള സാധാരണ ഗുണഗണങ്ങളെല്ലാം ഇവയ്ക്കുണ്ട്. എന്നാൽ ഏലത്തിന്റെയത്ര ഗുണവും മണവും ഇതിനുണ്ടാകില്ല. അമോമം സുബുലേറ്റം (Amomum subulatum) എന്നാണിതിന്റെ ശാസ്ത്രീയനാമം.സിക്കിമിലും പശ്ചിമബംഗാളിലെ ഡാർജിലിംഗ് ജില്ലയിലുമാണ് പേരേലം ധാരാളമായി കൃഷിചെയ്യപ്പെടുന്നത്.ഇടുക്കിയിലും ഈ ഏലം അപൂർവ്വമായി കാണപ്പെടുന്നുണ്ട്.

വർഗ്ഗീകരണം

സിഞ്ചിബറേസ്യേ ഫാമിലിയിൽ ആൽപീനിയ ട്രൈബസിൽ അമോമം എന്ന ജീനസിലാണ് ഇവ ഉൾപ്പെടുന്നത്. ഗ്രേറ്റർ കാർഡമോമം, ഇന്ത്യൻ കാർഡമോമം, ബംഗാൾ കാർഡമോമം, ബ്രൗൺ കാർഡമോമം, വിംഗ്ഡ് കാർഡമോമം എന്നിങ്ങനെ ബഹുവിധനാമങ്ങൾ ഇവയ്ക്കുണ്ട്.

സസ്യശരീരം

അഞ്ചടിയോളം പൊക്കത്തിൽ വളരുന്ന നിത്യഹരിതസസ്യമാണിത്. ഇലകൾ സസ്യകാണ്ഡത്തിന് അഗ്രഭാഗത്തായി കാണപ്പെടുന്നു. മങ്ങിയ ചുവപ്പുനിറമുള്ള കാണ്ഡച്ചുവടും അവിടെ നിന്ന് രൂപപ്പെടുന്ന പൂക്കളും ഇതിന്റെ സവിശേഷതയാണ്.