പ്രയാഗാ മാർട്ടിൻ

ഇംഗ്ലീഷ് വിലാസം

https://ml.wikipedia.org/wiki/Prayaga_Martin

പ്രയാഗാ റോസ് മാർട്ടിൻ
പ്രയാഗാ മാർട്ടിൻ
ജനനം	(1995-05-19) 19 മേയ് 1995 കൊച്ചി
തൊഴിൽ(s)	ചലച്ചിത്രതാരം, നർത്തകി, മോഡൽ
സജീവ കാലം	2014 മുതൽ

തെന്നിന്ത്യൻ ചലച്ചിത്രവേദിയിലെ ഒരു നടി ആണ് പ്രയാഗ റോസ് മാർട്ടിൻ. 2009-ൽ സാഗർ എലിയാസ് ജാക്കി റീലോഡഡ് എന്ന ചിത്രത്തിലൂടെ ഒരു ചെറിയ വേഷത്തിൽ അഭിനയിച്ചു കൊണ്ട് അരങ്ങേറ്റം നടത്തി. പിസാസു എന്ന തമിഴ് ചിത്രത്തിന് ശേഷം അവർ പ്രശസ്തിയിലേക്ക് ഉയർന്നു.

ജീവിതരേഖ

എറണാകുളം ജില്ലയിലെ കൊച്ചിയിലാണ് പ്രയാഗ മാർട്ടിൻ ജനിച്ചത്. അച്ഛൻ - മാട്ടിൻ പീറ്റർ, അമ്മ - ജിജി മാർട്ടിൻ. എളമക്കരയിലെ ഭവൻസ് വിദ്യാ മന്ദിറിൽ നിന്ന് സ്കൂൾ വിദ്യാഭ്യാസം പൂർത്തിയാക്കിയ അവർ എറണാകുളം സെന്റ് തെരേസാസ് കോളേജിൽനിന്ന് ഇംഗ്ലീഷ് ലിറ്ററേച്ചർ ആന്റ് കമ്മ്യൂണിക്കേഷനിൽ ബിരുദം നേടി. തുടർന്ന് ട്രാവൽ ആന്റ് ടൂറിസത്തിൽ ബിരുദാനന്തര ബിരുദം നേടി. പരിശീലനം ലഭിച്ച ഒരു നർത്തകി കൂടിയാണ് പ്രയാഗ. സിനിമകളിലേക്ക് കടക്കുന്നതിനുമുമ്പ് ഏതാനും വ്യവസായ സ്ഥാപനങ്ങളുടെ മോഡലായി അവർ പ്രത്യക്ഷപ്പെട്ടിരുന്നു.

സിനിമ

സാഗർ ഏലിയാസ് ജാക്കി റീലോഡഡ്, ഉസ്താദ് ഹോട്ടൽ എന്നീ സിനിമകളിൽ ചെറിയ വേഷങ്ങളിൽ അഭിനയിച്ച പ്രയാഗ മിഷ്കിന്റെ സംവിധാനത്തിൽ 2014-ൽ പുറത്തിറങ്ങിയ തമിഴിലെ പിശാശ് എന്ന സിനിമയിലൂടെയായിരുന്നു കേന്ദ്ര കഥാപാത്രത്തെ അവതരിപ്പിച്ചത്. ശേഷം ഉണ്ണി മുകുന്ദൻ നായകനായി അഭിനയിച്ച 2016-ൽ പുറത്തിറങ്ങിയ ഒരു മുറൈ വന്ത് പാർത്തായ എന്ന ആദ്യ മലയാള മുഴുനീള സിനിമയിലൂടെ നായികയായി അഭിനയിച്ചു.

പാവ, കട്ടപ്പനയിലെ ഋത്വിക് റോഷൻ, ഒരേ മുഖം, ഫുക്രി, വിശ്വാസപൂർവ്വം മൻസൂർ, പോക്കിരി സൈമൺ, രാമലീല, തുടങ്ങി നിരവധി സിനിമകൾ പ്രയാഗയെ തേടി എത്തിയിരുന്നു. ദിലീപിനൊപ്പം നായികയായി അഭിനയിച്ച രാമലീലയിലെ കഥാപാത്രം ഏറെ ശ്രദ്ധിക്കപ്പെട്ടിരുന്നു.

സിനിമകൾ

വർഷം	സിനിമ	കഥാപാത്രം	ഭാഷ	Notes
2009	സാഗർ ഏലിയാസ് ജാക്കി റീലോഡഡ്	അസറിന്റെ സഹോദരി	മലയാളം	ബാല താരം
2012	ഉസ്താദ് ഹോട്ടൽ	ഷഹാനയുടെ അനുജത്തി	മലയാളം	അതിഥി
2014	പിസാസ്	ഭവാനി	തമിഴ്	പുതുമുഖ നടി (സൌത്ത് ഇന്റർനാഷണൽ അവാർഡ്, സിമ അവാർഡ്)
2016	ഒരു മുറൈ വന്ത് പാർതായ	പാർവതി	മലയാളം
	പാ വ	മേരി	മലയാളം
	കട്ടപ്പനയിലെ ഋത്വിക് റോഷൻ	അന്ന മരിയ	മലയാളം
	ഒരേ മുഖം	ഭാമ	മലയാളം
2017	ഫുക്രി	നഫ്സി	മലയാളം
	വിശ്വാസപൂർവ്വം മൻസൂർ	മുംതാസ്	മലയാളം
	പോക്കിരി സൈമൺ	ദീപ	മലയാളം
	രാമലീല	ഹെലേന	മലയാളം
2018	ദൈവമേ കൈതൊഴാം കെ. കുമാറാകണം	കോളജ് വിദ്യാർത്ഥിനി	മലയാളം	ഗാനരംഗത്തു മാത്രം
	ഒരു പഴയ ബോംബ് കഥ	ശ്രുതി	മലയാളം
2019	ബ്രദേർസ് ഡേ	റൂബി	മലയാളം
	ഗീത	ഗീത	കന്നഡ
	ഉൾട്ട	പാറു	മലയാളം
2020	ഭൂമിയിലെ മനോഹര സ്വകാര്യം	അന്ന	മലയാളം

പുരസ്‌കാരങ്ങളും നാമനിർദ്ദേശങ്ങളും

വർഷം	അവാർഡ്	വിഭാഗം	സിനിമ	ഫലം
2015	മൂന്നാമത് ദക്ഷിണേന്ത്യൻ അന്തർദേശീയ സിനിമ അവാർഡ്	മികച്ച പുതുമുഖ നടി -തമിഴ്	പിസാസ്	Nominated
2017	ഏഷ്യാനെറ്റ്‌ ഫിലിം അവാർഡ്	മികച്ച ജോഡി	ഒരേ മുഖം	Nominated
2017	വനിത ഫിലിം അവാർഡ്	മികച്ച പുതുമുഖ നടി	കട്ടപ്പനയിലെ ഋഥ്വിക് റോഷൻ	Won
2017	നാലാമത് ദക്ഷിണേന്ത്യൻ അന്തർദേശീയ സിനിമ അവാർഡ്	മികച്ച പുതുമുഖ നടി -മലയാളം	ഒരു മുറൈ വന്ത് പാർത്തായ	Nominated
2017	ജെയ്‌സി ഫൌണ്ടേഷൻ	സ്പെഷ്യൽ ജൂറി പുരസ്‌കാരം	പാ വ	Won
2017	Yuva Awards	Promising star	കട്ടപ്പനയിലെ ഋഥ്വിക് റോഷൻ	Nominated
2017	Yuva Awards	Outstanding talent	Fukri	Nominated
2018	Asianet Film Awards	Best Star Pair	Pokkiri Simon	Nominated
2018		Most Popular Actress	Ramaleela	Won