ഫലകം:സമകാലികം/ഓഗസ്റ്റ് 2008
- ഓഗസ്റ്റ് 30 - പ്രശസ്ത സിനിമ സം‌വിധായകനും സാഹിത്യകാരനുമായ നാരായണ പിഷാരടി അന്തരിച്ചു.
- ഓഗസ്റ്റ് 30 - പ്രമുഖ വ്യവസായിയും മുൻ രാജ്യസഭാംഗവുമായ കെ.കെ. ബിർള അന്തരിച്ചു
- ഓഗസ്റ്റ് 29 - ശ്രീലങ്കക്കെതിരായ ഏകദിന ക്രിക്കറ്റ് പരമ്പര 3-2-ന് ഇന്ത്യ വിജയിച്ചു. നേരത്തെ നടന്ന ടെസ്റ്റ് പരമ്പയിൽ ഇന്ത്യ പരാജയപ്പെട്ടിരുന്നു.
- ഓഗസ്റ്റ് 29 - രാജീവ് ഗാന്ധി ഖേൽരത്ന പുരസ്കാരം ഇന്ത്യൻ ക്രിക്കറ്റ് ക്യാപ്റ്റൻ മഹേന്ദ്ര സിങ് ധോണിക്ക് സമ്മാനിച്ചു. മലയാളി താരങ്ങളായ ചിത്ര കെ. സോമൻ, ജോൺസൺ വർഗീസ്‌ എന്നിവർ അർജുന അവാർഡും ഏറ്റുവാങ്ങി.
- ഓഗസ്റ്റ് 29 - ഝാർഖണ്ഡ് മുഖ്യമന്ത്രി ഷിബു സോറൻ നിയമസഭയിൽ വിശ്വാസവോട്ട് നേടി.
- ഓഗസ്റ്റ് 27 - ഝാർഖണ്ഡിന്റെ 6-ആമത്തെ മുഖ്യമന്ത്രിയായി ഷിബു സോറൻ അധികാരമേറ്റു.
- ഓഗസ്റ്റ് 26 - തെലുങ്ക് ചലച്ചിത്രനടൻ ചിരഞ്ജീവി പ്രജാരാജ്യം എന്ന രാഷ്ട്രീയപാർട്ടി രൂപവത്കരിച്ചു.
- ഓഗസ്റ്റ് 25 - നവാസ് ഷെരീഫിന്റെ നേതൃത്വത്തിലുള്ള പാകിസ്താൻ മുസ്ലിം ലീഗ് (എൻ) പാകിസ്താൻ സർക്കാരിനുള്ള പിന്തുണ പിൻവലിച്ചു.
- ഓഗസ്റ്റ് 24 - ബെയ്ജിങ് ഒളിമ്പിക്‌സിന് തിരശ്ശീല വീണു. 51 സ്വർണ്ണമുൾപ്പടെ 100 മെഡലുകൾ നേടിയ ആതിഥേയരായ ചൈന ഓവറോൾ ചാമ്പ്യന്മാരായി.
- ഓഗസ്റ്റ് 22 - ബെയ്ജിങ് ഒളിമ്പിക്സിൽ75 കിലോ മിഡിൽ വെയ്‌റ്റ്‌ ബോക്സിങ്ങിൽ ഇന്ത്യയുടെ വിജേന്ദർ കുമാർ വെങ്കലം നേടി.
- ഓഗസ്റ്റ് 20 - ബെയ്ജിങ് ഒളിമ്പിക്സിൽ 66 കിലോ ഗുസ്‌തിയിൽ ഇന്ത്യയുടെ സുശീൽകുമാറിന് വെങ്കലം.
- ഓഗസ്റ്റ് 20 - വിവിധ ആവശ്യങ്ങൾ ഉന്നയിച്ച്‌ ഇടതുപക്ഷ ട്രേഡ്‌യൂണിയനുകളുടെ ആഭിമുഖ്യത്തിൽ ആഹ്വാനം ചെയ്‌ത ദേശീയപണിമുടക്ക്‌ നടന്നു. കേരളത്തിൽ പൂർണ്ണം.
- ഓഗസ്റ്റ് 19 - സാംബിയ പ്രസിഡന്റ് ലെവി മ്വാനവാസ അന്തരിച്ചു.
- ഓഗസ്റ്റ് 18 - കേരളത്തിലെ വൈദ്യുതി നിരക്കിനുമേൽ യൂണിറ്റിന്‌ 50 പൈസ വീതം ഇന്ധന സർച്ചാർജ്‌ ഏർപ്പെടുത്തി.
- ഓഗസ്റ്റ് 18 - പാകിസ്താൻ പ്രസിഡണ്ട് പർവേസ് മുഷാറഫ് രാജി പ്രഖ്യാപിച്ചു.
- ഓഗസ്റ്റ് 17 - ബെയ്ജിങ് ഒളിമ്പിക്സിലെ നീന്തലിൽ 8 സ്വർണ്ണം നേടിയതോടെ അമേരിക്കയുടെ മൈക്കൽ ഫെൽപ്സ് ഒരു ഒളിമ്പിക്സിൽ ഏറ്റവും കൂടുതൽ സ്വർണ്ണം നേടുന്ന താരമെന്ന ബഹുമതി സ്വന്തമാക്കി. ഒളിമ്പിക്സിൽ വ്യക്തിഗതയിനത്തിൽ ഏറ്റവും കൂടുതൽ സ്വർണ്ണം (14) നേടിയതും ഇദ്ദേഹമാണ്.
- ഓഗസ്റ്റ് 16 - നേപ്പാൾ റിപ്പബ്ലിക്കിന്റെ പ്രഥമ പ്രധാനമന്ത്രിയായി പുഷ്‌പകമൽ ദഹാൽ പ്രചണ്ഡ തിരഞ്ഞെടുക്കപ്പെട്ടു.
- ഓഗസ്റ്റ് 16 - ജമൈക്കയുടെ ഉസൈൻ ബോൾട്ട് ബെയ്ജിങ്ങ് ഒളിമ്പിക്സിൽ 100 മീറ്റർ ഓട്ടത്തിൽ 9.69 സെക്കന്റ് സമയം എന്ന പുതിയ ലോകറെക്കോർഡോടെ സ്വർണ്ണം നേടി.
- ഓഗസ്റ്റ് 16 - ബെയ്ജിങ്ങ് ഒളിമ്പിക്സിൽ 100 മീറ്റർ ബട്ടർഫ്ലൈ നീന്തലിൽ സ്വർണ്ണം നേടിയതോടെ അമേരിക്കയുടെ മൈക്കൽ ഫെൽപ്സ് ഒരു ഒളിമ്പിക്സിൽ ഏറ്റവും കൂടുതൽ സ്വർണ്ണം (7 എണ്ണം) നേടുന്ന കായികതാരം എന്ന ബഹുമതി മാർക്ക് സ്പ്ലിറ്റ്സുമായി പങ്കുവെച്ചു.
- ഓഗസ്റ്റ് 16 - പ്രമുഖ നാടക നടൻ കെ.പി.എ.സി ഖാൻ അന്തരിച്ചു.
- ഓഗസ്റ്റ് 14 - നാടകരംഗത്തെ സമഗ്ര സംഭാവനയ്ക്കുള്ള കേരള സർക്കാരിന്റെ എസ്.എൽ. പുരം പുരസ്കാരത്തിന് നിലമ്പൂർ ആയിഷ അർഹയായി.
- ഓഗസ്റ്റ് 13 - എ.എഫ്.സി. കപ്പ് ഫുട്ബോൾ കിരീടം ഇന്ത്യ നേടി. ഫൈനലിൽ തജാക്കിസ്ഥാനെ ഒന്നിനെതിരെ നാല് ഗോളുകൾക്ക് തോൽപ്പിച്ചാണ് ഇന്ത്യ ജേതാക്കളായത് .
- ഓഗസ്റ്റ് 13 - ബെയ്ജിങ് ഒളിമ്പിക്സിലെ 200 മീ. ബട്ടർഫ്ളൈ നീന്തലിൽ അമേരിക്കയുടെ മൈക്കൽ ഫെൽപ്സ് സ്വർണ്ണം നേടി. ഇതോടെ ഒളിമ്പിക്സിൽ ഏറ്റവും കൂടുതൽ സ്വർണ്ണം നേടുന്ന താരമെന്ന ബഹുമതി ഫെൽപ്സിന് സ്വന്തമായി.
- ഓഗസ്റ്റ് 12 - അമർനാഥ് ക്ഷേത്രഭൂമി പ്രശ്നത്തിൽ ജമ്മുകശ്മീരിൽ അക്രമം: 13 പേർ കൊല്ലപ്പെട്ടു.
- ഓഗസ്റ്റ് 11 - ബെയ്ജിങ്ങ് ഒളിമ്പിക്സിൽ പുരുഷന്മാരുടെ 10 മീറ്റർ എയർ റൈഫിൾ ഷൂട്ടിങ്ങിൽ ഇന്ത്യയുടെ അഭിനവ് ബിന്ദ്ര സ്വർണ്ണം നേടി. ഇന്ത്യയുടെ ഒളിമ്പിക്സ് ചരിത്രത്തിലെ ആദ്യ വ്യക്തിഗത സ്വർണ്ണമാണിത്.
- ഓഗസ്റ്റ് 11 - ഇന്ത്യയെ 2-1-ന് തോല്പിച്ച് ശ്രീലങ്ക മൂന്ന് ടെസ്റ്റുകളുടെ ക്രിക്കറ്റ് പരമ്പര സ്വന്തമാക്കി.
- ഓഗസ്റ്റ് 9 - ഹോളിവുഡ്‌ ഹാസ്യതാരം ബെർണി മാക്ക്‌ അന്തരിച്ചു.
- ഓഗസ്റ്റ് 9 - പലസ്തീൻ കവി മഹ്മൂദ് ദാർവിഷ് അന്തരിച്ചു.
- ഓഗസ്റ്റ് 8 - ഇരുപത്തിയൊൻപതാമത് ഒളിമ്പിക്സ് ചൈനയിലെ ബെയ്‌ജിങ്ങിൽ ആരംഭിച്ചു.
- ഓഗസ്റ്റ് 7 - പാകിസ്താൻ പ്രസിഡന്റ് പർവെസ്‌ മുഷറഫിനെ കുറ്റവിചാരണ ചെയ്യാൻ ഭരണകക്ഷികളായ പാകിസ്താൻ മുസ്‌ലീം ലീഗും പാകിസ്താൻ പീപ്പിൾസ്‌ പാർട്ടിയും തീരുമാനിച്ചു.
- ഓഗസ്റ്റ് 6 - സിമിക്കെതിരായ നിരോധനം നീക്കിയ ഉത്തരവ് സുപ്രീംകോടതി സ്റ്റേ ചെയ്തു.
- ഓഗസ്റ്റ് 5 - സിമിക്കെതിരായ നിരോധനം ഡൽഹി സ്പെഷ്യൽ ട്രൈബ്യൂണൽ നീക്കി.
- ഓഗസ്റ്റ് 3 - നോബൽ സമ്മാനജേതാവായ റഷ്യൻ നോവലിസ്റ്റ് അലക്സാണ്ടർ സോൾഷെനിറ്റ്സിൻ അന്തരിച്ചു.
- ഓഗസ്റ്റ് 3 - ഹിമാചൽ പ്രദേശിലെ നൈനാദേവി ക്ഷേത്രത്തിൽ തിക്കിലും തിരക്കിലുംപെട്ട് 146 പേർ മരിച്ചു.
- ഓഗസ്റ്റ് 1 - ഇന്ത്യയിൽ 29 പുതിയ പ്രത്യേക സാമ്പത്തിക മേഖല (സെസ്) കൂടി അനുവദിച്ചു. കേരളത്തിൽ കാസർഗോഡ്, തളിപ്പറമ്പ്, ചേർത്തല, അമ്പലപ്പുഴ എന്നിവിടങ്ങളിലും സെസ് വരും.
- ഓഗസ്റ്റ് 1 - മുസ്ലിം ലീഗ് നേതാവ് സയ്യിദ്‌ ഉമർ ബാഫഖി തങ്ങൾ അന്തരിച്ചു.
- ഓഗസ്റ്റ് 1 - സി.പി.ഐ.എം മുതിർന്ന നേതാവും മുൻ ജനറൽ സെക്രട്ടറിയുമായിരുന്ന ഹർകിഷൻസിങ് സുർജിത് ഉച്ചയ്ക്ക് 1.35 ന് അന്തരിച്ചു.
- ഓഗസ്റ്റ് 1 - കാനഡ, ഗ്രീൻലൻഡ്‌, ഉത്തരധ്രുവമേഖല, ചൈന, മംഗോളിയ, മധ്യറഷ്യ എന്നിവിടങ്ങളിൽ പൂർണസൂര്യഗ്രഹണം ദൃശ്യമായി.
- ഓഗസ്റ്റ് 1 - ആന്ധ്രാപ്രദേശിലെ മെഹ്‌ബൂബാബാദിനടുത്ത്‌ ട്രെയിനിന്‌ തീപിടിച്ച്‌ 30-ലേറെ പേർ മരിച്ചു.