ഫൂൽമണി ദാസി കേസ്
ബ്രിട്ടീഷ് ഇന്ത്യയിലെ ബംഗാളിൽ നടന്ന ഒരു ശൈശവവിവാഹത്തെ തുടർന്ന് നടന്ന നിർബന്ധിത ലൈംഗികബന്ധത്താൽ ഫൂൽമണി ദാസി എന്ന പതിനൊന്നുകാരി അരക്കെട്ട് തകർന്ന് മരണപ്പെട്ടതുമായി ബന്ധപ്പെട്ട കേസാണ് ഫൂൽമണി ദാസി കേസ്[1]. നിലവിലുണ്ടായിരുന്ന നിയമപ്രകാരം വിവാഹിതരുടെ ബലാത്സംഗം കുറ്റകരമല്ലാതിരുന്നതിനാൽ[2] ഭർത്താവ് ബലാത്സംഗകേസിൽ നിന്ന് രക്ഷപ്പെടുകയായിരുന്നു. ഈ കേസിനെ തുടർന്ന് വിവാഹിതർക്കും അവിവാഹിതർക്കും ബാധകമാക്കിക്കൊണ്ട് സമ്മതപ്രായം 12 ആയി ഉയർത്തുന്ന ഏജ് ഓഫ് കൺസെന്റ് ആക്റ്റ്, 1891 നിലവിൽ വന്നു. ശൈശവവിവാഹത്തിനെതിരെയും ശബ്ദങ്ങളുയരാൻ ഈ കേസ് കാരണമായി[3]. മനപൂർവ്വമല്ലാത്ത നരഹത്യക്ക് ഭർത്താവ് ശിക്ഷിക്കപ്പെടുകയും ചെയ്തു.
സംഭവം[തിരുത്തുക]
നിർബന്ധിതമായ ലൈംഗികബന്ധത്താലാണ് യോനിക്ക് പരിക്കേറ്റ് അമിത രക്തസ്രാവം മൂലം ഫൂൽമണി കൊല്ലപ്പെടുന്നത്. ഫൂൽമണിയുടെ പതിനൊന്നാം വയസ്സിലാണ് 35 വയസുകാരനായ ഹരിമോഹൻ മൈതി അവരെ പ്രാപിക്കാൻ ശ്രമിച്ചത്[1] [4] [5].
വിചാരണ[തിരുത്തുക]
1890 ജൂലൈ 6 -ന് കൊൽക്കത്ത സെഷൻസ് കോടതിയിൽ കേസ് വിചാരണ ആരംഭിച്ചു[6]. പെൺകുട്ടിയുടെ അമ്മ ഭർത്താവിനെതിരെ മൊഴി നൽകിയെങ്കിലും[5] 1860-ലെ ഇന്ത്യൻ ശിക്ഷാനിയമപ്രകാരം വിവാഹിതരുടെ ലൈംഗികബന്ധം നിർബന്ധിതമാണെങ്കിൽ കൂടി ബലാത്സംഗത്തിന്റെ പരിധിയിൽ വരുമായിരുന്നില്ല[6] എന്നതിനാൽ ബലാത്സംഗകുറ്റം ഒഴിവാക്കപ്പെട്ടു. മനപൂർവ്വമല്ലാത്ത നരഹത്യയുടെ പേരിൽ ഒരുവർഷത്തെ ജയിൽ വാസമാണ് ഹരിമോഹന് കിട്ടിയ ശിക്ഷ[3][5]. ചക്രവർത്തിനി / ഹരിമോഹൻ മൈതി എന്നപേരിലാണ് കേസ് അറിയപ്പെട്ടത്[4].
അനന്തരഫലങ്ങൾ[തിരുത്തുക]
ഏജ് ഓഫ് കൺസെന്റ് ആക്ട്, 1891 അഥവാ ആക്ട് X ഓഫ് 1891. നിലവിൽ വരാൻ ഈ സംഭവവും ഒരു കാരണമായി മാറി. ഈ നിയമപ്രകാരം വിവാഹിതരോ അവിവാഹിതരോ ആയ പെൺകുട്ടികളുടെ ലൈംഗികബന്ധത്തിനായുള്ള സമ്മതപ്രായം ചുരുങ്ങിയത് 10 വയസ് എന്നുണ്ടായിരുന്നത് 12 വയസായി ഉയർത്തി. മറിച്ചുള്ളവ ബലാത്സംഗത്തിന്റെ പരിധിയിൽ വരുമെന്നും[7] ക്രിമിനൽ നിയമനടപടികൾക്ക് വിധേയമാകുമെന്നും നിയമം അനുശാസിച്ചു. നിലവിലുണ്ടായിരുന്ന 1882-ലെ സമാനനിയമമനുസരിച്ച് 10 വയസായിരുന്നു സമ്മതപ്രായം. ഈ നിയമത്തിന്റെ ഭേദഗതിയായി വന്ന പുതിയ ബിൽ നിയമമായി മാറുകയായിരുന്നു. നിയമം നിലവിൽ വന്നെങ്കിലും കണിശമായി നടപ്പാക്കപ്പെട്ടില്ല ഇത്.
അവലംബം[തിരുത്തുക]
- ↑ 1.0 1.1 Himani Bannerji (2001). Inventing Subjects: Studies in Hegemony, Patriarchy and Colonialism. Anthem Press. pp. 74–76. ISBN 978-1-84331-073-0. Retrieved 8 December 2014.
- ↑ https://www.lawarticle.in/marital-rape-in-india/
- ↑ 3.0 3.1 Fernando Coronil; Julie Skurski (2006). States of Violence. University of Michigan Press. p. 417. ISBN 0-472-06893-8. Retrieved 8 December 2014.
- ↑ 4.0 4.1 Bonnie G. Smith (2008). The Oxford Encyclopedia of Women in World History: 4 Volume Set. Oxford University Press. p. 60. ISBN 978-0-19-514890-9. Retrieved 8 December 2014.
- ↑ 5.0 5.1 5.2 Mytheli Sreenivas (2008). Wives, Widows, and Concubines: The Conjugal Family Ideal in Colonial India. Indiana University Press. p. 71. ISBN 0-253-35118-9. Retrieved 8 December 2014.
- ↑ 6.0 6.1 Mrinalini Sinha (1 January 1995). Colonial Masculinity: The 'manly Englishman' and The' Effeminate Bengali' in the Late Nineteenth Century. Manchester University Press. pp. 143–. ISBN 978-0-7190-4285-0.
- ↑ Himani Bannerji (2001). Inventing Subjects: Studies in Hegemony, Patriarchy and Colonialism. Anthem Press. pp. 74–76. ISBN 978-1-84331-073-0. Retrieved 8 December 2014.