ബോൾട്ടൺ അനാലിസിസ്
വായിലെ മേൽ പല്ലുകളുടെയും കീഴ് പല്ലുകളുടെയും വലിപ്പങ്ങൾ തമ്മിലുള്ള പൊരുത്തക്കേട് നിർണ്ണയിക്കാൻ വെയ്ൻ എ ബോൾട്ടൺ വികസിപ്പിച്ചെടുത്ത ഒരു കണക്കുകൂട്ടലാണ് ബോൾട്ടൺ അനാലിസിസ് . ഈ വിശകലനം ഒപ്റ്റിമൽ ഇന്റർ ആർച്ച് ബന്ധം നിർണ്ണയിക്കാൻ സഹായിക്കുന്നു. ഈ വിശകലനം ഓരോ പല്ലിന്റെയും വീതി അളക്കുകയും രണ്ട് വിശകലനങ്ങളായി തിരിച്ചിരിക്കുകയും ചെയ്തിരിക്കുന്നു. [1] [2]ബോൾട്ടൺ 1950-ൽ സെന്റ് ലൂയിസ് ഡെന്റൽ സ്കൂളിലെ വാഷിംഗ്ടൺ യൂണിവേഴ്സിറ്റിയിൽ നിന്ന് ബിരുദം നേടി.
ചരിത്രം
[തിരുത്തുക]1958-ൽ വെയ്നെ എ. ബോൾട്ടൺ ഈ കണക്കുകൂട്ടൽ ആദ്യമായി അവതരിപ്പിക്കുകയും പ്രസിദ്ധീകരിക്കുകയും ചെയ്തു. 1962-ൽ അദ്ദേഹം ഇതേക്കുറിച്ച് മറ്റൊരു പ്രബന്ധം പ്രസിദ്ധീകരിച്ചു, അത് ഓർത്തോഡോണ്ടിക്സിൽ ബോൾട്ടൺ അനാലിസിസ് ഉപയോഗിക്കുന്നതിന്റെ ക്ലിനിക്കൽ ആപ്ലിക്കേഷനുകളെക്കുറിച്ച് സംസാരിച്ചു.
ഓരോ പല്ലിന്റെയും വീതി അളക്കാൻ തിരഞ്ഞെടുക്കുന്ന ഉപകരണമാണ് ബോളി ഗേജ്. എന്നിരുന്നാലും, 1995-ൽ, ഷെൽഹാർട്ട് നും മറ്റും ബോൾട്ടൺ അനാലിസിസിന് ബോളി ഗേജിനു പകരമായി വെർനിയർ കാലിപ്പറും ഉപയോഗിക്കാമെന്ന് അവരുടെ പഠനത്തിൽ കാണിച്ചു. [3] ഫോട്ടോകോപ്പികളിൽ നിന്നുള്ള അളവെടുപ്പ്, ട്രാവലിംഗ് മൈക്രോസ്കോപ്പ് എന്നിങ്ങനെ നിരവധി അന്വേഷണ മാതൃകകൾ വികസിപ്പിച്ചെടുത്തിട്ടുണ്ട്, എന്നാൽ പഠനങ്ങൾ വ്യത്യാസമുള്ള ഫലങ്ങളൊന്നും ഉണ്ടാക്കിയിട്ടില്ല. [4]
അടുത്തിടെ, ഓർത്തോകാഡ് പോലുള്ള കമ്പനികളുടെ ഡിജിറ്റൽ കാലിപ്പറുകൾ പല്ലുകളുടെ മെസിയോഡിസ്റ്റൽ വീതി അളക്കാൻ ഉപയോഗിക്കുന്നുണ്ട്.
അനാലിസിസ് അഥവാ വിശകലനം
[തിരുത്തുക]മൊത്തത്തിലുള്ള വിശകലനം എല്ലാ 12 (ആദ്യ അണപ്പല്ല് മുതൽ ആദ്യത്തെ അണപ്പല്ലു വരെ) കീഴ് താടിയിലുള്ള പല്ലുകളുടെ വീതിയുടെ ആകെത്തുക അളക്കുകയും അവയെ 12 മേൽത്താടിയിലെ പല്ലുകളുമായി താരതമ്യം ചെയ്യുകയും ചെയ്യുന്നു. മൊത്തത്തിലുള്ള അനുപാതം 91.3% ആണ്. [5] ഇതിന്റെ ഒരു വിഭാഗം മുൻവശത്തെ വിശകലനം എന്നറിയപ്പെടൂന്നു. അത് മുൻവശത്തെ 6 കീഴ് പല്ലുകളുടെ വീതിയുടെ ആകെത്തുക അളക്കുകയും അവയെ മേൽ പല്ലുകളുമായി താരതമ്യം ചെയ്യുകയും ചെയ്യുന്നു. മുൻ വശത്തെ പല്ലുകളുടെ അനുപാതം 77.2% ആണെന്ന് കാണിച്ചിട്ടുണ്ട്. മൊത്തത്തിലുള്ള, അതായത് 12 പല്ലുകളുടെ അനുപാതം 91.3%-ൽ കൂടുതലാണ്. ഇതിൽ കൂടുതലാണ് എന്നു കാണുന്നു എങ്കിൽ കീഴ് പല്ലുകൾ അവയുടെ ശാരാശരി വീതിയേക്കാൽ വലുതാണെന്നാണ്. അനുപാതം 91.3% ൽ കുറവാണെങ്കിൽ, കീഴ് പല്ലുകൾ സാധാരണയേക്കാൾ ചെറുതാണ് എന്നുമാണ് അനുമാനിക്കേണ്ടത്. മുൻ പല്ലുകളുടെ വിശകലനവും ഇതേ തത്വം പിന്തുടരുന്നു. സാധാരണയിൽ നിന്ന് വ്യത്യസ്തമായ അനുപാതം ഉള്ളതിനെ ബോൾട്ടൺ ഡിസ്ക്രീപൻസി എന്ന് വിളിക്കുന്നു. 2-ൽ കൂടുതലുള്ള ഒരു സ്റ്റാൻഡേർഡ് ഡീവിയേഷൻ സ്റ്റാറ്റിസ്റ്റിക്കലായി ഉണ്ട്. ബോൾട്ടൺ ഡിസ്ക്രീപ്പൻസി കൂടുതലുള്ള പല്ലുകൾ ചികിത്സ ചെയ്താൽ പോലും ഒരിക്കലും സാധാരണ പല്ലുകളുടേതു പോലെ ആക്കാൻ സാധിക്കില്ല എന്നും ശരിയാക്കണമെങ്കിൽ പല്ലുകളുടെ വലിപ്പത്തിൽ വ്യത്യാസപ്പെടുത്തേണ്ടി വരും എന്നുമാണ് അർത്ഥമാക്കേണ്ടത്.
റഫറൻസുകൾ
[തിരുത്തുക]- ↑ Nalacci, Ruhi (2013). "Comparison of Bolton analysis and tooth size measurements obtained using conventional and three-dimensional orthodontic models". European Journal of Dentistry. 7 (5): S66–70. doi:10.4103/1305-7456.119077. PMC 4054082. PMID 24966731.
{{cite journal}}: CS1 maint: unflagged free DOI (link) - ↑ Bolton, Wayne (1958). "Disharmony In Tooth Size And Its Relation To Treatment of Malocclusion". The Angle Orthodontist. 28: 113. Retrieved 6 September 2015.
- ↑ Shellhart, WC (1995). "Reliability of the Bolton tooth‑size analysis when applied to crowded dentitions". The Angle Orthodontist. 65 (5): 327–34. ISSN 0003-3219. PMID 8526291.
- ↑ Champagne, M (1992). "Reliability of measurements from photocopies of study models". Journal of Clinical Orthodontics. Archived from the original on 2016-03-04. Retrieved 6 September 2015.
- ↑ Ebadifar, Asghar (2013). "Comparison of Bolton's Ratios before and after Treatment in an Iranian Population". Journal of Dental Research, Dental Clinics, Dental Prospects. 7 (1): 30–5. doi:10.5681/joddd.2013.005 (inactive 31 December 2022). PMC 3593202. PMID 23487005.
{{cite journal}}: CS1 maint: DOI inactive as of ഡിസംബർ 2022 (link)