ഭരണി തിരുനാൾ ലക്ഷ്മി ബായി

ഇംഗ്ലീഷ് വിലാസം

https://ml.wikipedia.org/wiki/Bharani_Thirunal_Lakshmi_Bayi

ഭരണി തിരുനാൾ ലക്ഷ്മി ബായി
ആറ്റിങ്ങൽ റാണി
ഭരണകാലം	1857 - 1901
മുൻ‌ഗാമി	ഉത്രട്ടാതി തിരുനാൾ ഗൗരി പാർവ്വതി ബായി
പിൻ‌ഗാമി	പൂരാടം തിരുനാൾ സേതു ലക്ഷ്മി ബായി
രാജകൊട്ടാരം	ആറ്റിങ്ങൽ
രാജവംശം	കുലശേഖര
രാജകീർത്തനം	വഞ്ചീശ മംഗളം
മതവിശ്വാസം	ഹിന്ദു

മഹാറാണി ഭരണി തിരുനാൾ ലക്ഷ്മി ബായി CI (1848–1901). ആറ്റിങ്ങൽ മൂത്തറാണി (1857-1901). കേരള കാളിദാസൻ എന്നറിയപ്പെട്ട ചങ്ങനാശ്ശേരി ലക്ഷ്മീപുരം കൊട്ടാരത്തിലെ കേരളവർമ്മ വലിയ കോയിത്തമ്പുരാൻ ആയിരുന്നു ഭർത്താവ്.

ജനനം, ബാല്യം, ദത്തെടുക്കൽ

മാവേലിക്കര ഉത്സവ മഠം കൊട്ടാരത്തിലെ ഭരണി തിരുനാളിന്റെ മൂത്ത മകളായി 1848-ൽ ജനിച്ചു. 1957-ൽ സ്വാതി തിരുനാളിന്റെ അനിന്തരവളായിരുന്ന പൂരാടം തിരുനാൾ ലക്ഷ്മി ബായി (1829-1857) മൂലം തിരുനാളിനു ജന്മം നൽകുകയും ഏതാനും ദിവസങ്ങൾക്കുശേഷം മരണപ്പെടുകയും ചെയ്തു. ലക്ഷ്മി ബായിക്കു മൂലം തിരുനാൾ കൂടാതെ അത്തം തിരുനാൾ (ഹസ്തം തിരുനാൾ) ഒരു മൂത്ത പുത്രനും കൂടിയുണ്ടായിരുന്നു. മരുമക്കത്തായം പിന്തുടർച്ചയാക്കിയ വേണാടിനു ലക്ഷ്മി ബായിക്കു പിന്തുടർച്ചക്കാരില്ലാതെ വന്നപ്പോൾ മാവേലിക്കര ഉത്സവമഠം കൊട്ടാരത്തിൽ നിന്നും രണ്ടു രാജകുമാരിമാരെ ദത്തെടുക്കാൻ തീരുമാനിച്ചു. ഭരണി തിരുനാൾ അമ്മത്തമ്പുരാന്റെ മൂത്ത പുതിയായ ഭരണി തിരുനാൾ ലക്ഷ്മി ബായിയേയും അനുജത്തി ഭരണി തിരുനാൾ പാർവ്വതി ബായിയേയും (ജനനം:1850) ഉത്രം തിരുനാളിന്റെ കാലത്ത് ദത്തെടുത്തു.