മറൈൻ ഡ്രൈവ്, മുംബൈ

മറൈൻ ഡ്രൈവ്

ക്വീൻസ് നെക്ക്ലേസ്
മറൈൻ ഡ്രൈവ്; ക്വീൻസ് നെക്ക്ലേസ്
Neighbourhood
	എയർ ഇന്ത്യ ആസ്ഥാനം, ഒബ്റോയ്, എൻ.സി.പി.എ. എന്നീ കെട്ടിടങ്ങൾ മറൈൻ ഡ്രൈവിനരികിൽ.
	മറൈൻ ഡ്രൈവ് മുംബൈയിലെ സ്ഥാനം
	Coordinates: 18°56′38″N 72°49′23″E / 18.944°N 72.823°E
Country	ഇന്ത്യ
State	മഹാരാഷ്ട്ര
Metro	മുംബൈ
Languages
• Official	മറാഠി
സമയമേഖല	UTC+5:30 (IST)

മുംബൈ നഗരത്തിലെ പ്രശസ്തമായ ഒരു കടലോര വീഥിയാണ് മറൈൻ ഡ്രൈവ്. ദക്ഷിണ മുംബൈയിൽ നരിമാൻ പോയിന്റ് മുതൽ മലബാർ ഹിൽ വരെ 'C' ആകൃതിയിൽ കടലിന്റെ അരികു ചേർന്ന് ഈ റോഡ് വളഞ്ഞു കിടക്കുന്നു. രാത്രിയിൽ മറൈൻ ഡ്രൈവിലെ തെരുവുവിളക്കുകൾ ഒരു ഹാരത്തെ ഓർമ്മിപ്പിക്കുന്നതിനാൽ ‘ക്വീൻസ് നെക്ക്ലേസ്’ എന്ന പേരിലും ഈ റോഡ് അറിയപ്പെടുന്നു.

വിവരണം

ഈ റോഡിന്റെ ഔദ്യോഗിക നാമം നേതാജി സുഭാഷ് ചന്ദ്രബോസ് മാർഗ് എന്നാണ്. 3.6 കിലോമീറ്ററാണ് റോഡിന്റെ നീളം. ഭഗോജീ സേഠ് കീർ, പല്ലോൻജി മിസ്ത്രി എന്നിവരാണ് ഇത് നിർമ്മിച്ചത്. ബാക്ക് ബേ എന്ന ചെറിയ ഉൾക്കടലിന്റെ അരികിലൂടെയാണ് ഈ റോഡിന്റെ നിർമ്മിതി. റോഡിനരികിലായി വീതിയേറിയ ഒരു നടപ്പാതയുണ്ട്. അരികിൽ വരിയായി നട്ടു വളർത്തിയ പനമരങ്ങളും ഈ വീഥിക്ക് മോടികൂട്ടുന്നു. മറൈൻ ഡ്രൈവിന്റെ വടക്കേ അറ്റത്തായാണ് ഗിർഗാവ് ചൗപ്പാട്ടി എന്നറിയപ്പെടുന്ന തിരക്കേറിയ ബീച്ച്.