മിഴിരണ്ടിലും
| മിഴിരണ്ടിലും | |
|---|---|
 | |
| സംവിധാനം | രഞ്ജിത്ത് |
| നിർമ്മാണം | അഗസ്റ്റിൻ[1] |
| രചന | രഞ്ജിത്ത് |
| അഭിനേതാക്കൾ | ദിലീപ് കാവ്യ മാധവൻ ഇന്ദ്രജിത്ത് |
| സംഗീതം | രവീന്ദ്രൻ ജോൺസൺ (പശ്ചാത്തല സംഗീതം) |
| ഛായാഗ്രഹണം | അളഗപ്പൻ. എൻ |
| ചിത്രസംയോജനം | രഞ്ജൻ എബ്രഹാം |
| വിതരണം | രാജശ്രീ ഫിലിംസ് പെൻറ ആർട്സ് അമ്പലക്കര ഫിലിംസ് |
| റിലീസിങ് തീയതി | 31 ഒക്ടോംബർ 2003 |
| രാജ്യം | ഇന്ത്യ |
| ഭാഷ | മലയാളം |
രഞ്ജിത്ത് സംവിധാനം ചെയ്ത് 2003 ൽ പുറത്തിറങ്ങിയ മലയാള ചലച്ചിത്രമാണ് മിഴിരണ്ടിലും[2]. ദിലീപ്, കാവ്യ മാധവൻ, ഇന്ദ്രജിത്ത്, ജഗതി ശ്രീകുമാർ, സുകുമാരി, രേവതി എന്നിവർ പ്രധാനവേഷങ്ങളിൽ എത്തുന്ന ഈ ചലച്ചിത്രം നരേന്ദ്രപ്രസാദ് അഭിനയിച്ച അവസാനചിത്രവുമാണ്.
കഥാസംഗ്രഹം
[തിരുത്തുക]ഒരു നഴ്സായ ഭദ്ര (കാവ്യ മാധവൻ) വിധവയായ അമ്മ, മുത്തശ്ശി, ഒരു മെഡിക്കൽ വിദ്യാർത്ഥിനിയായ സഹോദരി ഭാമ എന്നിവരോടൊപ്പമാണ് താമസിക്കുന്നത്. ഭദ്രയുടെ മൂത്ത സഹോദരൻ അച്യുതൻകുട്ടി (ജഗതി ശ്രീകുമാർ) ഒരു രാഷ്ട്രീയക്കാരനാണ്. ഭദ്ര കൂടെ ജോലിചെയ്യുന്ന ഡോ. അരുണുമായി പ്രണയത്തിലാകുന്നു. പക്ഷേ, ഡോ. അരുണിന്റെ അച്ഛൻ മുസ്ലീമും അമ്മ ഒരു ഹിന്ദുവുമായതിനാൽ അച്യുതൻകുട്ടി ആ ബന്ധം തകർക്കാൻ ശ്രമിക്കുന്നു. അതേസമയം അച്യുതൻകുട്ടിയ്ക്ക് ബിസിനസ്സുകാരനും പണമിടപാടുകാരനുമായ കൃഷ്ണകുമാറിനെ (ദിലീപ്) നേരിടേണ്ടിവരുന്നു. കൃഷ്ണകുമാർ അച്യുതൻകുട്ടിയെ കുടുംബവീട് വിൽക്കുന്നതിനായി പ്രേരിപ്പിക്കുന്നു. മാതാപിതാക്കളുടെ മരണശേഷം തളർന്നുപോയ കൃഷ്ണകുമാറിന്റെ സഹോദരി ശ്രീദേവിയെ ഭദ്ര കണ്ടുമുട്ടുന്നു. ഇതേസമയം കൃഷ്ണകുമാർ ഭദ്രയെ ഇഷ്ടപ്പെടുന്നു. പക്ഷേ, ഡോ. അരുണിന്റെ ആത്മഹത്യ ഭദ്രയുടെ ജീവിതം തന്നെ മാറ്റിമറിക്കുന്നു. മാനസികമായ് തളർന്ന ഭദ്രയെ സംരക്ഷിക്കാൻ കൃഷ്ണകുമാർ തീരുമാനിക്കുന്നു, പിന്നീട് ഭദ്രയ്ക്കു സമ്മതമാണെങ്കിൽ വിവാഹം കഴിക്കാനും.
അഭിനേതാക്കൾ
[തിരുത്തുക]- ദിലീപ് ... കൃഷ്ണകുമാർ
- കാവ്യ മാധവൻ ... ഭദ്ര/ഭാമ
- ഇന്ദ്രജിത്ത് ... ഡോ. അരുൺ
- ജഗതി ശ്രീകുമാർ ... തെച്ചിക്കാട്ട് അച്ച്യുതൻക്കുട്ടി
- സുകുമാരി ... ഭദ്രയുടെ അമ്മ
- രേവതി ... ശ്രീദേവി
- വിജയകുമാരി ... യശോദര
- നരേന്ദ്രപ്രസാദ് ... ബാപ്പുജി
- ജനാർദ്ദനൻ ... തമ്പി
- കുഞ്ചൻ ... വാസു
- ശോഭാമോഹൻ ... ദേവി
- കൽപ്പന ... ശാരദ
- സീനത്ത് ... വത്സല കോശി
- അഗസ്റ്റിൻ ... ബിച്ചു
- അബു സലിം ശ്രദ്ധയുടെ ഭർത്താവ്
- സായി കുമാർ
- മീന ഗണേഷ്
- ശാന്താദേവി മുത്തശ്ശി
- വി.കെ. ശ്രീരാമൻ
- സിദ്ദിഖ് മേനോൻ
സംഗീതം
[തിരുത്തുക]ഈ ചലച്ചിത്രത്തിൽ രവീന്ദ്രൻ മാസ്റ്ററുടെ സംഗീതത്തിലും വയലാർ ശരത്ചന്ദ്രവർമ്മയുടെ വരികളിലും ആറു ഗാനങ്ങളാണുള്ളത്.
ഗാനങ്ങൾ
[തിരുത്തുക]| # | ഗാനം | ഗായകർ | രാഗം |
|---|---|---|---|
| 1 | " ആലിലത്താലിയുമായ് " | പി. ജയചന്ദ്രൻ | ശുദ്ധസാവേരി |
| 2 | "എന്തിനായ് നിൻ" | കെ.എസ്. ചിത്ര | സുമനീശ രഞ്ജനി |
| 3 | "ഓമനേ" | കെ.ജെ. യേശുദാസ്, സുജാത മോഹൻ | കല്ല്യാണി |
| 4 | "ഓമനേ (M)" | കെ.ജെ. യേശുദാസ് | കല്ല്യാണി |
| 5 | "വാർമഴവില്ലേ" | കെ.എസ്. ചിത്ര | കംബോജി |
| 6 | "വാർമഴവില്ലേ (M)" | ശ്രീനിവാസ് | കംബോജി |