ലോങ് ജമ്പ്
| Athletics Long jump | |
|---|---|
 A long jumper at the 2007 Military World Games | |
| World records | |
| Men |  Mike Powell 8.95 m (29 അടി 4+1⁄4 ഇഞ്ച്) (1991) |
| Women |  Galina Chistyakova 7.52 m (24 അടി 8 ഇഞ്ച്) (1988) |
| Olympic records | |
| Men | Bob Beamon 8.90 m (29 അടി 2+1⁄4 ഇഞ്ച്) (1968) |
| Women | Jackie Joyner-Kersee 7.40 m (24 അടി 3+1⁄4 ഇഞ്ച്) (1988) |
| World Championship records | |
| Men | Mike Powell 8.95 m (29 അടി 4+1⁄4 ഇഞ്ച്) (1991) |
| Women | Jackie Joyner-Kersee 7.36 m (24 അടി 1+3⁄4 ഇഞ്ച്) (1987) |
ഒരു അത്‌ലെറ്റിക്സ് കായിക മത്സരമാണ് ലോങ് ജമ്പ് (long jump). ലോങ് ജമ്പിൽ അത്ലറ്റുകൾ ഒരു ടേക്ക്ഓഫ് പോയിന്റിൽ നിന്ന് കഴിയുന്നിടത്തോളം ദൂരം ചാടാൻ ശ്രമിക്കുന്നു. അത്ലറ്റുകൾ അവരുടെ ജമ്പുകളുടെ ദൈർഘ്യം താരതമ്യം ചെയ്ത് മത്സരിക്കുന്നു.
മത്സരാർത്ഥികൾ റൺവേയിലൂടെ ഓടി, 8 ഇഞ്ച് വീതിയുള്ള തടികൊണ്ടുള്ള ബോർഡിൽ നിന്ന് കഴിയുന്നത്ര ദൂരം ചാടി ഒരുക്കിയ മണലിലേക്ക് നിലംകുത്തുന്നു.
മത്സരാർത്ഥിയുടെ കാലിന്റെ ഏതെങ്കിലും ഭാഗം ഫൗൾ ലൈൻ മറികടന്നിട്ടാണ് ചാട്ടം ആരംഭിച്ചതെങ്കിൽ ആ ജമ്പ് ഒരു ഫൗളായി കണക്കാക്കുകയും ദൂരം രേഖപ്പെടുത്താതിരിക്കുകയും ചെയ്യും
ചാടുമ്പോൾ മത്സരാർത്ഥി പിന്നിലേക്ക് വീണാൽ ചാട്ടത്തിന്റെ ദൂരത്തെ അത് കുറയ്ക്കും. അളക്കുന്ന ദൂരം ഫൗൾ ലൈനിൽ നിന്ന് മത്സരാർത്ഥിയുടെ ശരീരത്തിന്റെ ഏതെങ്കിലും ഭാഗമോ യൂണിഫോമോ മൂലമുണ്ടാകുന്ന മണലിന്റെ ഏറ്റവും അടുത്തുള്ള സ്പർശന സ്ഥാനത്തിന് ലംബമായിരിക്കും.
സാധാരണയായി ഓരോ മത്സരാർത്ഥിക്കും മൂന്ന് ട്രയലുകൾ വീതം നൽകുന്നു. മികച്ച എട്ടോ ഒമ്പതോ മത്സരാർത്ഥികൾക്ക് മൂന്ന് അധിക ജമ്പുകൾ നൽകും. എല്ലാ നിയമപരമായ മാർക്കുകളും രേഖപ്പെടുത്തും, പക്ഷേ ഏറ്റവും ദൈർഘ്യമേറിയ നിയമപരമായ ജമ്പ് മാത്രമേ ഫലങ്ങളിലേക്ക് പരിഗണിക്കൂ. മത്സരത്തിന്റെ അവസാനം ഏറ്റവും ദൈർഘ്യമേറിയ നിയമപരമായ കുതിപ്പ് (ട്രയൽ അല്ലെങ്കിൽ ഫൈനൽ റൗണ്ടുകളിൽ നിന്ന്) വിജയിയായി പ്രഖ്യാപിക്കപ്പെടുന്നു. മത്സരാവസാനം ഏറ്റവും ദൈർഘ്യമേറിയ നിയമപരമായ ചാട്ടം ചാടിയ മത്സരാർത്ഥിയെ വിജയിയായി പ്രഖ്യാപിക്കുന്നു.