വിക്കിപീഡിയ:തിരഞ്ഞെടുത്ത ചിത്രങ്ങൾ/ഏപ്രിൽ 2020
<< | ഏപ്രിൽ 2020 | >> |
---|
![ഇന്ത്യൻ പുള്ളിപ്പുലി](http://upload.wikimedia.org/wikipedia/commons/thumb/e/ed/Indian_leopard_by_irvin_calicut_SAM_2137.jpg/180px-Indian_leopard_by_irvin_calicut_SAM_2137.jpg)
ഇന്ത്യ, നേപ്പാൾ, ഭൂട്ടാൻ, ബംഗ്ലാദേശ്, പാകിസ്താൻ എന്നിവിടങ്ങളിൽ കാണപ്പെടുന്ന പുള്ളിപ്പുലിയാണ് ഇന്ത്യൻ പുള്ളിപ്പുലി. വർധിച്ച് വരുന്ന വേട്ടയാടലും കള്ളക്കടത്തും കാരണം ഇവ ഇന്ന് അപകടനിലയിൽ ആയിക്കൊണ്ടിരിക്കുകയാണ്. ആവാസസ്ഥാനങ്ങളുടെ നാശവും ഇവയെ പ്രതികൂലമായി ബാധിക്കുന്നു.
ഛായാഗ്രഹണം: ഇർവിൻ കാലിക്കറ്റ്
![കണ്ടനാർകേളൻ](http://upload.wikimedia.org/wikipedia/commons/thumb/6/6d/Kandanaar_kelan_theyyam_at_Peeleri_vayanattukulavan_kaavu_7.jpg/180px-Kandanaar_kelan_theyyam_at_Peeleri_vayanattukulavan_kaavu_7.jpg)
പയ്യന്നൂർ, തളിപ്പറമ്പ് ഭാഗങ്ങളിൽ പ്രധാനമായും കെട്ടിയാടുന്ന തെയ്യമാണ് കണ്ടനാർകേളൻ. ആദ്യം തെയ്യത്തിന്റെ ബാല്യാവേഷമായ വെള്ളാട്ടം കെട്ടിയാടിയത്തിനു ശേഷം പൂർണ്ണരൂപം കെട്ടിയാടുന്നു. പ്രധാനപ്പെട്ട ചടങ്ങായ ചൂട്ട കൂട്ടിയിട്ട് കത്തിച്ച് കൊണ്ടുള്ള അഗ്നിപ്രവേശനമാണ് ചിത്രത്തിൽ.
ഛായാഗ്രഹണം: Shagil Kannur
![പൂച്ചമൂങ്ങ](http://upload.wikimedia.org/wikipedia/commons/thumb/6/61/Short_eared_owl_kuwait_by_irvin_calicut_DSCN0576.jpg/180px-Short_eared_owl_kuwait_by_irvin_calicut_DSCN0576.jpg)
വലിയ കണ്ണുകളും തലയും ചെറിയ കഴുത്തും വീതിയുള്ള ചിറകുകളുമുള്ള പക്ഷിയാണ് പൂച്ചമൂങ്ങ. വെളിമ്പ്രദേശങ്ങളിൽ ഏതാനും അടി ഉയരത്തിൽ പറന്നാണ് ഇര തേടുന്നത്. ചെറിയ സസ്തനികളാണ് ഭക്ഷണം. പ്രധാനമായും രാത്രിയിലാണ് ഇര തേടുന്നത്. പൂച്ചമൂങ്ങയുടെ കണ്ണുകൾ മഞ്ഞ കലർന്ന ഓറഞ്ചു നിറമാണ്, ചുറ്റും കറുത്ത വലയം കാണാം. ചെടികൾക്കിടയിൽ തറയിൽ കൂടുണ്ടാക്കിയാണ് മുട്ടയിടുക.
ഛായാഗ്രഹണം: ഇർവിൻ കാലിക്കറ്റ്
![വെള്ളി നാൽക്കണ്ണി](http://upload.wikimedia.org/wikipedia/commons/thumb/4/42/White_four_ring_from_Melagiri_TN_IMG_6862.jpg/180px-White_four_ring_from_Melagiri_TN_IMG_6862.jpg)
ഒരു രോമപാദ ചിത്രശലഭമാണ് വെള്ളി നാൽക്കണ്ണി. കേരളം, തമിഴ്നാട്, ഒറീസ്സ എന്നീ സംസ്ഥാനങ്ങളിൽ നിന്നും ഇവയെ കണ്ടെത്തിയിട്ടുണ്ട്. മേയ്, ഒക്ടോബർ, ഡിസംബർ മാസങ്ങളിലാണ് ഇവയെ കാണാറുള്ളത് .
ഛായാഗ്രഹണം: Firos AK
![മഴത്തുള്ളൻ ശലഭം](http://upload.wikimedia.org/wikipedia/commons/thumb/d/d3/Baracus_hampsoni_Elwes_%26_Edwards%2C_1897_%E2%80%93_Malabar_Hedge_Hopper_-_Hampson%27s_Hedge_Hopper_from_Maloor%2C_Peravoor_%281%29.jpg/180px-Baracus_hampsoni_Elwes_%26_Edwards%2C_1897_%E2%80%93_Malabar_Hedge_Hopper_-_Hampson%27s_Hedge_Hopper_from_Maloor%2C_Peravoor_%281%29.jpg)
സഹ്യാദ്രിയിലെ മഴക്കാടുകളിൽ കാണപ്പെടുന്ന അപൂർവ്വ ഇനം ചിത്രശലഭമാണ് വേലിതുള്ളൻ അഥവാ മഴത്തുള്ളൻ. ഈ ശലഭത്തിന്റെ വ്യത്യസ്ത ഉപവർഗ്ഗങ്ങൾ ശ്രീലങ്ക, കേരളം, തമിഴ്നാട്, കർണ്ണാടക സംസ്ഥാനങ്ങളിലെ പശ്ചിമഘട്ടപ്രദേശങ്ങൾ, വടക്കുകിഴക്കൻ സംസ്ഥാനങ്ങൾ എന്നിവിടങ്ങളിൽ കണ്ടുവരുന്നു. പച്ചത്തുള്ളൻ പറക്കുന്നപോലെ ചാഞ്ചാടിയാണ് സഞ്ചരിക്കുന്നത്, വെയിൽ ഒഴിവാക്കി തണലത്ത് വിഹരിയ്ക്കാനാണ് ഇവയ്ക്ക് താത്പര്യം.
ഛായാഗ്രഹണം: വിനയരാജ് വി. ആർ.
![കതിവനൂർ വീരൻ](http://upload.wikimedia.org/wikipedia/commons/thumb/3/38/Kathivanoor_Veeran_Chemmarathi_Thara-Eripuram.jpg/180px-Kathivanoor_Veeran_Chemmarathi_Thara-Eripuram.jpg)
കണ്ണൂർ ജില്ലയിൽ കെട്ടിയാടുന്ന തെയ്യമാണ് കതിവനൂർ വീരൻ. മാങ്ങാട്ട് നിവാസിയായിരുന്ന മന്ദപ്പനാണ് പിൽകാലത്ത് ദൈവപരിവേഷം കിട്ടി തെയ്യമൂർത്തിയായി കെട്ടിയാടുന്നത് എന്നാണ് വിശ്വാസം. രാത്രിയിലോ പുലർച്ചയോ ആണ് ഈ തെയ്യമൂർത്തി അരങ്ങേറാറു പതിവ്. നാകം താഴ്ത്തി എഴുത്ത് എന്നാണ് കതിവനൂർ വീരൻ തെയ്യത്തിന്റെ മുഖത്തെഴുത്തിനു പേര്. താടിയും മീശയും ഉണ്ടാകും. തിടങ്ങൽ തോറ്റം,വലിയ തോറ്റം, തെയ്യം എന്നിങ്ങനെ അവതരണത്തിന് മൂന്നു ഘട്ടങ്ങളുണ്ട്.
ഛായാഗ്രഹണം: അജിത് ഉണ്ണികൃഷ്ണൻ