സുസ്ഥിര വികസന ലക്ഷ്യങ്ങളും ഇറാനും

The Sustainable Development Goals are a UN initiative.

2015 സെപ്തംബർ 25-ന് 193 അംഗരാജ്യങ്ങളെ ഉൾപ്പെടുത്തി ഒരു ചർച്ചാ പ്രക്രിയയിലൂടെ ഐക്യരാഷ്ട്രസഭ വികസിപ്പിച്ച 169 പ്രത്യേക മേഖലകൾക്കായുള്ള പതിനേഴ് ആഗോള ലക്ഷ്യങ്ങളുടെ ഒരു കൂട്ടമാണ് സുസ്ഥിര വികസന ലക്ഷ്യങ്ങൾ (SDGs). ഇവ സുസ്ഥിര വികസനത്തിനുള്ള 2030 അജണ്ട എന്നും അറിയപ്പെടുന്നു.  പങ്കാളികളിൽ ഒരാളെന്ന നിലയിൽ, 2030 അജണ്ട നടപ്പിലാക്കുമെന്ന് ഇറാൻ പ്രതിജ്ഞയെടുത്തു.

പശ്ചാത്തലം

2016 ഡിസംബറിൽ, ഇസ്ലാമിക് റിപ്പബ്ലിക് ഓഫ് ഇറാൻ ഭരണകൂടം ഒരു ദേശീയ വിദ്യാഭ്യാസ സംരംഭം പ്രഖ്യാപിക്കുന്ന ഒരു പ്രത്യേക ചടങ്ങ് നടത്തി. ഈ ആഗോള പരിപാടിയുടെ വിദ്യാഭ്യാസ ലക്ഷ്യങ്ങൾ നടപ്പിലാക്കുന്നതിനായി ഇറാനിലെ യുനെസ്കോ ഓഫീസ് ക്രമീകരിച്ചു. ഈ പ്രഖ്യാപനം രാജ്യത്തെ രാഷ്ട്രീയക്കാർക്കിടയിലും മർജയിലും കോളിളക്കം സൃഷ്ടിച്ചു.

പ്രവർത്തനങ്ങളും പ്രതിസന്ധികളും

സുസ്ഥിര വികസന ലക്ഷ്യങ്ങൾ അനുസരിച്ച് എല്ലാ 192 യുഎൻ അംഗരാജ്യങ്ങളും 2030  എത്തുന്നതോടെ ലിംഗഭേദമോ വംശീയതയോ പ്രായമോ പരിഗണിക്കാതെ  "എല്ലാവരെയും  ഉൾക്കൊള്ളുന്നതും ഗുണനിലവാരമുള്ളതുമായ വിദ്യാഭ്യാസം ഉറപ്പാക്കുകയും ആജീവനാന്ത പഠനം പ്രോത്സാഹിപ്പിക്കുകയും വേണം" എന്ന ലക്‌ഷ്യം നിറവേറ്റേണ്ടതുണ്ട്. ഈ രേഖയെ അടിസ്ഥാനമാക്കി റൂഹാനി ഭരണകൂടം "ഇസ്‌ലാമിക് റിപ്പബ്ലിക് ഓഫ് ഇറാൻ 2030 ദേശീയ വിദ്യാഭ്യാസ നിയമം: ഗുണനിലവാരമുള്ള വിദ്യാഭ്യാസത്തിലേക്കും ആജീവനാന്ത പഠനത്തിലേക്കും നീങ്ങുന്നു" എന്ന പേരിൽ സ്വന്തം വിദ്യാഭ്യാസ പദ്ധതി രൂപകല്പന ചെയ്തു. എന്നാൽ അത് സാംസ്കാരിക വിപ്ലവത്തിന്റെ സുപ്രീം കൗൺസിൽ (SCRC) അംഗീകരിച്ചിരുന്നില്ല.