സോണിയ ഗ്വാജജാര
സോണിയ ഗ്വാജജാര | |
|---|---|
.jpg) | |
| ജനനം | സോണിയ ബോൺ ഡി സൗസ സിൽവ സാന്റോസ് 6 മാർച്ച് 1974 |
| ദേശീയത | ബ്രസീലിയൻ |
| കലാലയം | Federal University of Maranhão ഫെഡറൽ യൂണിവേഴ്സിറ്റി ഓഫ് ബഹിയ |
| രാഷ്ട്രീയ കക്ഷി | PT (2000-2011) PSOL (2011-present) |
ബ്രസീലിയൻ തദ്ദേശീയ പ്രവർത്തകയും പരിസ്ഥിതി പ്രവർത്തകയും രാഷ്ട്രീയക്കാരിയുമാണ് സോണിയ ബോൺ ഡി സൗസ സിൽവ സാന്റോസ് ഒ.എം.സി (ജനനം: മാർച്ച് 6, 1974). സോണിയ ഗ്വാജജാര എന്നുമറിയപ്പെടുന്നു. ഇടതുപക്ഷ സോഷ്യലിസം ആന്റ് ലിബർട്ടി പാർട്ടി (പിഎസ്ഒഎൽ) അംഗമായ അവർ 2018 ലെ തിരഞ്ഞെടുപ്പിൽ ഗിൽഹെർം ബൗലോസിനെതിരെയുള്ള ബ്രസീൽ പ്രസിഡന്റ് സ്ഥാനാർത്ഥിയായിരുന്നു.
മുൻകാലജീവിതം
[തിരുത്തുക]വടക്കുകിഴക്കൻ സംസ്ഥാനമായ മാരൻഹാവോയിലെ ആമസോണിയൻ മഴക്കാടുകളിൽ സ്ഥിതിചെയ്യുന്ന അരാരിബിയ തദ്ദേശീയ ഭൂമിയിലെ (പോർച്ചുഗീസ്: ടെറ ഇൻഡെജെന അററിബിയ),ഒരു ഗ്വാജജാര കുടുംബത്തിലാണ് സോണിയ ഗ്വാജജാര ജനിച്ചത്. പതിനഞ്ചാമത്തെ വയസ്സിൽ ഫുനൈയുടെ ക്ഷണപ്രകാരം വീട് വിട്ട് മിനാസ് ജെറൈസിലേക്ക് മാറി. അവിടെ ഒരു കാർഷിക ബോർഡിംഗ് സ്കൂളിൽ പ്രാഥമിക വിദ്യാഭ്യാസം പൂർത്തിയാക്കി. [1]
വളരെ ചെറുപ്രായത്തിൽ തന്നെ ഗ്വാജജാര രാഷ്ട്രീയത്തിൽ താല്പര്യം കാണിക്കുകയും "ഞാൻ ഒരു ആക്ടിവിസ്റ്റായി ജനിച്ചു. അജ്ഞാതാവസ്ഥയ്‌ക്കെതിരെയും തദ്ദേശവാസികളുടെ അദൃശ്യതയ്‌ക്കെതിരെയും പോരാടുന്നതിനാണ് ഞാൻ എന്റെ ജീവിതകാലം മുഴുവൻ ചെലവഴിച്ചത്. എല്ലായ്പ്പോഴും ഒരു വഴി കണ്ടെത്താൻ ഞാൻ ആഗ്രഹിക്കുന്നു. തദ്ദേശവാസികളുടെ ചരിത്രവും ജീവിതരീതിയും സമൂഹത്തിനെ മൊത്തത്തിൽ വെളിച്ചത്തിലേക്ക് കൊണ്ടുവരുന്നതിനുള്ള ഒരു മാർഗ്ഗമാണ്." എന്നവർ പ്രസ്താവിക്കുകയും ചെയ്തു.
ഗ്വാജജാര പിന്നീട് സാവോ ലൂയിസിന്റെ തലസ്ഥാനമായ മാരൻഹാവോയിലെ ഫെഡറൽ യൂണിവേഴ്സിറ്റിയിൽ ചേർന്നു. [2]ബഹിയയിലെ ഫെഡറൽ യൂണിവേഴ്സിറ്റിയിലെ ഇൻസ്റ്റിറ്റ്യൂട്ട് ഓഫ് ഹ്യൂമാനിറ്റീസ്, ആർട്സ്, കൾച്ചർ എന്നിവയിൽ നിന്ന് ഗ്വാജജാര കൾച്ചർ ആന്റ് സൊസൈറ്റിയിൽ ബിരുദാനന്തര ബിരുദം നേടിയിട്ടുണ്ട്. സർകലാശാലബിരുദത്തിനുശേഷം ഗ്വാജജാര അധ്യാപികയായും നഴ്‌സായും ഉൾപ്പെടെ വിവിധ ജോലികളിൽ പ്രവർത്തിച്ചു. [3]
ആക്ടിവിസവും ബഹുമതികളും
[തിരുത്തുക].jpg)
ബ്രസീലിലെ മുന്നൂറോളം തദ്ദേശീയ വംശീയ വിഭാഗങ്ങളെ പ്രതിനിധീകരിക്കുന്ന ഒരു സംഘടനയായ ആർട്ടിക്യുലാനോ ഡോസ് പോവോസ് ഇൻഡെജെനാസ് ഡോ ബ്രസീൽ (ബ്രസീലിലെ തദ്ദേശവാസികളുടെ അഭിപ്രായം, അല്ലെങ്കിൽ "എപിഐബി") നേതാവാണ് ഗ്വാജജാര.[4]
ഒരു പ്രവർത്തകയെന്ന നിലയിൽ നാഷണൽ കോൺഗ്രസിലെ ഗ്രാമീണവാദികളുമായി അവർ വിരോധത്തിലാണ്. ഒരു കൂട്ടം യാഥാസ്ഥിതിക നിയമസഭാ സാമാജികർ പൊതുസ്ഥലങ്ങളിൽ കൂടുതൽ വികസനത്തിന് അനുകൂലമായ അഗ്രിബിസിനസ് താൽപ്പര്യങ്ങളുമായി സഖ്യമുണ്ടാക്കി.[5]
ആമസോൺ മഴക്കാടുകളിലെ സമ്പർക്കമില്ലാത്ത ആളുകളുമായി ബന്ധപ്പെടാനുള്ള ശ്രമങ്ങളെ ഗ്വാജജാര ശക്തമായി എതിർക്കുന്നു. [6]പ്രസിഡന്റ് ജെയർ ബോൾസോനാരോയുടെ വനനശീകരണ നയങ്ങൾ കാരണം ഗ്രഹത്തിന് ഭീഷണിയാണെന്ന് ഗ്വാജജാര വിശേഷിപ്പിച്ചു.[7] 2020 ൽ ബ്രസീലിലെ COVID-19 പകർച്ചവ്യാധികൾക്കിടയിൽ അടിയന്തര പരിസ്ഥിതി നടപടിക്ക് അവർ ആവശ്യപ്പെട്ടു.[8]
ഒരു ആക്ടിവിസ്റ്റായിരിക്കെ ബ്രസീലിലെ തദ്ദേശീയ അവകാശങ്ങളെ പിന്തുണച്ച് നിരവധി പ്രകടനങ്ങൾ സംഘടിപ്പിക്കുകയും 2013 ൽ അന്നത്തെ പ്രസിഡന്റ് ദിൽമ റൂസെഫുമായി തദ്ദേശീയ നേതാക്കളുടെ കൂടിക്കാഴ്ചയ്ക്ക് സൗകര്യമൊരുക്കുകയും ചെയ്തു. [9]2015 ൽ ബ്രസീലിയൻ ഓർഡെം ഡോ മെറിറ്റോ കൾച്ചറലിലേക്ക് അവരെ തിരഞ്ഞെടുത്തു.[4]മാരൻഹാവോ സംസ്ഥാനവും അവർക്ക് ഒരു മെഡൽ സമ്മാനിച്ചു.
രാഷ്ട്രീയ ജീവിതം
[തിരുത്തുക]പാർട്ടി രാഷ്ട്രീയം
[തിരുത്തുക]2003 മുതൽ 2016 വരെ ബ്രസീൽ ഭരിച്ച ഇടതുപക്ഷ പാർട്ടിയായ വർക്കേഴ്സ് പാർട്ടി (പിടി) യിൽ 2000 ൽ ഗ്വാജജാര അംഗമായി. 2011 ൽ അവരുടെ സ്വന്തം സംസ്ഥാനമായ മാരൻഹാവോയുടെ ഗവർണറായി സേവനമനുഷ്ഠിച്ച യാഥാസ്ഥിതിക രാഷ്ട്രീയക്കാരിയായ റോസാന സാർനിയുമായുള്ള സഖ്യം കാരണം 2011 ൽ ഗ്വാജജാര പാർട്ടി വിട്ടു.[10]പിന്നീട് അവർ പി ടി വിമതർ സ്ഥാപിച്ച സോഷ്യലിസ്റ്റ് പാർട്ടിയായ സോഷ്യലിസം ആൻഡ് ലിബർട്ടി പാർട്ടിയിൽ (പിഎസ്ഒഎൽ) ചേർന്നു.
അവലംബം
[തിരുത്തുക]- ↑ Borders, No (2020-06-16). "Sônia Guajajara: Indigenous women in Brazil leading in the fight for justice (part 1)". No Borders (in ഇംഗ്ലീഷ്). Retrieved 2021-02-26.
- ↑ "Coordenadora da APIB, indígena Sonia Guajajara é cotada como vice de Boulos". Combate Racismo Ambiental (in പോർച്ചുഗീസ്).
- ↑ "Sonia Guajajara". Global Shakers (in അമേരിക്കൻ ഇംഗ്ലീഷ്). Archived from the original on 2021-04-22. Retrieved 2021-02-26.
- ↑ 4.0 4.1 "Sônia Guajajara". Green Cross International. Archived from the original on 2018-09-29. Retrieved 2021-04-22.
- ↑ "Profiles: Sônia Guajajara, A Powerful Voice for Brazil's Indigenous Peoples". Amazon Watch (in ഇംഗ്ലീഷ്). Retrieved 2021-02-26.
- ↑ International, Survival. "Renowned indigenous leaders call for end to uncontacted 'genocide'". www.survivalinternational.org (in ഇംഗ്ലീഷ്). Retrieved 2021-02-26.
- ↑ "Sônia Guajajara: "Bolsonaro é uma ameaça para o planeta"". www.uol.com.br (in ബ്രസീലിയൻ പോർച്ചുഗീസ്). Retrieved 2021-02-26.
- ↑ "For Brazil's indigenous people, COVID-19 is only the latest battle". Huck Magazine (in അമേരിക്കൻ ഇംഗ്ലീഷ്). 2020-04-28. Retrieved 2020-06-27.
- ↑ "Sônia Guajajara" (in ഫ്രഞ്ച്). Association québécoise des organismes de coopération internationale.
- ↑ "Líder indígena é candidata à vice-presidência brasileira". www.dn.pt (in പോർച്ചുഗീസ്). Retrieved 2021-02-26.
| International | |
|---|---|
| National | |
| Other | |
