ഹാമൽ
| ശൈലി: | Template engine |
|---|---|
| രൂപകൽപ്പന ചെയ്തത്: | Hampton Catlin |
| ഏറ്റവും പുതിയ പതിപ്പ്: | 5.0.4/ ഒക്ടോബർ 13, 2017 |
| ഓപറേറ്റിങ്ങ് സിസ്റ്റം: | Cross-platform |
| അനുവാദപത്രം: | MIT License and Unspace Interactive |
| വെബ് വിലാസം: | haml |
ഒരു വെബ് ഡോക്യുമെന്റിൽ ഇൻലൈൻ കോഡ് എഴുതുന്നത് ഒഴിവാക്കാനും എച്‌ടിഎംഎൽ ക്ലീനർ ആക്കാനും രൂപകൽപ്പന ചെയ്തിട്ടുള്ള ഒരു ടെം‌പ്ലേറ്റിംഗ് സിസ്റ്റമാണ് ഹാമൽ (എച്.ടി.എം.എൽ. അബ്‌സ്‌ട്രാക്ഷൻ മാർക്ക്അപ്പ് ലാംഗ്വേജ്). എച്‌ടിഎംഎൽ ചില ചലനാത്മക ഉള്ളടക്കം ഉണ്ടായിരിക്കാനുള്ള സൗകര്യം ഹാമൽ നൽകുന്നു. മറ്റ് വെബ് ഭാഷകളായ പി.എച്ച്.പി., എ‌എസ്‌പി, ജെ‌എസ്‌പി, ഇ-റൂബി പോലുള്ള ടെംപ്ലേറ്റ് സിസ്റ്റങ്ങൾ എന്നിവയ്‌ക്ക് സമാനമായി, റൺടൈമിൽ എക്സിക്യൂട്ട് ചെയ്യപ്പെടുന്ന ചില കോഡുകളും ഹാം ഉൾച്ചേർക്കുകയും ചില ചലനാത്മക ഉള്ളടക്കം നൽകുന്നതിന് എച്‌ടിഎംഎൽ കോഡ് ജനറേറ്റുചെയ്യുകയും ചെയ്യുന്നു. ഹാമൽ കോഡ് പ്രവർത്തിപ്പിക്കുന്നതിന്, ഫയലുകൾക്ക് .haml വിപുലീകരണം ആവശ്യമാണ്. ഈ ഫയലുകൾ .erb അല്ലെങ്കിൽ ഇറൂബി ഫയലുകൾക്ക് സമാനമാണ്, ഇത് ഒരു വെബ് ആപ്ലിക്കേഷൻ വികസിപ്പിക്കുമ്പോൾ റൂബി കോഡ് ഉൾച്ചേർക്കാൻ സഹായിക്കുന്നു.
കോഡിംഗ് കമൻസ് പാഴ്‌സുചെയ്യുമ്പോൾ, റൂബി 1.9 അല്ലെങ്കിൽ അതിനുശേഷമുള്ള അതേ നിയമങ്ങൾ ഹാമൽ ഉപയോഗിക്കുന്നു. യു.ടി.എഫ്-8 പോലുള്ള ആസ്കി(ASCII) അനുയോജ്യമായ എൻ‌കോഡിംഗുകൾ മാത്രമേ ഹാമൽ മനസ്സിലാക്കുന്നുള്ളൂ, പക്ഷേ യു‌ടി‌എഫ് -16 അല്ലെങ്കിൽ യു‌ടി‌എഫ് -32 അല്ല, കാരണം ഇവ ആസ്കിയുമായി പൊരുത്തപ്പെടുന്നില്ല.[1][2]
കമാൻഡ് ലൈനിലോ പ്രത്യേക റൂബി മൊഡ്യൂളായോ റൂബി ഓൺ റെയിൽ‌സ് ആപ്ലിക്കേഷനിലോ ഹാം‌ലിനെ ഉപയോഗിക്കാൻ കഴിയും.
ചരിത്രം
[തിരുത്തുക]2006-ൽ ഹാംപ്ടൺ കാറ്റ്‌ലിൻ അതിന്റെ ആദ്യ പ്രകാശനത്തോടെയാണ് ഹാമൽ അവതരിപ്പിച്ചത്. അദ്ദേഹത്തിന്റെ പ്രവർത്തനങ്ങൾ മറ്റ് ചില ആളുകൾ മുന്നോട്ട് കൊണ്ടുപോയി. എച്ച്ടിഎംഎൽ(HTML) ലളിതവും വൃത്തിയുള്ളതും ഉപയോഗിക്കാൻ എളുപ്പവുമാക്കുക എന്നതായിരുന്നു അദ്ദേഹത്തിന്റെ ലക്ഷ്യം. 2006 മുതൽ, ഇത് നിരവധി തവണ പരിഷ്കരിക്കുകയും പുതിയ പതിപ്പുകൾ പുറത്തിറക്കുകയും ചെയ്തു. 2012 വരെ നതാലി വീസെൻ‌ബോം ഹാമലിന്റെ പ്രാഥമിക പരിപാലകയായിരുന്നു, തുടർന്ന് നോർമൻ ക്ലാർക്ക് 2015 വരെ. റൂബി ആപ്ലിക്കേഷനുകളിൽ ഹാമലിനെ ഉപയോഗയോഗ്യമാക്കുന്നതിന് നതാലി പ്രവർത്തിച്ചു, ബ്രാൻഡിംഗും രൂപകൽപ്പനയും നിക്ക് വാൽഷ് ചെയ്തു.മാറ്റ് വൈൽഡിഗ്, അകിര മാറ്റ്സുഡ, ടീ പർഹാം, തകാഷി കൊക്കുബൻ എന്നിവരാണ് നിലവിൽ മെയിന്റനൻസ് ടീമിലുള്ള മറ്റുള്ളവർ.
അവലംബം
[തിരുത്തുക]- ↑ "Encoding". Retrieved 29 January 2016.
- ↑ "UTF encodings". Retrieved 7 February 2016.