കാർത്ത്യായനിയമ്മ
കാർത്ത്യായനിയമ്മ | |
|---|---|
.jpg) | |
| ജനനം | 1922 |
| മരണം | (വയസ്സ് 101) |
| മരണകാരണം | വാർദ്ധക്യസഹജ കാരണങ്ങൾ |
| ദേശീയത |  ഇന്ത്യ |
| അറിയപ്പെടുന്നത് | 96 ആം വയസ്സിൽ സാക്ഷരതാ പരീക്ഷ ഒന്നാം റാങ്കോടെ പാസായി |
2018-ൽ തൊണ്ണൂറ്റിയാറാമത്തെ വയസ്സിൽ കേരള സംസ്ഥാന സാക്ഷരതാമിഷന്റെ അക്ഷരലക്ഷം സാക്ഷരതാ പരീക്ഷയിൽ സംസ്ഥാനത്ത് ഒന്നാംറാങ്ക് നേടി പാസായ ശേഷം ദേശീയ തലത്തിൽ ശ്രദ്ധിക്കപ്പെട്ട ഇന്ത്യൻ വനിതയാണ് കാർത്ത്യായനിയമ്മ (ജനനം c. 1922 - മരണം 10 ഒക്ടോബർ 2023).[1] 2019 ൽ കാർത്ത്യായനിയമ്മ ഇന്ത്യയിൽ വനിതകൾക്ക് നൽകുന്ന പരമോന്നത സിവിലിയൻ ബുഹുമതിയായ നാരീശക്തി പുരസ്കാരം നേടി.[2]
ജീവിതരേഖ
[തിരുത്തുക]1922 ൽ ആണ് മുട്ടം ചിറ്റൂർ പടീറ്റതിൽ വീട്ടിൽ കാർത്ത്യായനിയമ്മ ജനിച്ചത്.[1] കേരളത്തിലെ ആലപ്പുഴ ജില്ലയിലെ ചേപ്പാട് സ്വദേശിയാണ്.[3] കുട്ടിക്കാലത്ത് തന്നെ പഠനമുപേക്ഷിച്ച് ജോലിക്ക് പോയിത്തുടങ്ങി. തെരുവ് തൂപ്പുകാരിയായും വീട്ടുജോലിക്കാരിയായും ജോലി ചെയ്തിരുന്ന കാർത്ത്യായനിയമ്മക്ക് ആറ് മക്കളുണ്ടായിരുന്നു.[4] എല്ലാ ദിവസവും പുലർച്ചെ 4 മണിക്ക് എഴുന്നേൽക്കുന്ന സസ്യാഹാരിയാണ് കാർത്ത്യായനിയമ്മ.[4]
മരണം
[തിരുത്തുക]കാർത്ത്യായനിയമ്മ 2023 ഒക്ടോബർ 10-ന് 101-ാം വയസ്സിൽ ആലപ്പുഴയിൽ വെച്ച് അന്തരിച്ചു.[5]
അംഗീകാരം
[തിരുത്തുക]2018 ൽ ലക്ഷം വീടു കോളനിയിൽ താമസിച്ചു വരികെയാണ് കാർത്ത്യായനിയമ്മ സാക്ഷരതാ മിഷൻ പരീക്ഷയെഴുതുന്നത്.[6] അറുപതാം വയസ്സിൽ പരീക്ഷ പാസായ മകളാണ് പഠിക്കാൻ അവർക്ക് പ്രചോദനമായത്.[4] കേരള സംസ്ഥാന സാക്ഷരതാ മിഷന്റെ അക്ഷരലക്ഷം പരിപാടിയുടെ ഭാഗമായി 2018 ഓഗസ്റ്റിൽ മറ്റ് 40,362 പേർക്കൊപ്പം കാർത്ത്യായനിയമ്മ പരീക്ഷയ്ക്കിരുന്നു.[4][3] തന്റെ ജില്ലയിൽ പരീക്ഷയ്ക്കിരുന്ന ഏറ്റവും പ്രായം കൂടിയ വ്യക്തിയായിരുന്നു അവർ.[3] ഒൻപതും പന്ത്രണ്ടും വയസ്സുള്ള കൊച്ചുമക്കളാണ് കാർത്ത്യായനിയമ്മക്ക് പാഠങ്ങൾ പകർന്നു നൽകിയിരുന്നത്.[7]
വായന, എഴുത്ത്, ഗണിതശാസ്ത്രം എന്നിവ പഠിച്ച് പരീക്ഷയെഴുതിയ കാർത്ത്യായനിയമ്മ 100 ൽ 98 മാർക്ക് നേടി സംസ്ഥാന തലത്തിൽ ഒന്നാമതായി.[1] "ഒരു കാരണവുമില്ലാതെ ഞാൻ വളരെയധികം പഠിച്ചു. പരീക്ഷ എനിക്ക് വളരെ എളുപ്പമായിരുന്നു " പരീക്ഷക്ക് ശേഷം കാര്ത്ത്യായനിയമ്മ പ്രതികരിച്ചു. [4] പരീക്ഷയിലെ വിജയത്തിനുശേഷം കാർത്തിയായാനി അമ്മ ഒരു ദേശീയതലത്തിൽ ശ്രദ്ധിക്കപ്പെട്ട താരമായി മാറി. ദീപാവലി വേളയിൽ ചലച്ചിത്ര താരം മഞ്ജു വാര്യർ അവരെ കണ്ടു; സി. രവീന്ദ്രനാഥ് (കേരള വിദ്യാഭ്യാസ മന്ത്രി) അവർക്ക് ഒരു ലാപ്‌ടോപ്പ് നൽകി; കേരള മുഖ്യമന്ത്രി പിണറായി വിജയൻ അവർക്ക് മെറിറ്റ് സർട്ടിഫിക്കറ്റ് നൽകി.[8][9][6] 100-ാം വയസ്സിൽ അടുത്ത ലെവൽ പരീക്ഷയിൽ വിജയിക്കുകയെന്നതാണ് തന്റെ ആഗ്രഹമെന്ന് അവർ ദി ഇക്കണോമിക് ടൈംസിന് നൽകിയ അഭിമുഖത്തിൽ പറഞ്ഞു.[4]
കാർത്ത്യായനിയമ്മ 2019 ൽ കോമൺ‌വെൽത്ത് ഓഫ് ലേണിംഗ് ഗുഡ്‌വിൽ അംബാസഡറായി.[10] 2020 മാർച്ചിൽ ഇന്ത്യൻ രാഷ്ട്രപതി രാം നാഥ് കോവിന്ദ് അവർക്ക് 2019 ലെ നാരീശക്തി പുരസ്കാരം നൽകി. പുരസ്കാരം ലഭിച്ച കേരളത്തിൽ നിന്നുള്ള മറ്റൊരു വ്യക്തി 105 ആം വയസ്സിൽ നാലാം ക്ലാസ് തുല്യതാ പരീക്ഷയെഴുതി പാസായ ഭാഗീരഥിയമ്മ ആയിരുന്നു.[11][1]
അവലംബം
[തിരുത്തുക]- ↑ 1.0 1.1 1.2 1.3 "നാരീശക്തി പുരസ്‌കാരത്തിന് അർഹതനേടി കേരളത്തിലെ അക്ഷരമുത്തശ്ശിമാർ".[പ്രവർത്തിക്കാത്ത കണ്ണി]
- ↑ "Grannies of learning go digital". The New Indian Express. Retrieved 2021-04-19.
- ↑ 3.0 3.1 3.2 "96-year-old to take literacy exam". The Hindu (in Indian English). IST. 4 August 2018. Retrieved 7 August 2020.
- ↑ 4.0 4.1 4.2 4.3 4.4 4.5 "96-year-old Karthyayani Amma clears Kerala's literacy exam, win hearts - A winner". The Economic Times. IST. 31 October 2018. Retrieved 7 August 2020.
- ↑ Nari Shakti award winner Karthyayani Amma passes away
- ↑ 6.0 6.1 Bagchi, Poorbita Bagchi (21 January 2019). "Kerala: At 96, Karthyayani Amma Becomes Commonwealth Learning Goodwill Ambassador". The Logical Indian (in ഇംഗ്ലീഷ്). Archived from the original on 2020-09-27. Retrieved 7 August 2020.
- ↑ Das, Ria (21 January 2019). "Karthyayani Amma Is Now Commonwealth Learning Goodwill Ambassador". She the people. Retrieved 7 August 2020.
- ↑ "Karthyayani Amma, the star at 96, celebrates Diwali with Manju Warrier". Mathrubhumi (in ഇംഗ്ലീഷ്). IST. 7 November 2018. Archived from the original on 2021-07-22. Retrieved 7 August 2020.
- ↑ "Education minister gifts laptop to Karthyayani Amma". Mathrubhumi (in ഇംഗ്ലീഷ്). IST. 8 November 2018. Archived from the original on 2021-07-22. Retrieved 7 August 2020.
- ↑ "96-yr-old Karthyayani Amma becomes Commonwealth Goodwill Ambassador". Mathrubhumi (in ഇംഗ്ലീഷ്). IST. 20 January 2019. Archived from the original on 2021-07-22. Retrieved 7 August 2020.
- ↑ Staff (7 March 2020). "98 yrs old from Kerala to be presented Nari Shakti Puraskar: Here's Why?". The Dispatch. Archived from the original on 2021-02-01. Retrieved 7 August 2020.