പ്രശാന്ത് (നടൻ)

ഇംഗ്ലീഷ് വിലാസം

https://ml.wikipedia.org/wiki/Prashanth_(actor)

പ്രശാന്ത്
പ്രശാന്ത് സാഗസം എന്ന ചലച്ചിത്രത്തിന്റെ ഓഡിയോ ലോഞ്ചിൽ
ജനനം	പ്രശാന്ത് ത്യാഗരാജൻ (1973-04-06) 6 ഏപ്രിൽ 1973 ചെന്നൈ, തമിഴ്നാട്, ഇന്ത്യ
തൊഴിൽ	ചലച്ചിത്ര അഭിനേതാവ്
സജീവ കാലം	1990–2006, 2011-ഇതുവരെ
മാതാപിതാക്കൾ	ത്യാഗരാജൻ

ഒരു ഇന്ത്യൻ ചലച്ചിത്ര അഭിനേതാവാണ് പ്രശാന്ത്. പ്രധാനമായും തമിഴ് ചലച്ചിത്ര മേഖലയിൽ പ്രവർത്തിക്കുന്ന പ്രശാന്ത്, മലയാളം, ഹിന്ദി ചലച്ചിത്രങ്ങളിലും അഭിനയിച്ചിട്ടുണ്ട്. തമിഴ് ചലച്ചിത്ര സംവിധായകനും നിർമ്മാതാവുമായ ത്യാഗരാജന്റെ മകനാണ്. 17-ാം വയസ്സിൽ രാധാ ഭാരതി സംവിധാനം ചെയ്ത വൈഗസി പൊറന്താച്ച് എന്ന തമിഴ് ചലച്ചിത്രത്തിലാണ് ആദ്യമായി അഭിനയിച്ചത്. കൂടാതെ 1990-കളിൽ പുറത്തിറങ്ങിയ ബാലു മഹേന്ദ്ര സംവിധാനം ചെയ്ത വണ്ണ വണ്ണ പൂക്കൾ (1992), ആർ.കെ. ശെൽവമണി സംവിധാനം ചെയ്ത ചെമ്പരത്തി (1992), മണിരത്നം സംവിധാനം ചെയ്ത തിരുടാ തിരുടാ (1993) എന്നീ ചലച്ചിത്രങ്ങളിലും അഭിനയിച്ചിട്ടുണ്ട്.

എസ്. ഷങ്കർ സംവിധാനം ചെയ്ത ജീൻസ് (1998) എന്ന ചലച്ചിത്രം പുറത്തിറങ്ങിയതിനു ശേഷമാണ് പ്രശാന്ത് തമിഴ് ചലച്ചിത്രരംഗത്ത് ശ്രദ്ധിക്കപ്പെട്ടത്. ഈ ചിത്രം പുറങ്ങിയതിനു ശേഷം 1990-കളുടെ അവസാനത്തിൽ കണ്ണെതിരേ തോന്റിനാൾ (1998), കാതൽ കവിതൈ (1998), ജോഡി (1999) എന്നീ ചലച്ചിത്രങ്ങളിലും അഭിനയിച്ചിരുന്നു. ചെന്നൈയിലെ ടി. നഗറിൽ സ്ഥിതി ചെയ്യുന്ന പനഗർ പാർക്കിൽ പ്രശാന്തിന് ഒരു ജൂവലറി സ്വന്തമായുണ്ട്.

ചലച്ചിത്ര രംഗം

ആദ്യകാലം

1990-ൽ പുറത്തിറങ്ങിയ വൈഗസി പൊറന്താച്ച് എന്ന ചലച്ചിത്രത്തിലൂടെയാണ് തമിഴ് ചലച്ചിത്രരംഗത്തേക്ക് പ്രശാന്ത് എത്തുന്നത്. ഈ ചലച്ചിത്രത്തെത്തുടർന്ന് എം.ടി. വാസുദേവൻ നായർ തിരക്കഥയെഴുതിയ മലയാള ചലച്ചിത്രമായ പെരുന്തച്ചനിലും പ്രധാന കഥാപാത്രത്തെ അവതരിപ്പിച്ചു. പെരുന്തച്ചന്റെ മകനായാണ് ഈ ചിത്രത്തിൽ പ്രശാന്ത് അഭിനയിച്ചത്. കൂടാതെ ദിൽ എന്ന ബോളിവുഡ് ചലച്ചിത്രത്തിന്റെ തമിഴ് റീമേക്കായ തോലി മുദ്ധു എന്ന ചലച്ചിത്രത്തിലും അഭിനയിച്ചിരുന്നു. ദിവ്യ ഭാരതിയായിരുന്നു ഈ ചലച്ചിത്രത്തിന്റെ മറ്റൊരു കഥാപാത്രത്തെ അവതരിപ്പിച്ചത്.

1990-കളുടെ അവസാനത്തോടെ ശ്രദ്ധിക്കപ്പെട്ട പ്രശാന്ത്, ലോകത്ത് പലയിടങ്ങളിലായി പ്രശാന്ത് സ്റ്റാർ നൈറ്റ് എന്ന പേരിൽ സ്റ്റേജ് പരിപാടികളും അവതരിപ്പിച്ചിരുന്നു. മറ്റ് ഹാസ്യനടന്മാരെയും നടിമാരെയും ഉൾപ്പെടുത്തിയായിരുന്നു ഈ പരിപാടി. സിംഗപ്പൂരിലും ലണ്ടനിലെ വെംബ്ലി അരീനയിലും ഈ പരിപാടി അവതരിപ്പിച്ചിരുന്നു.

2000-ൽ ഗുഡ് ലക്ക്, അപ്പു, പാർത്തേൻ രസിത്തേൻ എന്നീ ചലച്ചിത്രങ്ങളിൽ അഭിനയിച്ചു. ഇതേ വർഷം കമൽ സംവിധാനം ചെയ്ത മലയാളചലച്ചിത്രം നിറത്തിന്റെ തമിഴ് റീമേക്കായ പിരിയാത വരം വേണ്ടും എന്ന ചലച്ചിത്രത്തിന്റെ ചിത്രീകരണം ആരംഭിച്ചിരുന്നു. എന്നാൽ 2001-ലാണ് ഈ ചിത്രം പുറത്തിറങ്ങിയത്. ചോക‌്ലേറ്റ് എന്ന ചലച്ചിത്രവും ചിത്രീകരണം പൂർത്തിയായ ശേഷം താമസിച്ചാണ് പുറത്തിറങ്ങിയത്. സംവിധായകൻ ഹരിയുടെ ആദ്യ ചലച്ചിത്രമായ "തമിഴ്"ലും അഭിനയിച്ചിരുന്നു.

2003-2011

2000-ങ്ങളുടെ മധ്യത്തിൽ പ്രശാന്തിനെ കേന്ദ്രകഥാപാത്രമാക്കിക്കൊണ്ടുള്ള പല ചിത്രങ്ങളും നിർമ്മാണം ആരംഭിച്ചെങ്കിലും അവയിൽ പലതും ഉപേക്ഷിക്കുകയുണ്ടായി. 2004 സെപ്റ്റംബറിൽ ത്യാഗരാജൻ, ഹിന്ദി ചലച്ചിത്രം കാക്കിയുടെ റീമേക്കായി പോലീസ് എന്ന പേരിൽ ചിത്രം നിർമ്മിക്കുമെന്ന് പ്രഖ്യാപിച്ചിരുന്നു. എന്നാൽ വലിയ സ്കെയിൽ കാരണം ഈ ചിത്രം ഉപേക്ഷിക്കേണ്ടി വന്നു. 2004 ഒക്ടോബറിൽ സുസി ഗണേശന്റെ സക്കരൈ എന്ന ചിത്രത്തിൽ അഭിനയിക്കാൻ തീരുമാനിച്ചിരുന്നുവെങ്കിലും അതും ഉപേക്ഷിക്കപ്പെട്ടു. 2005 ഡിസംബറിൽ പ്രശാന്ത്, ആർ.കെ. ശെൽവണിയുടെ പുലൻ വിസാരണൈ 2 എന്ന ചലച്ചിത്രത്തിൽ അഭിനയിക്കാൻ ആരംഭിച്ചു. 1990-ൽ പുറത്തിറങ്ങിയ ആർ.കെ. ശെൽവമണിയുടെ തന്നെ ചലച്ചിത്രത്തിന്റെ രണ്ടാം ഭാഗമായിരുന്നു ഇത്. ഈ ചിത്രത്തിലെ ഗാനങ്ങൾ 2006 ൽ പുറത്തിറക്കുകയുണ്ടായി. എന്നാൽ നിർമ്മാതാവിന്റെ സാമ്പത്തിക പ്രശ്നങ്ങൾ കാരണം 9 വർഷങ്ങൾക്കു ശേഷം 2015ലാണ് ചിത്രം പുറത്തിറങ്ങിയത്.

2006 സെപ്റ്റംബറിൽ റിലീസ് ചെയ്യപ്പെട്ട ജാംബവാൻ എന്ന ചലച്ചിത്രം നിർമ്മാണ പ്രശ്നങ്ങൾ നേരിട്ടിരുന്നു. ഈ ചിത്രത്തിന് പൊതുവെ മോശം പ്രതികരണങ്ങൾ ലഭിക്കുകയും വ്യവസായികമായി പരാജയപ്പെടുകയും ചെയ്തു. 2007 ജനുവരി മുതൽ 2011 ഏപ്രിൽ വരെ പ്രശാന്തിന്റെ ചിത്രങ്ങളൊന്നും പുറത്തിറങ്ങിയില്ലെങ്കിലും പൊന്നർ ശങ്കർ, മമ്പട്ടിയാൻ എന്നീ ചലച്ചിത്രങ്ങളുടെ ചിത്രീകരണത്തിലായിരുന്നു. 2008-ൽ ടി. നഗറിലെ പനഗൽ പാർക്കിൽ പ്രശാന്ത് സ്വന്തമായി ഒരു ജൂവലറി ആരംഭിക്കുകയുണ്ടായി.

2017 ഫെബ്രുവരിയിൽ പ്രശാന്ത്, ഹിന്ദി ചലച്ചിത്രം സ്പെഷ്യൽ 26ന്റെ (2013) തമിഴ് റീമേക്കിലും നാൻ (2012) എന്ന തമിഴ് ചലച്ചിത്രത്തിന്റെ ഹിന്ദി റീമേക്കിലും അഭിനയിക്കാൻ ആരംഭിച്ചിരുന്നു.

അഭിനയിച്ച ചലച്ചിത്രങ്ങൾ

വർഷം	ചലച്ചിത്രം	കഥാപാത്രം	ഭാഷ
1990	വൈഗസി പൊറന്താച്ച്	കുമരേശൻ	തമിഴ്
1991	പെരുന്തച്ചൻ	കണ്ണൻ വിശ്വകർമ്മൻ	മലയാളം
1992	വണ്ണ വണ്ണ പൂക്കൾ	ശിവ	തമിഴ്
1992	ചെമ്പരുത്തി	രാജ	തമിഴ്
1992	ഉനക്കാക പിറന്തേൻ	കൃഷ്ണ	തമിഴ്
1992	പ്രേമ ശിഖരം	പ്രശാന്ത്	Telugu
1992	ഐ ലൗ യു	കിഷൻ	Hindi
1992	ലാതി	ഗുണ	Telugu
1993	എങ്ക തമ്പീ	പിച്ചുമണി	തമിഴ്
1993	തൊലി മുദ്ദൂ	പ്രശാന്ത്	Telugu
1993	തിരുടാ തിരുടാ	Azhagu	തമിഴ്
1993	കിഴക്കേ വരും പാട്ട്	ശക്തി	തമിഴ്
1994	അനോഖ പ്രേംയുദ്ധ്	പ്രശാന്ത്	Hindi
1994	രാസാ മകൻ	പ്രഭാകരൻ	തമിഴ്
1994	കൺമണി	രാജ	തമിഴ്
1994	സെന്തമിഴ് സെൽവൻ	സെൽവൻ	തമിഴ്
1995	ആണഴകൻ	രാജ	തമിഴ്
1996	കല്ലൂരി വാസൽ	സത്യ	തമിഴ്
1996	കൃഷ്ണ	കൃഷ്ണ	തമിഴ്
1997	മന്നവാ	ഈശ്വർ	തമിഴ്
1998	ജീൻസ്	വിശ്വനാഥൻ, രാമമൂർത്തി	തമിഴ്
1998	കണ്ണെതിരേ തോന്റിനാൽ	വസന്ത്	തമിഴ്
1998	കാതൽ കവിതൈ	വിശ്വ	തമിഴ്
1999	പൂമകൾ ഊർവലം	ശരവണൻ	തമിഴ്
1999	ജോഡി	കണ്ണൻ	തമിഴ്
1999	ഹലോ	ചന്ദ്രു	തമിഴ്
1999	ആസയിൽ ഒരു കടിതം	കാർത്തിക്	തമിഴ്
2000	ഗുഡ് ലക്ക്	സൂര്യ	തമിഴ്
2000	അപ്പു	അപ്പു	തമിഴ്
2000	പാർത്തേൻ രസിത്തേൻ	ഷങ്കർ	തമിഴ്
2001	പിരിയാത വരം വേണ്ടും	സഞ്ജയ്	തമിഴ്
2001	സ്റ്റാർ	മൂർത്തി	തമിഴ്
2001	ചോക്ലേറ്റ്	അരവിന്ദ്	തമിഴ്
2001	മജുനു	വസന്ത്	തമിഴ്
2002	തമിഴ്	തമിഴ്	തമിഴ്
2002	വിരുമ്പുകിറേൻ	ശിവൻ	തമിഴ്
2003	വിന്നർ	ശക്തി	തമിഴ്
2004	ജയ്	ജയ്	തമിഴ്
2004	ഷോക്ക്	വസന്ത്	തമിഴ്
2005	ആയുധം	ശിവ	തമിഴ്
2005	ലണ്ടൻ	ശിവരാമൻ	തമിഴ്
2006	ജാംബവാൻ	വേലൻ (ജാംബവാൻ)	തമിഴ്
2006	തകപ്പൻസാമി	കതിർവേൽ	തമിഴ്
2006	അടൈകളം	അൻപ്	തമിഴ്
2011	പൊന്നർ ശങ്കർ	പൊന്നർ, ശങ്കർ	തമിഴ്
2011	മമ്പട്ടിയാൻ	മമ്പട്ടിയാൻ	തമിഴ്
2015	പുലൻ വിസാരണൈ	ശബരീനാഥൻ	തമിഴ്
2016	സാഗസം	രവി	തമിഴ്
2018	ജോണി	ജോണി	തമിഴ്

പുറം കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് Prashanth