ആഡ്‌വെയർ
ആഡ്‌വെയർ, അതിന്റെ ഡെവലപ്പർമാർ പലപ്പോഴും അഡ്വർടൈസിംഗ്-സപ്പോർട്ടഡ് സോഫ്റ്റ്വെയർ എന്ന് വിളിക്കുന്നു, ഇൻസ്റ്റാളേഷൻ പ്രക്രിയയിൽ ഉപയോക്താവിന് മുന്നിൽ അവതരിപ്പിക്കുന്ന ഒരു സ്‌ക്രീനിലോ സോഫ്റ്റ്വെയറിന്റെ യൂസർ ഇന്റർഫേസിലോ ഓൺലൈൻ പരസ്യങ്ങൾ സ്വയമേവ സൃഷ്‌ടിച്ച് അതിന്റെ ഡെവലപ്പർക്ക് വരുമാനം ഉണ്ടാക്കുന്ന സോഫ്റ്റ്‌വെയറാണ്. ഈ സോഫ്റ്റ്വെയർ ഉപയോഗിച്ച് രണ്ട് തരത്തിലുള്ള വരുമാനം ഉണ്ടാക്കാൻ സാധിച്ചേക്കും: ഒന്ന് പരസ്യത്തിന്റെ പ്രദർശനത്തിനും മറ്റൊന്ന് "പേ-പെർ-ക്ലിക്ക്", ഇത് ഉപയോക്താവ് പരസ്യത്തിൽ ക്ലിക്ക് ചെയ്താൽ അതിന്റെ അടിസ്ഥാനത്തിൽ പണം ലഭിക്കുന്നു. ചില പരസ്യങ്ങൾ സ്‌പൈവെയറായും പ്രവർത്തിക്കുന്നു, [1]ഉപയോക്താവിനെക്കുറിച്ചുള്ള ഡാറ്റ ശേഖരിക്കുകയും റിപ്പോർട്ടുചെയ്യുകയും ചെയ്യുന്നു, ഇത് വിൽക്കുന്നതിനോ ടാർഗെറ്റുചെയ്‌ത പരസ്യത്തിനോ ഉപയോക്തൃ പ്രൊഫൈലിങ്ങിനോ ഉപയോഗിക്കുന്നു. സ്റ്റാറ്റിക് ബോക്‌സ് ഡിസ്‌പ്ലേ, ബാനർ ഡിസ്‌പ്ലേ, ഫുൾ സ്‌ക്രീൻ, വീഡിയോ, പോപ്പ്-അപ്പ് പരസ്യം അല്ലെങ്കിൽ മറ്റെന്തെങ്കിലും രൂപത്തിൽ ഉൾപ്പെടെ വിവിധ രീതികളിൽ സോഫ്റ്റ്വെയർ പരസ്യങ്ങൾ നടപ്പിലാക്കിയേക്കാം. എല്ലാ തരത്തിലുള്ള പരസ്യങ്ങളും ലക്ഷ്യമാക്കുന്നത് ഉപയോക്താക്കളുടെ ആരോഗ്യം, ധാർമ്മികത, സ്വകാര്യത, സെക്യുരിറ്റി റിസ്ക്കുകൾ(security risks) മുതലായവ മുതലെടുത്തുകൊണ്ടാകാം.
2003-ലെ മൈക്രോസോഫ്റ്റ് എൻസൈക്ലോപീഡിയ ഓഫ് സെക്യൂരിറ്റിയും മറ്റ് ചില സോഴ്സുകളും "ആഡ്‌വെയർ" എന്ന പദം വ്യത്യസ്തമായി ഉപയോഗിക്കുന്നു: "നിങ്ങളുടെ അറിവില്ലാതെ നിങ്ങളുടെ സിസ്റ്റത്തിൽ സ്വയം ഇൻസ്റ്റാൾ ചെയ്യുകയും ഉപയോക്താവ് ഇന്റർനെറ്റ് ബ്രൗസ് ചെയ്യുമ്പോൾ പരസ്യങ്ങൾ പ്രദർശിപ്പിക്കുകയും ചെയ്യുന്ന ഏതൊരു സോഫ്റ്റ്‌വെയറിനെയും ഇങ്ങനെ വിശേഷിപ്പിക്കാം",[2]അതായത്, മാൽവെയറിന്റെ മറ്റൊരു രൂപം.
ചില സോഫ്റ്റ്വെയർ ഡെവലപ്പർമാർ അവരുടെ സോഫ്റ്റ്വെയർ സൗജന്യമായി വാഗ്ദാനം ചെയ്യുന്നു, കൂടാതെ അവരുടെ ചെലവുകൾ തിരിച്ചുപിടിക്കാനും വരുമാനം ഉണ്ടാക്കാനും പരസ്യത്തിൽ നിന്നുള്ള വരുമാനത്തെ ആശ്രയിക്കുന്നു. ചിലർ പരസ്യം ചെയ്യാതെ തന്നെ സോഫ്റ്റ്വെയറിന്റെ ഒരു പതിപ്പും പണം ഉപയോഗിക്കാമെന്ന് വാഗ്ദാനം ചെയ്യുന്നു.
അഡ്വർടൈസിംഗ്-സപ്പോർട്ടഡ് സോഫ്റ്റ്വെയർ
[തിരുത്തുക]നിയമാനുസൃത പ്രവർത്തിക്കുന്ന സോഫ്‌റ്റ്‌വെയറിൽ, പരസ്യങ്ങൾ പ്രോഗ്രാമുമായി സംയോജിപ്പിക്കുകയോ ബണ്ടിൽ ചെയ്യുകയോ ചെയ്യുന്നു. ഡെവലപ്പർ ചെലവുകൾ വീണ്ടെടുക്കുന്നതിനും വരുമാനം ഉണ്ടാക്കുന്നതിനുമുള്ള ഒരു മാർഗമായാണ് ആഡ്‌വെയറിനെ സാധാരണയായി കാണുന്നത്. ചില സന്ദർഭങ്ങളിൽ, ഡെവലപ്പർ ഉപയോക്താവിന് സൗജന്യമായി അല്ലെങ്കിൽ കുറഞ്ഞ വിലയ്ക്ക് സോഫ്റ്റ്‌വേർ നൽകിയേക്കാം. ഉപയോക്താവിന് പരസ്യങ്ങൾ അവതരിപ്പിക്കുന്നതിലൂടെ ലഭിക്കുന്ന വരുമാനം, സോഫ്റ്റ്വെയർ ഉൽപ്പന്നം വികസിപ്പിക്കുന്നതിനും പരിപാലിക്കുന്നതിനും നവീകരിക്കുന്നതിനും ഡെവലപ്പറെ അനുവദിക്കുകയോ പ്രചോദിപ്പിക്കുകയോ ചെയ്തേക്കാം.[3]2007-ൽ മക്കിൻസി & കമ്പനി(McKinsey & Company) നടത്തിയ ഒരു സർവേയിൽ ഐടി, ബിസിനസ് എക്‌സിക്യൂട്ടീവുകളിൽ മൂന്നിലൊന്ന് പേരും അടുത്ത രണ്ട് വർഷത്തിനുള്ളിൽ പരസ്യത്തിനുവേണ്ടി ഫണ്ടുള്ള സോഫ്റ്റ്വെയർ ഉപയോഗിക്കാൻ പദ്ധതിയിടുന്നതോടെ, ബിസിനസ്സിൽ പരസ്യ പിന്തുണയുള്ള സോഫ്റ്റ്വെയറിന്റെ ഉപയോഗം കൂടുതൽ ജനപ്രിയമായിക്കൊണ്ടിരിക്കുകയാണ്.[4] ഓപ്പൺ സോഴ്‌സ് സോഫ്‌റ്റ്‌വെയറിനായുള്ള ബിസിനസ്സ് മോഡലുകളിലൊന്നാണ് പരസ്യത്തിനുവേണ്ടി ഫണ്ട് നൽകുന്ന സോഫ്റ്റ്വെയർ.
ആപ്ലിക്കേഷൻ സോഫ്റ്റ്‌വേർ
[തിരുത്തുക]ചില സോഫ്‌റ്റ്‌വെയറുകൾ പരസ്യത്തിന്റെ പിന്തുണയുള്ള മോഡും പണമടച്ചുള്ള, പരസ്യരഹിത മോഡും വാഗ്ദാനം ചെയ്യുന്നു. മോഡ് അൺലോക്ക് ചെയ്യുന്ന സോഫ്‌റ്റ്‌വെയറിനായുള്ള ലൈസൻസ് അല്ലെങ്കിൽ രജിസ്‌ട്രേഷൻ കോഡ് ഓൺലൈനായി വാങ്ങുകയോ സോഫ്റ്റ്വെയറിന്റെ പ്രത്യേക പതിപ്പ് വാങ്ങുകയോ ഡൗൺലോഡ് ചെയ്യുകയോ ചെയ്താൽ മതിയാകും.
ചില സോഫ്റ്റ്വെയർ രചയിതാക്കൾ തങ്ങളുടെ സോഫ്റ്റ്വെയറിന്റെ പരസ്യത്തിന്റെ പിന്തുണയുള്ള പതിപ്പുകൾ സോഫ്റ്റ്വെയർ ലൈസൻസുകൾ നൽകുന്നതിലേക്കായി വലിയ തുക നൽകാൻ മടിയുള്ള ബിസിനസ്സ് ഓർഗനൈസേഷനുകൾക്ക് ഒരു ബദൽ ഓപ്ഷനായി നൽകുന്നു, അതിന് പകരം പരസ്യദാതാക്കളിൽ നിന്ന് ഈടാക്കുന്ന ഉയർന്ന ഫീസുപയോഗിച്ച് സോഫ്റ്റ്വെയറിന്റെ വികസനത്തിന് വേണ്ടി ഉപയോഗിക്കുന്നു.[5]
പരസ്യ-പിന്തുണയുള്ള സോഫ്റ്റ്വെയറിന്റെ ഉദാഹരണങ്ങളിൽ ഇനിപറയുന്നവയാണ്, ആഡ്ബ്ലോക്ക് പ്ലസ് ("സ്വീകാര്യമായ പരസ്യങ്ങൾ"),[6] ഇന്റർനെറ്റ് ടെലിഫോണി ആപ്ലിക്കേഷനായ സ്കൈപ്പിന്റെ വിൻഡോസ് പതിപ്പ്,[7] കൂടാതെ ഇ-ബുക്ക് റീഡറുകളുടെ ആമസോൺ കിൻഡിൽ 3 ഫാമിലിയും, "കിൻഡിൽ വിത്ത് സ്പെഷ്യൽ ഓഫറുകൾ" എന്ന പതിപ്പുകളുമുണ്ട്, അവ ഹോം പേജിലും സ്ലീപ് മോഡിലും മികച്ച രീതിയിൽ പരസ്യങ്ങൾ കാണിക്കുന്നു.[8]
2012-ൽ, മൈക്രോസോഫ്റ്റും അതിന്റെ പരസ്യ വിഭാഗമായ മൈക്രോസോഫ്റ്റ് അഡ്വർടൈസിംഗും, മൈക്രോസോഫ്റ്റ് വിൻഡോസ് ഓപ്പറേറ്റിംഗ് സിസ്റ്റത്തിന്റെ പ്രധാന പതിപ്പായ വിൻഡോസ് 8, സോഫ്റ്റ്വെയർ രചയിതാക്കൾക്ക് ഒരു ബിസിനസ്സ് മോഡലായി പരസ്യങ്ങൾ നൽകുന്നതിനായി ബിൽറ്റ്-ഇൻ മെത്തേഡുകൾ പ്രഖ്യാപിച്ചു.[9][10] 2005 മുതൽ ഈ ആശയം പരിഗണിക്കപ്പെട്ടിരുന്നു.[11] വിൻഡോസ് 10-ന്റെ മിക്ക പതിപ്പുകളിലും ഡിഫോൾട്ടായി ആഡ്‌വെയർ നൽകിയിരിക്കുന്നു.[12]
അവലംബം
[തിരുത്തുക]- ↑ FTC Report (2005). "[1]"
- ↑ Tulloch, Mitch (2003). Koch, Jeff; Haynes, Sandra (eds.). Microsoft Encyclopedia of Security. Redmond, Washington: Microsoft Press. p. 16. ISBN 978-0-7356-1877-0.
- ↑ Braue, David (4 September 2008). "Feature: Ad-supported software". ZDNet. Retrieved 4 December 2012.
- ↑ Hayes Weier, Mary (5 May 2007). "Businesses Warm To No-Cost, Ad-Supported Software". Information Week. Archived from the original on 8 August 2016. Retrieved 4 December 2012.
- ↑ Levy, Ari (23 April 2012). "Ad-supported software reaches specialized audience". SF Gate. Retrieved 4 December 2012.
- ↑ "Allowing acceptable ads in Adblock Plus". adblockplus.org. Retrieved 18 March 2018.
- ↑ Tung, Liam (11 March 2011). "Skype now free ad-supported software". iT News for Australian Business. Retrieved 4 December 2012.
- ↑ "Kindle, Wi-Fi, Graphite, 6" Display with New E Ink Pearl Technology — includes Special Offers & Sponsored Screensavers". Amazon.com. Retrieved 4 August 2011.
- ↑ "Windows 8 Ads in Apps". Microsoft Advertising. Archived from the original on 21 November 2012. Retrieved 20 November 2012.
- ↑ Kim, Stephen (1 October 2012). "Microsoft Advertising Unveils New Windows 8 Ads in Apps Concepts with Agency Partners at Advertising Week 2012". Microsoft. Archived from the original on 27 September 2013. Retrieved 20 November 2012.
- ↑ Fried, Ina (14 November 2005). "Microsoft eyes making desktop apps free". CNET. Archived from the original on 24 November 2005. Retrieved 20 November 2012.
- ↑ Hoffman, Chris. "How to Disable All of Windows 10's Built-in Advertising". howtogeek.com. Retrieved 25 August 2020.